影片
更多
2017-08-23
69 瀏覽
灣仔拉麵專門店有好多，所以一早已經出發去灣仔。不過去到男友話今晚超級肚餓，想食飯多啲。係頭痕之際，上openrice睇到呢間食店既有拉麵又有丼飯，一次過滿足我地兩個胃口！本身都係試下新野，無咩大期望，點知好好彩地食到好有水準的日食！大多既拉麵店都係比清水或檸水，呢度比熱煎茶，個人其實覺得熱茶更消濟，所以加左分。小食蒜香墨魚咀 ($32)我係個重口味之人，見到有咁多炸蒜就知無叫錯！炸左既墨魚咀外層脆卜卜，裏面既墨魚非常爽口，一口一粒，食唔停口。而且面層灑有黑芝麻粉，份外惹味。汁燒牛舌 ($15)呢碟牛舌有五塊，口感超級軟熟，而且重牛味。牛舌切得夠薄身，入曬燒汁味，味道似滷牛𦟌。外面燒到好似叉燒一樣，脆硬香口。主食蒲燒鰻魚丼 ($88)男友點的鰻魚丼，一送黎時鰻魚燒汁香氣撲鼻，見到鰻魚全蓋飯面，賣相吸引。果然，鰻魚燒得好好，魚皮脆，肉質嫩，鰻魚既油脂係口中慢慢溶化。重點是，鰻魚一點細骨都無，每一啖都係肉。燒鰻魚既底，係一層軟滑的蛋絲，加上甜甜的燒汁，送飯是輕而易舉！我見男友食到最後，仍然有鰻魚送，可見鰻魚的份量不少！黑武士拉麵 ($78)黑武士係黑蒜油湯底，頭一啖的湯，味道較淡，有清清的豚
大多既拉麵店都係比清水或檸水，呢度比熱煎茶，個人其實覺得熱茶更消濟，所以加左分。
小食
蒜香墨魚咀 ($32)
我係個重口味之人，見到有咁多炸蒜就知無叫錯！炸左既墨魚咀外層脆卜卜，裏面既墨魚非常爽口，一口一粒，食唔停口。而且面層灑有黑芝麻粉，份外惹味。
汁燒牛舌 ($15)
呢碟牛舌有五塊，口感超級軟熟，而且重牛味。牛舌切得夠薄身，入曬燒汁味，味道似滷牛𦟌。外面燒到好似叉燒一樣，脆硬香口。
主食
蒲燒鰻魚丼 ($88)
男友點的鰻魚丼，一送黎時鰻魚燒汁香氣撲鼻，見到鰻魚全蓋飯面，賣相吸引。果然，鰻魚燒得好好，魚皮脆，肉質嫩，鰻魚既油脂係口中慢慢溶化。重點是，鰻魚一點細骨都無，每一啖都係肉。燒鰻魚既底，係一層軟滑的蛋絲，加上甜甜的燒汁，送飯是輕而易舉！我見男友食到最後，仍然有鰻魚送，可見鰻魚的份量不少！
黑武士拉麵 ($78)
黑武士係黑蒜油湯底，頭一啖的湯，味道較淡，有清清的豚骨甜味。咁大個湯碗裏面，有好多料，有炒香的肉碎粒，叉燒、爽口的木耳和椰菜，用甜醬油醃過的糖心蛋同紫菜。飲左第一啖湯之後，將所有配料同黑蒜油撈起，個湯即刻變得濃稠，但又不會過咸，將湯汁飲曬都唔會口渴。拉麵麵條屬於幼，較挺身彈牙。真係估唔到呢個價錢，成碗都係餸，叉燒厚身，大食怪都一定食到飽。
特別之處係，呢度既豚肉有兩種，客人可以按自己喜好選擇要曬全叉燒、或豚角煮、或兩種都要。
我自己試曬兩款，兩款都好味，各有千秋。叉燒的油脂比例會多啲，燒得甜甜地，入口即溶。
豚角煮比叉燒薄，除外層的皮之外，全塊都係肉，零脂肪，而且滷得入味。
總結黎講，估唔到小店有咁大既驚喜，呢度燒物特別有水準，拉麵既配料同湯汁、丼飯既醬汁都調味得好好。價錢亦好實惠，一百蚊左右有高質主食、小食同飲品。雖然地點離地鐵站較遠，但拉麵店的食物無疑吸引我再訪！
張貼
