Mano (The L. Square)

今日同朋友去銅鑼灣食晚餐，我哋book咗Mano食西餐，餐廳有唔同類型嘅菜式，例如意粉、牛扒、意大利飯等等，每款都好吸引。8Oz 意大利牛柳配車厘茄火箭菜$308牛柳大約三成熟，肉質非常軟霖而且充滿肉汁，外皮亦有少少焦脆感。牛扒本身有少少調味，唔會蓋過牛本身嘅味道，店員會問我哋要唔要三款芥末醬、黑胡椒同玫瑰鹽。牛扒配玫瑰鹽令到牛嘅味道更加突出，而配芥末醬牛扒味道更加清新，有一種獨特嘅風味。碟上面本身亦有醬汁可以陪住牛扒食，味道亦非常濃郁。蕃茄同火箭菜有甜甜酸酸嘅味道，非常開胃。新鮮黑松露蘑菇扁意大利麵 $178意大利麵有黑松露醬同埋黑松露片，黑松露嘅香味十足，非常濃郁，而且好Creamy。蘑菇同黑松露味道好夾，亦都可以增加唔同口感。意大利麵手工製作，口感彈牙唔容易斷，而且醬汁都好掛身，每一啖都充滿黑松露醬嘅味道，好滿足！Tiramisu $78Tiramisu比較甜，帶有淡淡baileys味，比較適合鍾意食甜食嘅人，而且上層嘅cream好順滑，加上表面可可粉中和翻，甜度啱啱好。所有嘢配搭起嚟非常好。