影片
更多
2023-12-05
93 瀏覽
行商場行到咁上下，要搵間餐廳坐低食晚飯，沙田新城市廣場其實都好多食肆選擇，今日想食酸酸辣辣惹味泰國菜，「Nara Thai Cuisine」係曼谷過江龍，餐廳以啡色作主調配紫色餐碟，燈光昏暗有氣氛，半卡座同藤椅，坐得舒適。一坐低送上小籃子蝦片作餐前小食，大大片，脆口濃郁，食唔停口。❃ 泰式鴛鴦豬手 (滷水&酥炸) $198份量十足，一隻豬手兩種食法，個人鍾意滷水，尤其豬皮，厚厚的夠軟糯，完全唔肥膩，充滿骨膠原嘅感覺。豬手滷得入味，肉質炆得軟腍。酥炸豬手更惹味，皮炸得香脆，入口有彈性膠質重，豬手肉仍然保持水份，唔會炸到乾柴，配上兩款泰式醬汁都好鍾意，酸酸辣辣蘸上後增加泰式風味，兩款口感一次過滿足晒。❃ 泰式椰子雞湯 $108跟火爐上枱一路煲住，可保持熱嘅溫度，最尾再飲多碗都唔怕凍咗。雞件夠滑，份量都唔少，仲有大大粒草菇，個湯奶白色，椰子味清香濃郁，我好鍾意佢酸酸地，好香香茅味，仲有檸檬葉去煲，充滿泰式風味，好開胃。❃ 泰式牛肉船麵 $138都幾大碗，餸料都好多，牛肉大片牛味濃，兩大片牛展有肉有筋夠嚼勁，牛丸爽口彈牙，牛筋入味滿滿膠質，柏葉爽脆，仲有通菜同芽菜。麵條爽口掛湯，湯底勁濃郁，一
一坐低送上小籃子蝦片作餐前小食，大大片，脆口濃郁，食唔停口。
泰式鴛鴦豬手 (滷水&酥炸)
1 瀏覽
0 讚好
0 留言
❃ 泰式鴛鴦豬手 (滷水&酥炸) $198份量十足，一隻豬手兩種食法，個人鍾意滷水，尤其豬皮，厚厚的夠軟糯，完全唔肥膩，充滿骨膠原嘅感覺。豬手滷得入味，肉質炆得軟腍。
酥炸豬手更惹味，皮炸得香脆，入口有彈性膠質重，豬手肉仍然保持水份，唔會炸到乾柴，配上兩款泰式醬汁都好鍾意，酸酸辣辣蘸上後增加泰式風味，兩款口感一次過滿足晒。
泰式椰子雞湯
7 瀏覽
0 讚好
0 留言
❃ 泰式椰子雞湯 $108跟火爐上枱一路煲住，可保持熱嘅溫度，最尾再飲多碗都唔怕凍咗。雞件夠滑，份量都唔少，仲有大大粒草菇，個湯奶白色，椰子味清香濃郁，我好鍾意佢酸酸地，好香香茅味，仲有檸檬葉去煲，充滿泰式風味，好開胃。
泰式牛肉船麵
14 瀏覽
0 讚好
0 留言
❃ 泰式牛肉船麵 $138都幾大碗，餸料都好多，牛肉大片牛味濃，兩大片牛展有肉有筋夠嚼勁，牛丸爽口彈牙，牛筋入味滿滿膠質，柏葉爽脆，仲有通菜同芽菜。麵條爽口掛湯，湯底勁濃郁，一啖飲落去充滿牛肉嘅精華，少少香辣，個湯都飲到見底，見到湯底有用麵豉去熬製。另上一碗炸豬皮，浸落湯食，脆口又索湯。
#Nara Thai Cuisine地址：沙田沙田正街18號新城市廣場一期5樓507號舖
張貼
