影片
更多
2021-09-24
363 瀏覽
老字號嘅鐵板燒店鉄人旨花位於銅鑼灣，佢哋用料上乘，食材特別新鮮，呢次終於有機會去試吓啦！我哋今次係叫左龍蝦鐵板餐二人前。前菜分別有醬油龍蝦豆腐同埋秋葵沙律。醬油龍蝦豆腐：喺清新嘅凍豆腐上面鋪左啖啖鮮甜嘅龍蝦肉，好滿足。秋葵沙律：夠哂清新，調味得宜。汁煮白鱈魚：用左超甜嘅日本洋蔥所煮嘅汁嚟烹調，能夠完美帶出白鱈魚嘅鮮味，再加埋經過鐵板嘅香煎，令魚肉都帶有陣陣嘅焦香，而師傳仲將白鱈魚嘅魚皮燒成脆片，香脆可口，配埋白鱈魚食口感層次變得更豐富。海膽汁煮龍蝦：主菜之一大大隻嘅新鮮龍蝦，上鐵板嘅時候佢仲識郁㗎，證明佢極為新鮮，龍蝦肉鮮甜彈牙，加埋佢嘅秘製海膽醬汁，鮮甜嘅味道足足多左兩倍嘅感覺。蒜蓉炒天白菇：呢個係季節限定，係秋季專屬，天白菇可算係日本嘅香菇，但係佢哋size夠哂大隻，又厚肉。師傳加埋濃郁嘅蒜蓉去煮，帶出天白菇獨有嘅香味，變得更加好味。熊本縣產A5和王牛：主菜之一嚟自熊本嘅A5和王牛，油脂豐腴，完全能夠做到入口即化嘅感覺，牛味又夠濃，蘸埋佢哋秘製醬汁，醬汁帶點酸味，更能突出和牛牛肉嘅肉味。配菜有羽衣甘藍同埋日本甜番薯，羽衣甘藍索哂和牛嘅肉汁，啖啖都食到和牛嘅精華。椰子雞湯：雞湯嘅雞味
老字號嘅鐵板燒店鉄人旨花位於銅鑼灣，佢哋用料上乘，食材特別新鮮，呢次終於有機會去試吓啦！我哋今次係叫左龍蝦鐵板餐二人前。
前菜分別有醬油龍蝦豆腐同埋秋葵沙律。
醬油龍蝦豆腐：喺清新嘅凍豆腐上面鋪左啖啖鮮甜嘅龍蝦肉，好滿足。
秋葵沙律：夠哂清新，調味得宜。
汁煮白鱈魚：用左超甜嘅日本洋蔥所煮嘅汁嚟烹調，能夠完美帶出白鱈魚嘅鮮味，再加埋經過鐵板嘅香煎，令魚肉都帶有陣陣嘅焦香，而師傳仲將白鱈魚嘅魚皮燒成脆片，香脆可口，配埋白鱈魚食口感層次變得更豐富。
海膽汁煮龍蝦：主菜之一大大隻嘅新鮮龍蝦，上鐵板嘅時候佢仲識郁㗎，證明佢極為新鮮，龍蝦肉鮮甜彈牙，加埋佢嘅秘製海膽醬汁，鮮甜嘅味道足足多左兩倍嘅感覺。
蒜蓉炒天白菇：呢個係季節限定，係秋季專屬，天白菇可算係日本嘅香菇，但係佢哋size夠哂大隻，又厚肉。師傳加埋濃郁嘅蒜蓉去煮，帶出天白菇獨有嘅香味，變得更加好味。
熊本縣產A5和王牛：主菜之一嚟自熊本嘅A5和王牛，油脂豐腴，完全能夠做到入口即化嘅感覺，牛味又夠濃，蘸埋佢哋秘製醬汁，醬汁帶點酸味，更能突出和牛牛肉嘅肉味。配菜有羽衣甘藍同埋日本甜番薯，羽衣甘藍索哂和牛嘅肉汁，啖啖都食到和牛嘅精華。
椰子雞湯：雞湯嘅雞味經已濃郁鮮甜，除左有陣陣嘅椰子清香之外，仲有菇菌獨特嘅香味散發出嚟添。
炒飯：用左嚟自日本嘅香米，師傅炒得夠哂鑊氣同埋夠乾身，仲用左好多嘅乾瑤柱絲，可以為炒飯增添口感外，仲有為炒飯增添不少海鮮嘅鮮甜味。
靜岡蜜瓜：靜岡縣出產嘅蜜瓜夠哂清甜。
柚子雪葩：用左新鮮嘅柚子汁所製，果味夠哂濃，又夠清涼。兩款甜品都係好啱喺食完啲較為熱氣嘅鐵板燒所享用。
張貼
