影片
更多
2022-09-14
406 瀏覽
今日老闆帶我去呢間新開嘅中菜館食飯，環境好舒適寬敞，裝修、杯碟都好靚，枱與枱之間空間好大，而且有好幾間獨立房間，有得唱卡拉ok，好適合一班人嘅聚會，或者同客食飯，尤其係而家好多卡拉ok都執咗笠，想搵個地方唱k一啲都唔易。午餐有幾個選擇，由$338起，今日叫咗個$498套餐，首先上嚟有個三小碟分別係醉雞、燻魚同埋陳醋肴肉，煮得好入味。千祈唔好放過枱上嘅酸菜同花生，加咗紫菜好夾，好食。松茸螺頭燉湯：好濃味，好甜，飲得出冇味精，超級正！乾燒虎蝦球：隻蝦超新鮮，好彈牙爽口，而且好大隻。京燒鱈魚片：炸到好脆，再加糖醋汁，酸酸甜甜，好開胃。牛柳粒鍋巴卷：牛肉煮到好淋，加埋鍋巴脆口一齊食，好夾。小籠包：皮好薄，好多肉汁，水準之上。是日甜品係紅棗泥糕：超好食，紅棗味香濃，又唔會太甜，雖然已經食到好飽，都好想再食多幾個。總括嚟講，食物嘅水準真心高，環境又好，坐得又舒服，值得推介！
午餐有幾個選擇，由$338起，今日叫咗個$498套餐，首先上嚟有個三小碟分別係醉雞、燻魚同埋陳醋肴肉，煮得好入味。千祈唔好放過枱上嘅酸菜同花生，加咗紫菜好夾，好食。
松茸螺頭燉湯：好濃味，好甜，飲得出冇味精，超級正！
乾燒虎蝦球：隻蝦超新鮮，好彈牙爽口，而且好大隻。
京燒鱈魚片：炸到好脆，再加糖醋汁，酸酸甜甜，好開胃。
牛柳粒鍋巴卷：牛肉煮到好淋，加埋鍋巴脆口一齊食，好夾。
小籠包：皮好薄，好多肉汁，水準之上。
是日甜品係紅棗泥糕：超好食，紅棗味香濃，又唔會太甜，雖然已經食到好飽，都好想再食多幾個。
總括嚟講，食物嘅水準真心高，環境又好，坐得又舒服，值得推介！
張貼
