花漾

營業中

休息中

搵位度：🌟🌟🌟抵食度：🌟🌟好食度：🌟🌟🌟🌟🌟喺銅鑼灣時代廣場入面都有依間裝修時尚，但係味道相當之正宗嘅新加坡菜。咁今日lunch呢都試咗幾味，主打嘅菜式啊，包括係佢嘅白胡椒肉骨茶啦，喇沙侵侵，同埋海南雞飯。先講肉骨茶啦，口味係相當正宗，而且舊排骨呢比起新加坡更加好食，特別係嗰兩粒仲連住條筋嘅大蒜，簡直同新加坡係一模一樣。不過我個人鍾意食黑肉骨茶多少少。喇沙方面口味都同新加坡食嘅一模一樣，爭少少呢就係冇嗰度食咁辣，唔肯定有冇得叫佢加辣咁我估計都係因應香港本地口味有所調整。咁海南雞飯一般呢都係比新加坡當地食更加滑嘅，咁佢又呢我就未算太欣賞香港有唔少地方呢都會好食過佢，但係總體口味上都係正宗。Lunch價格每份都要接近$100不過都有杯特色嘢飲可以飲。