銘興山西刀削麵 (大同新邨) (已搬遷) 新店位置

今日有姨姨帶呀仔出去玩, 我地又可以抖下喇, 渡過一個難得的寧靜週末。就簡單的到大角咀食餐飯行下。搵左呢間零負評既銘興山西刀削麵, 我地大概11:30AM到達, 當時只有一枱客人, 好彩我地早少少到, 12PM已經坐滿左。我唸銘興山西刀削麵的最大賣點是每枱都放左一樽大大的醃蘿蔔, 雖然係免費任食, 但真心非常好味, 爽脆入味, 必食推介。我地點左薑蔥牛肉刀削麵, 特色冷刀削麵, 脆脆春卷同🍋凍檸茶。薑蔥牛肉刀削麵 - 薑蔥牛肉同麵係分開上(唔食薑蔥的我表示太幸運了), 牛肉非常有驚喜, 係我最愛既滑牛, 大塊厚肉, 新鮮嫩滑。就算連伴碟既🥜花生都唔馬虎, 香脆可口。刀削麵也不錯, 煙韌有咬口, 湯底味道正常。特色冷刀削麵 - 醬汁份量足但味道唔突出, 老公食左幾啖, 最後都要加辣醬去增加返D味道層次。脆脆春卷 - 呢個好普通, 可以省略唔點, 春卷皮唔脆, 內餡又淡而無味。