影片
更多
2023-07-04
179 瀏覽
<銅鑼灣人氣座位迫Cafe 食物好食態度服務有待改善>#eatgood_銅鑼灣銅鑼灣呢間Cafe都幾有人氣嘢食都唔錯，不過服務呢就有待改善😅一入到去環境非常迫，枱與枱之間幾乎係申一個手掌就掂到，真係逼到好似茶餐廳咁，係啲客行過個袋會撞到杯水🙂唔緊要，咁我同朋友就想坐卡位，咁一開始話冇問題俾我哋坐，點知侍應就同我哋講原來卡位都要預先預約先有得坐，又叫我哋起翻身，都明白….好啦唔緊要，嗰日我拎咗比較多嘢放咗喺凳底，後邊係一個打卡位要上一個梯級先坐到嘅。其中一位短頭髮嘅女侍應就話我袋嘢好阻埞，不如幫我收起佢，我話唔使，佢話一定會kick親人，講咗幾句我都係唔肯，因為入邊都係個人物品，唔太想俾人拎走，個侍應即刻喺黑面🫤咁唔緊要啦，我就將袋嘢擺埋喺自己腳底一定唔會撞到人😇去到嗰一刻已經有啲嬲嬲地，不過禮貌起見都係照喺度用餐。🍴 蜜糖牛油蒜香單骨雞翼 $98 (10/10)有成10舊，份量真係好足，單骨雞翼食落好方便！雞翼有炸香過，再加上牛油蜜糖蒜蓉，食落去甜甜地又有蒜蓉嘅香味，雞翼炸得好香炸粉唔算好厚，好香脆，肉質又唔乾，真心好似韓式炸雞！🍴 蟹膏蟹肉卡邦尼 $158 (9/10
<銅鑼灣人氣座位迫Cafe 食物好食態度服務有待改善>
#eatgood_銅鑼灣
銅鑼灣呢間Cafe都幾有人氣嘢食都唔錯，不過服務呢就有待改善😅一入到去環境非常迫，枱與枱之間幾乎係申一個手掌就掂到，真係逼到好似茶餐廳咁，係啲客行過個袋會撞到杯水🙂唔緊要，咁我同朋友就想坐卡位，咁一開始話冇問題俾我哋坐，點知侍應就同我哋講原來卡位都要預先預約先有得坐，又叫我哋起翻身，都明白….
好啦唔緊要，嗰日我拎咗比較多嘢放咗喺凳底，後邊係一個打卡位要上一個梯級先坐到嘅。其中一位短頭髮嘅女侍應就話我袋嘢好阻埞，不如幫我收起佢，我話唔使，佢話一定會kick親人，講咗幾句我都係唔肯，因為入邊都係個人物品，唔太想俾人拎走，個侍應即刻喺黑面🫤咁唔緊要啦，我就將袋嘢擺埋喺自己腳底一定唔會撞到人😇去到嗰一刻已經有啲嬲嬲地，不過禮貌起見都係照喺度用餐。
🍴 蜜糖牛油蒜香單骨雞翼 $98 (10/10)
有成10舊，份量真係好足，單骨雞翼食落好方便！雞翼有炸香過，再加上牛油蜜糖蒜蓉，食落去甜甜地又有蒜蓉嘅香味，雞翼炸得好香炸粉唔算好厚，好香脆，肉質又唔乾，真心好似韓式炸雞！
🍴 蟹膏蟹肉卡邦尼 $158 (9/10)
冇諗過咁好食，忌廉味好香濃好Creamy，蟹肉蟹膏蟹子份量都好多，食到啖啖鹹香味，同忌廉汁好夾，加咗蟹子真係增加咗口感，真心係好好食，會推薦！
🍴 霹靂霹靂烤法國春雞 $188 (6/10)
個雞反而就麻麻哋啦，唔知點解咁多人推薦？雞肉比較鞋口，煮得太耐，食落去個皮都幾香脆嘅，鹹鹹地，有啲沙律蕃茄仔伴碟，賣相合格，味道就普通啦！
🍴開心果巴斯克芝士蛋糕 $78 (8/10)
超級多人叫呢個慶祝生日，開心果味真係好香濃，不過係來自個醬汁，本身個芝士蛋糕就係輕微嘅開心果味，加咗開心味磅增加咗口感嘅，芝士味就唔算好濃郁，不過都幾香，蛋糕口感都好細滑，都值得一叫嘅~
🍹 Tropical Sunshine $78 (7/10)
Pineapple, Banana, Mango, Peach，飲落去就係帶少少酸嘅香蕉味，唔知點解香蕉味真係特別濃蓋過咗其他生果，飲到少少菠蘿嘅香甜，芒果同埋桃就真係唔多覺？作為Smoothy好似冇乜奶？口感唔夠細滑同埋濃郁！都要過得去啦，不過$78真係有啲貴囉😂
推薦指數: 8/10(食物) 服務態度: 0/10
嘢食真係好食嘅，意粉會好食過肉類，真係好食到差啲唔記得咗佢服務咁差，不過咁嘅服務態度真係未必有下次囉🙂題外話，有朋友去嗰間餐廳食飯，個侍應態度一樣係咁差，睇嚟佢都係一視同仁，唔知點解值得收服務費呢？
大家去食飯要坐窗邊，記得book位寫低，冇寫就算冇人坐都唔會俾你坐㗎(利申成晚都見唔到有人坐嗰張枱，都係冇得坐㗎😉如果大家接受到一個服務態度差嘅Cafe嘅話都可以去嘅，真心係第一次去嘅個人經歷，比左七百幾蚊，如實報道俾大家，唔好俾咁多好食評瞞騙而有一個唔愉快嘅用餐經歷。
📍 Layback Cafe & Bar (銅鑼灣)
銅鑼灣耀華街3號百樂中心17樓02-03號舖
#香港美食 #hkfoodie #食好西 #hkig #hkeat #hkfood #food #tasty #cafe
張貼
