古今

營業中

休息中

今晚同男朋友睇《鬼滅之刃劇場版 無限列車》之前，去食晚飯先。呢間卷物幾抵食，我地叫左四樣野食，埋單都係$396，又食得飽。胡麻豆腐沙律幾大碟，生菜新鮮，胡麻醬落得夠多，豆腐嫩滑大舊。火山由青瓜、牛油果、蟹柳、帶子組成。上碟好驚豔，堆積如山高。底層由一個個壽司卷建立，上層鋪滿蟹柳、帶子，仲有蟹籽添，十分足料。辣妹由芝士、炸蝦、辣味吞拿魚組成。味道唔辣，但配搭幾夾，帶脆口既口感，好味。三文魚魚頭湯勁大盤，魚頭超大個，湯好清甜又唔會死鹹，而且落左勁多娃娃菜同豆腐粒，滿足。