影片
更多
2022-04-30
805 瀏覽
比米線關注組大讚嘅老闆娘米線bookmark已久，但一直因為唔想排隊關係（成日見有人話排左個幾鐘先食到🫣）未有特別去潮聖，今日落荃灣見佢啱啱開返堂食幾日決定去睇吓多唔多人排隊再作決定。星期五七點左右去到又唔算好多人喎，前面大約得八枱左右等緊，最後唔使20分鐘就坐低咗😆首先要讚嘅係傳聞中當啲客係狗咁喝嘅老闆娘無見到，反而有幾個後生仔女打骰幾好禮貌。其次係用餐環境比我想像中好，原本諗住會好似一般街市咁又熱又污糟，不過可能新裝修完關係好光猛又大冷氣，只係坐得迫左少少。-🍜麻酸辣米線（BB辣）$48（跟一餸、加餸$12個）首先呢碗米線定價都幾進取，只跟一餸已經索價$48唔包飲品，加餸均一價$12個我地每人簡左3餸每碗要盛惠$72。不過第一次嚟唔知仲有冇下次就決定一次過試晒想試嘅餸😂炸嘢會先上，米線後到，前後都等咗差唔多20分鐘先上齊。先飲一啖湯，無特別驚艷感，但係又麻又酸好似有啲層次口感幾豐富咁。不過再飲多幾啖就出事，呢間麻味好重，麻到我食唔到自己食緊嘅野係咩味😂我覺得係蓋過曬所有味，實在太重手，可能我唔係麻辣愛好者應該要簡個淨酸辣版本。米線今日煮得好硬，朋友明明話覺得佢太淋身🥲上網睇過有人話
首先要讚嘅係傳聞中當啲客係狗咁喝嘅老闆娘無見到，反而有幾個後生仔女打骰幾好禮貌。其次係用餐環境比我想像中好，原本諗住會好似一般街市咁又熱又污糟，不過可能新裝修完關係好光猛又大冷氣，只係坐得迫左少少。
-
🍜麻酸辣米線（BB辣）$48（跟一餸、加餸$12個）
首先呢碗米線定價都幾進取，只跟一餸已經索價$48唔包飲品，加餸均一價$12個我地每人簡左3餸每碗要盛惠$72。不過第一次嚟唔知仲有冇下次就決定一次過試晒想試嘅餸😂
炸嘢會先上，米線後到，前後都等咗差唔多20分鐘先上齊。
先飲一啖湯，無特別驚艷感，但係又麻又酸好似有啲層次口感幾豐富咁。不過再飲多幾啖就出事，呢間麻味好重，麻到我食唔到自己食緊嘅野係咩味😂我覺得係蓋過曬所有味，實在太重手，可能我唔係麻辣愛好者應該要簡個淨酸辣版本。
米線今日煮得好硬，朋友明明話覺得佢太淋身🥲上網睇過有人話太硬有人話太淋睇嚟水準唔太穩定⋯
6️⃣餸我地簡左招牌酥炸雞球、蒜香椒鹽雞翼、野菌腐皮卷、魚肉腐皮卷、反斗蝦膠豆卜、魚腐片。雖然話佢嘅炸嘢比較出色，但我就淨係ok雞球同雞翼啦。野菌腐皮卷啲菇菇好大粒同偏硬，可能其他人鍾意呢個食法不過我就唔太岩🙉反斗蝦膠豆卜炸到乾晒淨食好硬，浸完湯太麻我又食唔到有冇味😂魚肉腐皮卷好細條而且我食唔到有魚肉味？！外層炸過嘅腐皮反而更出味。魚腐片就純粹我自己有誤會以為係一舊舊似豆卜果種魚腐片開左所以叫魚腐片😂呢個食落甜甜地類似魚片咁都係正正常常啦。題外話炸雞球雙拼係會少一舊得番3舊🤷🏻♀️不過熱辣辣炸起而且幾大舊都幾好食又抵食。
-
總結：好老實講期望太高我是失望的，諗緊會唔會係因為我叫錯嘢試多次淨酸辣版本會好啲，不過諗到啲米線咁硬啲餸都唔係特別好食又唔多想👉🏻👈🏻😂
麻酸辣米線（3餸）
$72
46 瀏覽
0 讚好
0 留言
69 瀏覽
0 讚好
0 留言
張貼
