影片
更多
2023-02-17
122 瀏覽
作為蠟筆小新鐵粉嘅我當然唔會錯過任何一個朝聖嘅機會，當知道「Superdon」同小新合作嘅時候，我雖然開心，但見到雪糕咖喱飯就覺得伏味濃🙈。不過點都好，一定要親身試過先知😊！我放假就同朋友到訪咗銅鑼灣店，店舖門面貼上海報同埋小新及一眾角色嘅玻璃貼，打卡一流📸。入到去發現原來餐廳面積唔大，而且相比大埔店，少好多小新裝飾，但簡單都有簡單嘅好，反正見到小新我已經好滿足❤️。餐廳定價相宜，🇯🇵日式丼飯餐最平由$78起，款式繁多，涵蓋牛丼、肉丼、野菜丼、咖喱丼以及刺生丼等。同時，食物份量唔少，男仔都食得飽👍！雪糕咖喱牛肉飯($118)，🍛咖喱飯非常大碟，深色嘅咖喱汁上面放咗軟雪糕甜筒，望落覺得好搞笑，亦難以想像味道係點。不過完全係我諗多咗，因為咖喱同雪糕好夾。🍦軟雪糕係雲呢拿味，佢能夠中和咖喱嘅辣，亦帶嚟甜味。當然日式咖喱本身就唔會太辣，所以我建議嗌中辛、甚至乎大辛。咖喱汁好惹味，原來嘅甜度唔高，再加埋洋蔥絲，撈飯食一流。餐廳用料唔孤寒，有勁多片肥牛🥩。我唔係吹水，真係成碟扒乾淨晒㗎🤤！咖喱飯餐仲包兩件腐皮壽司🍣，腐皮多汁煙靭，可算係飽上加飽。飲品我揀咗動感超人芒果特飲🥭，特飲造型靚靚，由芒果同蝶
作為蠟筆小新鐵粉嘅我當然唔會錯過任何一個朝聖嘅機會，當知道「Superdon」同小新合作嘅時候，我雖然開心，但見到雪糕咖喱飯就覺得伏味濃🙈。
不過點都好，一定要親身試過先知😊！我放假就同朋友到訪咗銅鑼灣店，店舖門面貼上海報同埋小新及一眾角色嘅玻璃貼，打卡一流📸。
入到去發現原來餐廳面積唔大，而且相比大埔店，少好多小新裝飾，但簡單都有簡單嘅好，反正見到小新我已經好滿足❤️。
餐廳定價相宜，🇯🇵日式丼飯餐最平由$78起，款式繁多，涵蓋牛丼、肉丼、野菜丼、咖喱丼以及刺生丼等。同時，食物份量唔少，男仔都食得飽👍！
雪糕咖喱牛肉飯
$118
7 瀏覽
0 讚好
0 留言
我唔係吹水，真係成碟扒乾淨晒㗎🤤！
咖喱飯餐仲包兩件腐皮壽司🍣，腐皮多汁煙靭，可算係飽上加飽。
飲品我揀咗動感超人芒果特飲🥭，特飲造型靚靚，由芒果同蝶豆花溝成，色彩鮮艷，飲落無想像中咁甜，糖漿味亦自然。
火炙三色丼
$118
12 瀏覽
0 讚好
0 留言
三色丼跟配麵豉湯同中華沙律小食🥢，雖然佢哋係大路嘢，但都有質素，就例如麵豉湯唔會死鹹。
題外話，餐廳店員好好人🙏🏻，我問佢可唔可以俾一個露屁屁怪獸嘅牙籤紙牌我。佢竟然入去廚房執咗一套出嚟，仲有要埋小葵，好感動呀😭。
總括嚟講，餐廳各方面都令人滿意，更係意料之外地好👍。食物味道有水準，份量足，價錢合理。就算佢同小新聯乘，都無話賣得特別賣，小新粉絲真幸福！我記得其中一套小新電影係講關於「B級美食」，Superon嘅食物正正就係代表。
張貼
