La Moo Moo' s Steak and Fries (已改名) 查看

原來除咗連鎖式嘅牛扒薯條餐廳之外，發現咗呢一間西餐廳都有任食薯條配牛扒之外，仲可以嗌其他a la cart，唔使獨沽一味，淨係食扒同薯條。朋友唔食牛，嗌咗一個三文魚配大蝦，朋友話個三文魚煎得非常之肥美，佢個薯蓉係非常之綿滑，除咗嘢食出色之外，侍應非常之細心解釋每一道菜，呢個服務態度十分欣賞。而我呢個牛肉精，當然係要食薯條配牛扒，揀咗五成熟嘅牛扒，廚師將個火候拿捏得非常之好，肉質好鮮嫩。喺其他嘅配套上面，包括係連個牛油都係有心思設計過，有兩款口味，呢啲嘅細心位係為間餐廳錦上添花。小插曲係當晚見到有一對情侶準備咗鮮花，唔知係咪喺呢度求婚呢。