牛大人台灣火鍋吃到飽 (瓊華中心)

營業中

休息中

朋友話要為我們慶祝生日，為咗就我哋放工，揀咗旺角呢一間牛大人打邊爐，因為呢間收得夜。點知因為朋友有事，遲咗15分鐘攞位，去到嘅時候就話要我哋重新排Walk in。但當時係冇講到會將呢個訂座當做缺席，後來第二日收到OpenRice訊息話訂座缺席嘅時候，我亦都已經上載咗用餐收據，但係牛大人仍然堅持否決我哋嘅上訴。令人氣惱嘅係其實我哋真係有出席訂座，而當時其實已經係晚上九點幾，並唔係有好多人喺出邊排隊，亦都冇講到只係等10分鐘，就要當缺席，如果唔係我會訂9:30。不過既然佢咁堅持，我都冇辦法，唯有自己唔好再去幫襯，反正打邊爐放題嘅有大把更加好嘅選擇。而且佢嘅食物亦都唔出色，其中唔知係墨魚滑定係海鮮滑，放入口係酸嘅，結果完全冇再食過，就算係牛肉，都只係一般般，朋友話比起之前食過荃灣嘅牛大人係差嘅，所以其實都唔值得再去。