影片
更多
2024-10-19
776 瀏覽
我諗一講响香港搵日式拉麵食，大家可能會第一時間諗起灣仔，中環，尖沙咀之類嘅拉麵激戰區。如果話响大坑有間隱世小店，大家會刻意去一試嗎？我今次同家人去，一次過試晒醬油同鹽味拉麵。《特製醬油拉麵🍜》《特製鹽味拉麵🍜》香味，醬油 (4/5)，鹽味 (3.5/5)兩款湯都相當好聞，香味亦好充足，不過當然啦，醬油湯因為仲有雞油加持，香味一定優勝於鹽湯，因為鹽湯本身係冇乜味，而店家亦無額外添加另一d搶鼻嘅香味，鹽味就比較純粹。湯頭，醬油 (4/5)，鹽味 (4/5)醬油湯方面，佢算係比較深色，又係濃普洱茶d色澤。飲落香醇，醬油同雞油兩者混合嘅平衡度係做得幾好。另外，湯入面蔬菜嘅甜味亦明顯地可以品嚐到，鹹甜香都齊晒，湯嘅質感亦順口。不過，我個人口味來講覺得稍稍偏鹹左 d。鹽湯方面，色澤比我以往食過嘅鹽湯為深色左少少，甚至乎我會形容為有少少淡嘅咖啡色。我認為鹽湯嘅色如果清澈d會更吸引，雖然香港好少地方賣鹽味拉麵，以我所見日本d塩拉麵d湯多數都只會係淡麗茶色或琥珀色，所以我認為色澤可以再調整。味道方面，我係幾鍾意，佢鹽嘅味道係有特色，似係有種霸氣，有股力場去鞏固整個湯嘅味道咁，我認為係幾好味。麵條 (5/
我今次同家人去，一次過試晒醬油同鹽味拉麵。
《特製醬油拉麵🍜》
特製醬油拉麵🍜
$98
0 瀏覽
0 讚好
0 留言
《特製鹽味拉麵🍜》
特製鹽味拉麵🍜
$98
0 瀏覽
0 讚好
0 留言
香味，醬油 (4/5)，鹽味 (3.5/5)
兩款湯都相當好聞，香味亦好充足，不過當然啦，醬油湯因為仲有雞油加持，香味一定優勝於鹽湯，因為鹽湯本身係冇乜味，而店家亦無額外添加另一d搶鼻嘅香味，鹽味就比較純粹。
湯頭，醬油 (4/5)，鹽味 (4/5)
醬油湯方面，佢算係比較深色，又係濃普洱茶d色澤。飲落香醇，醬油同雞油兩者混合嘅平衡度係做得幾好。另外，湯入面蔬菜嘅甜味亦明顯地可以品嚐到，鹹甜香都齊晒，湯嘅質感亦順口。不過，我個人口味來講覺得稍稍偏鹹左 d。
鹽湯方面，色澤比我以往食過嘅鹽湯為深色左少少，甚至乎我會形容為有少少淡嘅咖啡色。我認為鹽湯嘅色如果清澈d會更吸引，雖然香港好少地方賣鹽味拉麵，以我所見日本d塩拉麵d湯多數都只會係淡麗茶色或琥珀色，所以我認為色澤可以再調整。味道方面，我係幾鍾意，佢鹽嘅味道係有特色，似係有種霸氣，有股力場去鞏固整個湯嘅味道咁，我認為係幾好味。
麵條 (5/5) - 兩款拉麵嘅麵條都係同一款，配兩款湯效果都相當好。
中細麵，方形，直身，麵身有一點點（用左全粒小麥粉）。呢款麵可以話係我食過咁多款拉麵中最對到我口味嘅一款。麥味非常夠（持別配鹽湯），而口感爽彈有咬口，順滑，我覺得比滿分係合理。
配料 (4.5/5) - 配料方面，我心目中嘅主角並唔係塊叉燒，而係條荀，因為呢道選用嘅唔係一般嘅荀乾，而係响香港極其少見嘅穗先荀！穗先荀本身特別長，口感特別好，另外穗先荀本身係比較清甜，同一般荀乾，味道同口感上都係明顯優勝。
醬油拉麵中，叉燒有兩款，各有兩塊，豬肩肉同豬腩肉，肉味夠，質量正正常常，兩者來比較腩肉會較為甘香，好食過豬肩肉少少。而，鹽味拉麵中，叉燒只有一款，就係豬肩肉，不過都有四塊 。
溏心蛋，未係好驚艷，正常地好食啦，最主要流心效果有做好，不過我個人鍾意更生少少。
雖然我點嘅係特製版，不過配料嘅份量對我一個細食嘅男人來講先係剛剛好，叉燒雖然有四塊，不過都切得薄身同偏細塊，所以我認為叉燒如果可以切大塊d，滿足感會更大。
整體 - 值得推薦 👍👍👍👍👍
題外話/補充資料：
呢間麦先，我係响d拉麵關注區見有網友share，我先至知道佢嘅存在。之前响網上 search 邊度有有特別嘅拉麵店，真係唔多覺眼，可能佢冇刻意搵人做 marketing，响各大網上平台亦欠缺人氣。食完之後我覺得好食，希望佢比更多人注意到。
(以上食評乃用戶個人意見 , 並不代表OpenRice之觀點。)
張貼
