影片
更多
2024-07-03
108 瀏覽
UFuFu Cafe喺銅鑼灣謝斐道嘅一間日式Cafe，裝修同音樂都好令人放鬆。今日我喺度食咗好多嘢，份量好足夠，走嘅時候真係飽到伸唔值條腰啊！前菜小食方面我哋叫咗吉列千層豬柳，表面炸到金黃色，十分酥脆，一啲都唔會覺得油膩，而入面嘅豬柳真係好特別，佢做到一層層既薄片豬柳肉，但係都可以保留住入面好多汁，配上檸檬真係好清新啊。主食方面叫咗蛋包飯，咖喱好鮮甜，質地又滑又細膩，加上雞蛋包住嘅茄汁飯味道甜得剛剛好。而最有心思嘅係仲會有四款配料俾你，包括提子乾、椰絲、福神漬同炸蔥，真係好特別啊。另外我仲叫咗炸雞芝士蕃茄烏冬，烏冬彈牙，湯底濃郁，有蕃茄同蔬菜，炸雞酥脆多汁。晚市可以加$38選擇兩款跟餐食物，我揀咗湯同沙律。湯係蘑菇湯，質地幼滑，有粒粒蘑菇。沙律嘅菜亦都好新鮮，可以中和返呢一餐本身有油炸嘅食物。最後一定要食埋甜品先走啊！我叫咗八女抹茶，份量好多好滿足！首先佢嘅八女抹茶雪糕幼滑，有香濃嘅抹茶味。多士有香蛋味，外表脆口！另外配料有士多啤梨、丸子同埋紅豆瀑布，仲有鮮花點綴，真係又好睇又好食，好值得打卡！
前菜小食方面我哋叫咗吉列千層豬柳，表面炸到金黃色，十分酥脆，一啲都唔會覺得油膩，而入面嘅豬柳真係好特別，佢做到一層層既薄片豬柳肉，但係都可以保留住入面好多汁，配上檸檬真係好清新啊。
主食方面叫咗蛋包飯，咖喱好鮮甜，質地又滑又細膩，加上雞蛋包住嘅茄汁飯味道甜得剛剛好。而最有心思嘅係仲會有四款配料俾你，包括提子乾、椰絲、福神漬同炸蔥，真係好特別啊。另外我仲叫咗炸雞芝士蕃茄烏冬，烏冬彈牙，湯底濃郁，有蕃茄同蔬菜，炸雞酥脆多汁。晚市可以加$38選擇兩款跟餐食物，我揀咗湯同沙律。湯係蘑菇湯，質地幼滑，有粒粒蘑菇。沙律嘅菜亦都好新鮮，可以中和返呢一餐本身有油炸嘅食物。
最後一定要食埋甜品先走啊！我叫咗八女抹茶，份量好多好滿足！首先佢嘅八女抹茶雪糕幼滑，有香濃嘅抹茶味。多士有香蛋味，外表脆口！另外配料有士多啤梨、丸子同埋紅豆瀑布，仲有鮮花點綴，真係又好睇又好食，好值得打卡！
張貼
