韓雅林

營業中

休息中

突然間想食醬油蟹，第一時間諗到銅鑼灣廣場一期韓雅林！🥢韓國菜吸引之處，就係餐前各式醃泡菜，有近六個款式勁開胃。泡菜都有帶甜、少辣口味白菜，茄子拌芝麻醬油更加香嫩，仲有我鍾意爽脆芽菜仔、菠菜、辣豆腐、醃甜心黃蕃薯，食完仲可以refill ！ 因為要留肚食燒肉，叫一隻醬油蟹🦀happy share! 最期待既蟹蟹🦀先上檯，勁新鮮又大隻，好有光澤。蟹身開邊，中間呈現橙黃色爆晒羔，未食經已令人著迷！入口超綿滑，味道鮮甜😍蟹殼夠薄，輕易就食到啖啖鮮嫩蟹肉，刺身質感透亮，拌左調製醬油，蟹鮮更加香濃突出。爪鉗部位都好入味，不過最吸引係將蟹蓋羔拌紫菜蛋飯食，飯粒撈勻軟滑蟹羔，好好味！ 醬油蟹之外，烤肉都係韓迷必食，呢碟雪花牛肉🥓夠鮮紅，兼有細緻雪花脂肪紋理，燒肉唔會切得太薄軟潤度適中，肉汁味道濃厚，略帶輕油脂香口感更佳！仲有菇菌、露筍、南瓜片可以燒蔬菜平衡下！🥄韓牛雪濃湯牛骨湯色奶白清香，除左鮮嫩大片牛肉，細心留意會有發現，頗多切鮑魚薄片，放熱湯拌飯又係另一番享受，口感温潤暖胃！