影片
更多
2025-02-27
226 瀏覽
以高級廚師發辦聞名嘅日本名廚Masa San最近於銅鑼灣皇冠假日酒店開設一間主打炭火割烹嘅新餐廳，創作出一系列特色料理，精緻又好味❤️ 環境裝修充滿格調及藝術氣息，好啱慶祝及各類聚會😚主廚擁有超過30年廚藝經驗，期間曾任職新加坡米芝蓮食府及東京百年壽司名店等餐廳✨ 係香港亦曾主理Sushi Masataka及Masa Hong Kong，不論在食材搭配、擺盤設計及用餐服務都非常用心，難怪吸引唔少顧客慕名而來🥰✨ Satori Tasting Menu ($980/ person)❀ 前菜 🥢先上3款前菜~當中特別鐘意慢煮雞胸，口感軟腍，配搭他他醬及蕃茄，酸甜又開胃🥰 煙燻三文魚加入芥末、海苔粉及蘆筍，鹹香惹味✨ 牛舌厚實彈牙，伴以蜜糖芥末香甜滋味👍🏻❀ 刺身 🐟真鯛：肉質細緻又有彈性，加上海膽醬更濃郁鰤魚：厚切肥美，配以柚子胡椒酸爽開胃赤身：魚味濃厚，搭配醋味噌食落甜甜地好特別拖羅蓉壽司：入口綿滑，加上醃蘿蔔增加口感❀ 真丈湯 🥣蔬菜清湯啖啖鮮美，蟹肉丸軟嫩彈牙，食落超級鮮甜，好足料呢👍🏻❀ 焼き物 2点 🔥燒物有雞肉丸子配鴨胸或羊肉✨ 雞肉丸子帶微微焦香，咬開仲好juicy，以甜甜嘅麵
主廚擁有超過30年廚藝經驗，期間曾任職新加坡米芝蓮食府及東京百年壽司名店等餐廳✨ 係香港亦曾主理Sushi Masataka及Masa Hong Kong，不論在食材搭配、擺盤設計及用餐服務都非常用心，難怪吸引唔少顧客慕名而來🥰
✨ Satori Tasting Menu ($980/ person)
❀ 前菜 🥢
先上3款前菜~當中特別鐘意慢煮雞胸，口感軟腍，配搭他他醬及蕃茄，酸甜又開胃🥰 煙燻三文魚加入芥末、海苔粉及蘆筍，鹹香惹味✨ 牛舌厚實彈牙，伴以蜜糖芥末香甜滋味👍🏻
❀ 刺身 🐟
真鯛：肉質細緻又有彈性，加上海膽醬更濃郁
鰤魚：厚切肥美，配以柚子胡椒酸爽開胃
赤身：魚味濃厚，搭配醋味噌食落甜甜地好特別
拖羅蓉壽司：入口綿滑，加上醃蘿蔔增加口感
❀ 真丈湯 🥣
蔬菜清湯啖啖鮮美，蟹肉丸軟嫩彈牙，食落超級鮮甜，好足料呢👍🏻
❀ 焼き物 2点 🔥
燒物有雞肉丸子配鴨胸或羊肉✨ 雞肉丸子帶微微焦香，咬開仲好juicy，以甜甜嘅麵豉醬作調味😍 鴨胸油脂豐富，嫩滑又帶嚼勁😚 羊肉好軟腍，濃郁且入味
❀ サラダ 🥗
食完燒物再呈上八爪魚南瓜沙律作解膩之用✨ 炸八爪魚軟腍多汁，伴上炸薯仔絲、牛蒡增加香脆口感，底層墊有柚子醋沙律，酸甜清新☺️
❀ 煮込み料理 🥢
銀鱈魚肉質香嫩，帶陣陣柚子香氣，底部墊有蘿蔔令味道更顯清甜😚 豚角煮選用鹿兒島豬腩肉，入口即化且肥而不膩，配搭綿滑嘅薯蓉，香甜濃郁好入味😍
❀ 和牛サーロイン朴葉味噌焼き 🐮
和牛朴葉味噌燒係透過燒烤將朴葉及味噌醬香氣緩緩滲入和牛，炭燒後和牛油香豐腴，肉質柔嫩，非常惹味🥰
❀ 釜めし (海鮮) 🍚
釜飯配料非常豐富，有齊海膽、三文魚、蝦、蟹肉、蜆肉及牛蒡等，飯粒質感煙韌，吸收晒海鮮精華❤️ 再加入三文魚籽及自行調配六款調味粉，充滿儀式感😍 另外一半嘅釜飯會製成茶漬飯，可配搭三文魚籽、脆脆、昆布漬及芥末食用，鮮味十足又有多種口感🥰
❀ 味噌汁 🥣
❀ 白玉小豆アイス 🍨
甜品係豆腐雪糕配士多啤梨及紅豆蓉，味道香甜清新，加埋軟糯嘅白玉，層次感更豐富🥰
張貼
