韓雅林

營業中

休息中

喺銅鑼灣同friend行街想食醬油蟹，見到OpenRice呢間好評最多，我哋又去食吓～我哋六點幾就到咗，所以唔使等位～去到七點幾個場已經爆滿😂目測都有幾多外國人去～女店員非常熱情，言談間發現是韓國人，而且餐廳經常聽到韓文打招呼，整體嘅氣氛都唔錯👍前菜有七大碟～每一碟質素都唔錯，連最簡單嘅泡菜都有兩款🤩呢度又係個個必點醬油蟹，我哋來到又試下☺️醬油蟹都幾大隻，蟹肉鮮甜可口，蟹膏爆晒出嚟😍醬油蟹本身配牛油飯，我哋拎咗部份嘅蟹肉蟹膏去撈飯，結果有另一番風味👍我哋另外叫咗海鮮蔥煎餅🫓，都算幾大份🫶🏻入面有超多超多蔥，見到有魷魚～兩個人食都算幾飽～～海鮮餅另外仲配咗個汁，個汁味道啱啱好，唔會太鹹，同個餅都幾夾～～見到好多人都食烤肉，我哋叫咗一份烤五花肉試吓😂初初諗緊淨係叫一份會唔會好奇怪…點知發現五花肉都幾大塊～塊肉成個燒烤爐咁大🫣店員會幫我哋燒，店員推介配搭生菜會更加好食～～我哋都叫咗一份生菜拼盤，都幾大份，而且入邊除咗生菜，仲有紫蘇葉、辣椒等…最尾我哋叫咗個牛排骨湯，入邊大概有四至五件牛排骨，都大大件👍個湯清清淡淡再配搭少少牛香味，感覺都唔錯☺️☺️雖然叫咗幾樣嘢食，兩條友嚟講，眼大肚窄，都幾飽😂