究極堂 (蜆殼街)

營業中

休息中

食左好多好西既一晚，性價比真係好高，我哋點左迷你鰻魚飯拼牛肉烏冬$128，鰻魚飯有大量鰻魚汁，拌飯一流，如圖兩大件鰻魚正呀，牛肉烏冬湯底清甜，烏冬彈牙，味道一淡一濃既主菜，煙燻蒜香火炙吞拿魚$68，平時好少係日本餐廳見到呢道菜式，煙燻味好香，上枱仲有特效打卡添，黎日本餐廳當然要食壽司，海膽右口魚邊蝦卷$78同炙燒右口魚邊醬油漬壽司2件$44，第一次食聽右口魚，平時出面多數都係食左口魚邊，店員話原來右口魚係比較肥美，所以食起上黎油脂感較豐富，特別火炙既話效果會更出色，食完真係十分同意，入口秒速溶化，口感非常嫩滑，配油漬味濃更濃烈，而蝦卷則即叫即大炸，香脆可口，香膽creamy，蟹膏豆腐鱈魚乾$58，好似迷你多士咁，鱈魚乾脆卜卜，蟹膏同豆腐嘅配搭鹹淡適中，同時食到蟹肉嘅鮮甜，大家必點究極海鮮杯$98，見到啲食材全部都係我最鍾意食嘅，有海膽、吞拿魚蓉、黑魚子、鮮蟹肉，底層配啫喱，滑溜溜的，飲品中意飲有少少酒精又甜既可以嗌雜果賓治，唔飲酒嘅可以接佢嘅特色飲品紅豆抹茶牛奶，大大杯，超級飽，同埋想講個廁所好靚好乾淨，呢個真係要讚吓😆👍