更多
2024-08-06
214 瀏覽
Yoho開咗新商場,其中一間令我好開心進駐嘅餐廳就係Pause It啦,因為我同老公都好鍾意佢嘅咖啡。上次假日黎要排隊,今次平日黎悠閑好多!明太子櫻花蝦意大利粉($98)第一次見到隔籬枱食,覺得賣相好靚,所以第二次毫不猶豫就點咗啦!意大利粉好Creamy,每條都沾滿明太子醬及炒香嘅櫻花蝦,鹹香十足!面頭嘅青瓜絲好清新,平衡咗明太子醬嘅膩感。牛肉煙肉漢堡($108)漢堡好厚身,食落有肉汁,生熟到控制得啱啱好。漢堡包都好軟熟,薯條外脆內軟,高質!呢度嘅咖啡好啱我口味,所以周不時都會喺度飲咖啡!咖啡味道濃郁,拉花亦都每次有唔同嘅圖案,好有驚喜!奶啡嘅奶泡都打得綿密,飲到底都仲有拉花!
張貼