究極堂 (蜆殼街)

營業中

休息中

呢日放工係砲台山站同事升職請食飯但唔想再搭車見到公司附近有間日本野以小店經營 走日式居酒屋路線餐牌除左刺身/卷物外仲有小食 炸串和pizza類 我地叫左丼飯和幾個小食share店員介紹有得book VIP房原來佢仲有銅鑼灣分店下次決定成班同事再食過//明太子芝士玉子燒 $78//最吸引既爆餡玉子燒明太子醬和芝士醬很滿蛋身半熟效果 食落流心口感果然係無令人失望 //究極丼 $218//重點來了!比想像中更豐富的刺身丼刺身新鮮厚切 飯量睇落唔多一食就知道用高質赤醋飯但刺身種類好齊 1個人食唔晒 除左三文魚 油甘魚 海膽 牡丹蝦仲食到鮮帶子 吞拿魚蓉 三文魚籽 口感最正係落埋日本醬油蛋汁 好juicy! //海膽右口魚邊蝦卷 $78//個人幾喜歡食右口魚難得卷物有齊海膽和炙燒過的右口魚原來好夾 魚油香又夠鮮味 唔會腥炸蝦和飯令到味道中和 必食! //海苔墨魚他他 $28/串x2//以前我唔食炸串 升職同事想食口感豐富 食到爽口既墨魚滑加入紫菜去炸 唔會厚炸粉個皮夠香脆 一改我對炸串既觀感 //明太子什菌地雞薄餅 $118//Pizza係即叫即焗 所以後來才上菜雞粒有唔少 連同芝士野菌和明太子

新一年新開始，今日就同老公去食我哋最鐘意嘅日本菜。呢間餐廳之前在銅鑼灣店食過，環境同質素都幾好，今次就去左北角店。餐廳空間幾大，日式居酒屋裝修，木系傢私。客人除左堂食之外，呢度同銅鑼灣店一樣，可以預訂party room同家人或朋友自成一角去聚舊，去熱鬧一下。餐廳餐牌好多嘢食，種類多。職員先介紹餐牌，餐牌上亦有推介菜式。最後我哋揀左三款推介，沙律、小食同鐵板料理各一。海葡萄海藻青瓜沙律：海葡萄有淡淡鹹味，口感爽脆，配埋海藻同青瓜等食材就更加爽口，加埋旁邊柚子醋食，味道清新。海葡萄係沖繩特產，在香港日式餐廳好少見，呢度竟然有，有D驚喜。甜蝦唐揚：炸甜蝦脆口，一口一啖連頭食，好香口，鹹鹹地，幾好食。薯蓉廣島蠔：廣島蠔夠大隻，焗得非常香，有醬油味道，好夠味。底層薯蓉加左層芝士一齊焗，有拉絲感。而薯蓉就切成一粒粒，好似食薯餅咁，有口感同薯仔味十足，好好食。海膽右口魚邊蝦卷：面層右口魚邊帶輕輕燒過，暖暖地，有魚油香味，配埋海膽食味道好夾，加埋蝦卷同食口感豐富，有層次感，幾好味。芝士什菌地雞薄餅：即叫即焗，需時約30分鐘。賣相幾好，唔會焗到燶晒。薄餅皮焗得好脆，雞味濃，配埋芝士同菇食，食得好滋味。

《究極堂》環境舒適，和風設計，木枱椅，以2-4人為主，另設有VIP房，適合多人聚會。🥢海葡萄海藻青瓜沙律像極一串串葡萄的海葡萄，味道清淡，咬落有爆珠感覺，海藻爽脆、青瓜爽口，以柚子醋調味，味道清爽。🥢究極炎之丼蝦、帶子、魚片，魚蓉等材料，以炙燒烹煮，入口帶有炙燒焦香，配上軟糯醋飯，好惹味。🥢明太子芝士焗炸豆腐鹹香的明太子，加上芝士香濃，豆腐滑溜，整體配搭創新，入口鹹香軟滑，值得一試。🥢明太子芝士玉子燒金黃色的玉子，配上明太子、芝士的鹹香，入口嫩滑味美🥢海膽右口魚邊蝦卷蝦卷香脆，加上軟糯米飯，配海膽右口魚邊，味帶鮮甜。🥢4重芝士炸蝦卷配4重芝士，入口帶有濃郁芝士香，加上香脆炸蝦，口感豐富。🍰日式焦糖芝士蛋糕焦糖香脆，芝士味香濃，口感細膩軟滑，美味飯後甜品青檸蘇打

今日我想食日本餐，老公想食西餐，於是找到這家在炮台山蜆殼街9至23號秀明中心地下D舖，餐廳名叫究極堂，我將她解釋為講究到極的餐廳，這家餐廳銅鑼灣也有分店，餐廳屬於小小西化的日本餐廳，雖然不大，但都有party房可以開派對，一班人來玩最合適。今日點了一半西餐一半日餐，各取所需。首先是老公揀的頂級肉眼扒，這是一個非常講究的西餐，點餐之時， 店員就講明要等半小時，因為製作需時，真是講究到極。肉眼扒上台時真有驚艷的感覺，好大一塊肉眼扒在鐵板上滋滋作響，肉香四溢，有新鮮炸薯條，大蕃茄，粟米做陪襯，肉眼扒七成熟，食落肉香多汁，少少脂肪更突顯肉眼扒的質素，老公食得非常滿意，連蕃茄薯條粟米都食曬。$298我就揀左究極炎之丼，面上舖帶子，甜蝦，白身魚，豆腐，吞拿魚蓉，表面經過火炙香香地🔥，下面係軟糯壽司飯🍣🍣，加了少少醋，成碗飯非常豐富好味又飽肚，只是$138元超抵。老公話想試多啲，又點了蒜香虎蝦🦐🦐配蒜蓉法包🍞，又是一個講究的食品，五只大虎蝦用特製的番茄汁🍅🍅煮成，加入洋蔥青椒🫑🧅一起，更加惹味，蒜蓉法包搽上牛油，點蕃茄蝦汁食別有一番風味。😋😋這里服務特別到位，店員會介紹菜品內容，不斷添茶加水，提點小

最近去咗位於北角嘅人氣日本料理店「究極堂」，真係大滿足呀！佢哋嘅日本料理菜式多樣化，無論係刺身、海鮮丼、壽司，仲有創意和洋料理，真係一應俱全！🍣🍱「明太子芝士玉子燒✨」呢個玉子燒真係好正！明太子同芝士嘅結合，口感滑溜，味道濃郁，食完仲想再來一份！😍「究極炎之丼🍱」招牌丼飯上面嘅刺身質素真係一流！不同種類款式嘅刺身，配上醬汁，新鮮又好味。🍣✨「蟹膏豆腐鱈魚乾」呢個小食真係有驚喜！蟹膏同豆腐嘅組合，加上鱈魚乾，味道層次分明，真係好特別！🦀️「滑蛋吉列黑豚蛋包飯🍛」鋪滿飯上面嘅滑蛋好好食，吉列黑豚肉質嫩滑，外脆內嫩，口感超級豐富！🍳🥢「四重芝士炸蝦卷」芝士控一定要試呢個！四種唔同嘅芝士，配合裏面炸到金黃香脆嘅炸蝦，蝦肉彈牙鮮美，非常好味。🧀🍤「黑蒜濃湯豬軟骨烏冬🍜」黑蒜濃湯好香，豬軟骨煮得非常入味，烏冬非常掛湯，整體濃郁又好味。🍜❤️「究極堂」唔單止食物質素高，環境都好舒服！下次一定要再嚟。👍✨

最近轉左黎炮台山做野，試過幾次都入左難食既餐廳，之後上網睇返係居民所公認既”炮台山劣食”！所以依家入餐廳前都會上網睇下先！😂😂見到究極堂都幾多好評，呢相又吸引，就試下啦！午餐多選擇，由七十幾到百幾都有，任君選擇！我叫左究極丼，名乎其實甘究極！亦好驚自己食唔晒😂魚生種類有好多，三文魚、帶子、油甘魚、左口魚、海膽、魚籽、牡丹蝦同吞拿魚蓉！樣樣都好肥美又新鮮，無腥味！尤其是油甘魚！厚切，咬落去好爽口既肉，食落好鮮甜，好好味！牡丹蝦好大只，已經清潔好，啖啖肉！好味！海膽好新鮮，味道濃郁！撈埋個蛋黃同紫菜落去食更好味！好豐富既一個定食，超滿足！同事叫左角切魚生丼份量都好多！望落去魚生都好新鮮，大大粒！正！眼闊肚窄，樣樣想食下，所以叫左個鰻魚玉子燒！熱辣辣，內裡嫩滑，好creamy ，又有蛋味！值得一試！紫蘇梅醬軟骨雞肉串剛剛整起，好香脆，雞肉點埋梅醬食好夾！好食！好滿足既一餐，午餐飯堂！聽職員同隔離枱，話多人gathering可book佢地間房，銅鑼灣間分店都有。等我又諗諗約friend sin!

放飯時間，炮台山附近雖然多人，不過餐廳都唔少。想食海鮮丼望望餐牌就揀呢度。小店居酒屋形式，午市套餐都幾多嘢揀。究極丼老實講，都係比呢個招牌丼吸引到入嚟。帶子、海膽、牡丹蝦、三文魚腩、油甘魚、火炙左口魚邊、吞拿魚蓉、三文魚籽同炸海苔，落足料，仲要係厚切刺身。另外，自己幾鐘意佢醋飯底，有少少味食落更開胃。最後，加埋隻蛋撈飯絕對會感覺良好。炙燒刺身丼以炙燒刺身做主打，鯛魚、三文魚、帶子同蝦，一樣係醋飯底。炙燒香加上醋飯香，雖然食材不及究極丼咁豐富，但就香味十足。明太子玉子燒香滑玉子，而且明太子味唔霸道，仲有大量蟹籽增強口感。日本雞柳配牛油果蓉雞柳外層香脆，雞肉口感結實，配牛油果蓉又香又冇咁熱氣。

如果你是日式料理的愛好者，北角究極堂絕對是你的不二之選！除了北角分店，究極堂在銅鑼灣也設有分店，更貼心提供VIP房，適合大班朋友聚餐，讓你在舒適的環境下品嚐日式佳餚。說到必點菜式，當然不能錯過店內的招牌~究極炎之丼；炙燒海鮮搭配秘製醬汁，每一口都是極致享受。另一款驚喜之選是明太子芝士玉子燒，柔滑蛋香融合濃郁的明太子與芝士，讓人欲罷不能。喜歡組合式餐點的話，迷你鰻魚飯拼牛肉烏冬是不錯的選擇，口感豐富，份量剛好。清爽的海葡萄海藻青瓜沙律則是完美的開胃前菜，爽脆的青瓜與獨特的海葡萄，讓味蕾瞬間清新。而紫蘇免治雞肉軟骨則是下酒良伴，紫蘇的清香與雞肉的嫩滑，交織出絕妙風味。總結，餐廳以細膩的料理技巧與優質食材帶來真正的日式享受，無論是獨自品味還是與三五知己歡聚，都是極佳選擇！

We go to Japanese for lunch. As the weather is too hot, we need some yummy food to cool down. We ordered Aburi Sashimi Donburi, Seared Cod Roe & Salmon with Cheese Donburi, Cheesy Fried Egg with Cod Roe and Mini Sweet Potato. The food is as good as usual. We went to the restaurant before. They can keep the quality. The sashimi is fresh. The cheese inside the egg melt and tasty. We have good dining experience.

早前朋友生日第一次試呢間餐廳，現場環境係有啲迫，不過勝在無時限，所有食物都好精緻，而且質素一啲都唔差，佢哋嘅壽司真係好好食好煙靭嘅飯，尤其是當中有一個梅子大葉卷真係做得好過好多日本餐廳，所以一個月內去咗兩次，好掛住佢哋嘅壽司，其實其他料理都唔錯，食物精緻份量唔大，所以可以試多幾樣嘢。另外佢哋嘅飲品賣相亦都相當精緻，酒類有全日八五折而啤酒買一送一都相當優惠。唯一美中不足就係10:00左右就已經清場，其實現今香港好多餐廳咁早閂門真係好掃興

呢間同家人朋友幫襯過幾次，之前去銅鑼灣店都好滿意，今日就帶未試過既朋友嚟炮台山店食飯～仲記得之前同大班朋友嚟食，仲有間房可以坐，好方便傾計！今次就坐吧枱，一樣係咁舒服好坐～［溫泉蛋蟹肉沙律］賣相好靚，我本身唔食蕃茄仔，但試咗一粒勁新鮮爽脆，撈埋個芝麻汁同埋溫泉蛋黃，味道好balance～［究極火龍卷］名符其實既一道菜，竟然真係識著火，賣相滿分！入面有6件手卷，6件個topping都唔同款，一碟就可以食勻晒，中間仲有個炸到好酥脆既蝦頭，好有趣！［鰻魚芝士玉子燒］玉子好嫩滑，加埋入面鰻魚肉，熱辣辣，居酒屋必食！［海膽右口魚邊蝦卷］賣相精緻，一啖就有齊豐富海產味道［究極炎之丼］熱辣辣既一碗丼飯，刺新好肥美，火炙過後好香口，正！飲品方面，我地點咗［巨峰提子蘇打］同埋［青檸蘇打］，真係有幾粒青檸可以篤，唔會好假好甜，解膩啱啱好～朋友都覺得我冇介紹錯，呢度可以食到有別於一般日本餐廳既創作料理，又靚又好食！佢地平日仲有豐儉由人既lunch menu，就算一個人嚟都可以盡興～！

外賣叫左個海鮮炒烏冬晚餐，連tea set既份量都不如，冇誇張份量係少過外賣盒嘅三份一，打左去餐廳問佢話係咁架。感覺吾係第一次俾人問。再加上味道超淡冇味，吾知食左啲咩。希望餐廳認真review下

今日去炮台山探屋企人去咗附近一間日式餐廳 舖頭唔算大，但係佈置得好有心思一入門口，就感受到濃厚嘅日本風情未食早餐，所以我地較啱時間準時12:00入去食個lunch 叫左2 個lunch set , 加少少小食 🌟 究極炎之丼 🌟 呢個好誇張，未食已經聞到好香，係炙燒嘅味。調咗味既日本米飯底，配上新鮮嘅魚生，味道鮮美，每一啖都係享受。🌟火炙鰻丼配烏冬🌟 鰻魚燒得好腍，配上特製嘅醬汁。屋企人話好味嘅，烏冬質感好好。🌟🌟🌟明太子芝士玉子燒🌟🌟🌟超級推介，玉子燒好滑，明太子同芝士嘅配搭啱啱好，真係可以媲美日本食的玉子燒。🌟帶子他他🌟配上特製嘅醬汁，帶子juicy 多汁，外脆內軟，口感豐富。餐廳12:00開.. 12:30已經半滿了，果然係人氣店今次2 個人消費總共約400蚊食物質素極好 （特別係玉子燒）性價比真係好高 🌈寫食評時，發現原來仲有間分店喺銅鑼灣。🌈買單嗰時同店員傾偈，店員話如果大班朋友，可以book VIP 房，下次真係可以試吓 🤭

鰂魚涌有間隱世嘅日式餐廳，menu有勁多款式，魚生飯、炸物、咖喱、pizza，應有盡有有😍。店內環境佈置日式木系，坐喺吧枱位置，望住一堆貓貓狗狗嘅Figure，好cute🥺。🍴抹茶牛奶（朱古力） $48由上到下分別係忌廉，朱古力奶🍫同抹茶🍵，表面仲有啲曲奇碎🍪，撈勻之後一齊飲係好香濃嘅朱古力同抹茶味，好順滑，大推！🍴究極炎之丼 $138有好多款刺身🍣，全部都係炙燒過，然後面層再鋪一層滿滿嘅芝士🧀，一上枱就聞到好香嘅炙燒味，撈勻咗一齊食每一啖飯都有啲刺身食落好鮮香，炙燒完嘢油脂香味更加突出，配埋飯一齊食就係啖啖都係滿足嘅感覺😝。🍴醬燒三文魚炸蝦卷 $78三文魚好厚身，表面少少燒焦嘅感覺望落就覺得好開胃🔥，三文魚好香入口即溶，再加上炸蝦勁脆嘅口感🍤，成件事好豐富。🍴海苔墨魚他他 $28墨魚魚味好重，肉質非常彈牙😋，外面層炸粉非常薄，做到外脆內軟嘅口感。🍴日本雞柳配牛油果蓉 $38雞柳肉質結實，而牛油果蓉降低咗嘅油膩感🥑。🍴牛油帆立貝（粟米汁）配薯條 $88帆立貝粒粒都大大隻，好飽滿。牛油粟米🌽汁入邊仲有滿滿嘅拉絲芝士🧀，帆立貝好Juicy彈牙，配上牛油粟米汁令佢更具邪惡感。🍴明太子雜菌地雞

最近維園有花展睇，特別帶牙媽去睇花！難得去開維園，就食左野先過去睇，附近有好多餐廳，我地揀左呢間餐廳食個日式lunch！究極丼 $208非常豐富既丼飯，有牡丹蝦、三文魚腩、油甘魚、帶子、海膽、火炙左口魚邊，拖羅蓉、三文魚籽、炸海苔，刺身魚厚切，每款都鮮美，另外配有一隻日本雞蛋，倒落丼飯一齊食，美味upgrade左！火炙壽司拼盤配烏冬 $158吾食生野既話可以選擇呢個set，所有壽司都系火炙過或煮熟既，另外仲有一碗熱辣辣既烏冬，壽司既調味不錯！鰻魚芝士玉子燒 $78非常推介呢款玉子燒，雞蛋香夠滑，入面夾雜左啲鰻魚粒。日本雞柳配牛油果蓉 $38炸粉好鬆化，食落似高級版既麥樂雞，牛油果蓉味濃。呢度仲有vip房幾正，一大班朋友過黎食野都得！食完之後記低個名，上網search發現原來銅鑼灣仲有分店！