Mr. Steak Buffet à la minute

營業中

休息中

最鍾意食自助餐嘅我，經朋友介紹下就嚟到銅鑼灣世貿中心這間Mr Steak Buffet a la minute,一入到餐廳已經見到一個好靚嘅維港景色店內氣氛不錯，餐廳中央擺放了各式各樣美食，樣樣都好吸引。海鮮區有原隻龍蝦、長腳蟹、海蝦、青口和海螺。龍蝦好新鮮啖啖肉好清甜，長腳蟹有手掌般長肉質鮮甜，不用任何醬汁就咁食已經好好味。刺身有八至十款，有紅蝦、帶子、赤背、泰式生蝦、八爪魚、藍鰭吞拿魚和三文魚等。紅蝦好爽脆，八爪魚口感一流，帶子口肉甜美，壽司款式多不勝數，整體味道不錯。當晚主角當然係佐賀牛，牛肉油脂分佈平均，每一啖都充滿牛肉的味道，食咗兩三塊已經覺得值回票價。仲有八至十款熱盤選擇，樣樣都好吸引，茶樹菇乾貝煲螺頭湯，湯底鮮甜煲得好入味，完全冇加味精，養生一流。甜品有鮮果撻、雜果蛋糕、啫喱、芝士蛋糕、豆腐花、泡芙和中式糖水，樣樣都好精緻。最後當然食埋Movenpick雪條啦！呢一餐食完之後非常滿足！