Misu Seafood Cuisine

營業中

休息中

投完票有咩做？當然要食個靚午餐預祝勝利。灣仔QRE Plaza出名多高級餐廳，今次同朋友去左QRE Plaza 既Misu。一入去已經被湖綠色既天花所吸引住，迷你吊燈亦映入我既眼簾。一絲陽光探進餐廳，令整個人既狀態變得懶洋洋，非常適合係weekend進行午餐。Misu午餐price range都幾大，由$98至$498不等。Lunch set附送沙律同餐湯。值得一提係麵豉湯比較清甜，味道唔會過鹹，而且有三至四粒蜆肉。極上魚生丼包括甜蝦、玉子、三文魚、油甘魚、八爪魚同帶子。魚生夠新鮮，份量亦多，成片魚生特別有滿足感。醋飯亦恰到好處。不過個人認為以西餐碟呈上魚生飯有啲奇怪。角切魚生丼既魚生同極上魚生丼差唔多，賣相較色彩繽紛，魚生一樣新鮮。上述既魚生飯幾出色，但最驚喜係甜品 - 蜜糖脆脆鬆餅。鬆餅總共有三層，入面既脆脆，鬆餅同醬都係自家製，非常難得。鬆餅偏向美式，口感無日式咁鬆軟，但都有一定鬆軟程度。微苦既焦糖脆脆令整體甜度達至平衡。食完甜品要飲返杯紅茶解膩，咁先係真真正正既weekend。