影片
更多
2023-11-02
55 瀏覽
🥟餃子一向係我最喜愛嘅平民美食💕不論湯餃、煎餃，只要係好餃我就會想去嗰間舖拜訪一下🤪今次去到太子嘅豐信餃子店，係網上見到超級邪惡又吸引嘅💛金沙煎餃即刻bookmark咗，其他餃子店都唔見有㗎。夜晚6點幾嚟到已經超多人排隊堂食或外賣，要有心理準備等下同搭枱。餃子口味選擇都幾多，有時會有期間限定或者新口味👏🏻仲有好多款冷熱小食。雲耳椰菜鮮肉餃（煎餃，邪惡金沙）湯餃加$2轉煎餃，再加$16就變成邪惡金沙煎餃😈見到金黃色又飽滿嘅餃子真係幾吸引，雲耳、椰菜、豬肉比例平均，食到爽口嘅雲耳同軟滑豬肉。外皮好香口，食到鹹蛋黃嘅香味，顆粒度較高，唔係超級起沙好膩口個種，所以食落無想像中咁heavy😚😚招牌秘汁拼盤咩都有啲😆有雞翼、滷蛋、雞腎、牛腱，鹹鹹甜甜嘅醬油汁入晒啲食材度，雞翼大大隻，雞腎口感竟然幾腍滑，唔係一般好有嚼勁個種😛清熱潤喉羅漢果甘草茶味道好清香，好解渴，食邪惡既餃子配呢個可以平衡一下☺️人均消費：$80推介指數（10分為滿分）：7.5分
雲耳椰菜鮮肉餃（煎餃，邪惡金沙）
湯餃加$2轉煎餃，再加$16就變成邪惡金沙煎餃😈見到金黃色又飽滿嘅餃子真係幾吸引，雲耳、椰菜、豬肉比例平均，食到爽口嘅雲耳同軟滑豬肉。外皮好香口，食到鹹蛋黃嘅香味，顆粒度較高，唔係超級起沙好膩口個種，所以食落無想像中咁heavy😚😚
招牌秘汁拼盤
咩都有啲😆有雞翼、滷蛋、雞腎、牛腱，鹹鹹甜甜嘅醬油汁入晒啲食材度，雞翼大大隻，雞腎口感竟然幾腍滑，唔係一般好有嚼勁個種😛
清熱潤喉羅漢果甘草茶
味道好清香，好解渴，食邪惡既餃子配呢個可以平衡一下☺️
人均消費：$80
推介指數（10分為滿分）：7.5分
張貼
