スーパー丼 (駱克道) (已結業) 查看

銅鑼灣日式丼飯首選推薦呢間，熟丼/魚生丼任君選擇，今次去發現店鋪剛剛裝修完，門口設有吧檯位置，充滿特色，而且燈光有設計感 拍照打卡都好靚。同店員傾咗幾句，知道餐廳宜家係由日本神秘少年廚神Kさん設計菜單！即刻覺得好勁今次點了辣味噌三文魚牛油果丼，可以加$20轉套餐，包括沙律和自家製豚肉味噌湯。呢個辣味噌三文魚牛油果丼賣相相當精緻，蘭王蛋黃係亮點，整個丼飯佈滿辣味噌三文魚粒和牛油果，呢個經典配搭組合唔使多講就係夾，飯粒係熱飯，粒粒分明，拌勻蛋汁食十分滿足！套餐包括沙律和豚肉味噌湯。呢個自家製豚肉味噌湯飲落就係唔同，原來係店家專程向日本師傅取經炮製，入面有豚肉、蘿蔔等，夠曬入味。另外點了店家招牌之一的KURO黑唐揚炸雞，黑碳炸雞真係第一次食，賣相大讚，味道都好出色，外脆內嫩。下次嚟銅鑼灣一定要試下呢間丼飯，從細節中找到驚喜。

SUPERDON KURO スーパー丼，位於銅鑼灣駱克道501號地舖，由係銅鑼灣行過點都見過既SUPERDON變身😌依排裝修完，哇一聲😳全新面貌，又型又靚，好有風格🎌新店新餐牌，仲有感言：由日本神秘廚神Kさん重新設計菜單及調味💡餐牌多左好多唔同既item，好似KURO黑吉烈厚切豬扒丼、海膽薄切牛扒丼等🍚Orion生啤，順滑，裝修後居酒屋味道濃左，好有氣氛，啱晒飲返杯🍺KURO黑唐揚炸雞，重新設計菜後既新風味炸雞🍗黑色炸粉，賣相好特別，食落非常鬆脆，口感好好，肉質好嫩有肉汁，好味炸雞🤞🏻🐻勞蘇食🐻推介 —— 香葱呑拿魚腩蓉丼，上枱賣相驚喜，精緻擺盤🍱撈匀之前先食一啖，魚味爆炸😆呑拿魚腩蓉好濃味，配啲三文魚籽，肉多過飯🤩加入刺身豉油、Washabi同蘭王蛋撈撈撈🥢食一啖😳好好味，每樣野既味道blend埋一齊，令個味道好有層次🤴🏻蛋汁令個味更鮮更濃更獨特💖真心無得輸🫨平時啲餐廳裝修完得個樣唔同左，或者餐牌推多一兩樣新嘢，但SUPERDON KURO真係成間餐廳徹底升級左💡味道、體驗整體都昇華左☺️讚🥳

香港人究竟有幾鍾意食日本嘢 隨隨便便都輕易搵到日本餐廳就知日本餐廳有幾咁受歡迎🥰不過要搵到一間高質素嘅井飯都唔係咁容易🤔喺銅鑼灣就搵到呢一間極度高質素而且相當有Heart 嘅日本餐廳👍🏻佢哋專登請咗一位專門做omakase嘅大廚返嚟研究食材 呢一點就知佢哋好有心👍🏻==============================𝐅𝐨𝐨𝐝 𝐋𝐢𝐬𝐭📌🐠🐋火灸三色丼 包括三文魚 帆立貝 左口魚邊😻火灸過後嘅刺身油會溢出🍚滲晒落個飯入邊 油香十足 非常滿足🤤🐟🥗和風海鮮沙律 呢個簡直係各設魚生飯嘅菜底version 你以為沙律就剩係得幾粒刺身敷衍下你😮‍💨咁你就大錯特錯😬多到食極都有 配埋菜底成個感覺更加健康🍀自家製海鮮醬汁酸酸甜甜好開胃👍🏻

就喺銅鑼灣地鐵站附近，出口一出好快就到！餐廳其實已經開咗7年，經歷過疫情之後依然屹立不倒，實在唔容易 ！餐廳裝修後全新面貌，更型格時尚播住超舒服柔和嘅日文音樂，加上服務貼心殷勤，真心有去咗日本既感覺呀🥰menu都由日本神秘少年廚神Kさん重新設計過， 丼飯係餐廳既signiture，一定要試下佢既丼飯！🥢超級海鮮丼$268果然超級！最基本裝飾(蔥花、芝麻、紫蘇花、蘿蔔、牛蒡)已經好靚！🤩三文魚、油甘魚、中拖羅、大拖、帶紫、牡丹蝦、海膽，樣樣鮮甜無比！！牡丹蝦仲粗過我隻手指公！好正！！我唔諗住再有下一代架喇😎😌所以我唔會驚既！會繼續狂食🤤呢間係其中一間大推介！😋👍💕

📍 スーパー丼 (駱克道) (銅鑼灣)銅鑼灣駱克道501號地舖銅鑼灣的Super Don都開了一排，主打海鮮丼飯，十分近地鐵站，好方便。最近重新裝修，全新面貌，更型格時尚，聽店員講更由日本師傅重新設計菜單，加入左熟食同更多小食，樣樣都想點。點了極上吞拿魚丼，吞拿魚相當多同厚切，好豐富。粉紅色的吞拿魚腩蓉，拖羅，中拖，佈滿整個丼飯，丼飯仲加上了不少蔥花調味，厚切的的大拖羅，入口軟滑，完完全全融於口中，充滿濃濃的脂肪，咬落去充斥著魚油香，實實在在覺得美滿。至於吞拿魚蓉可以夾埋珍珠米一齊放入口，飯粒粒粒飽滿。

好多年前食過Superdon隔左幾年 唔知有冇轉左手不過依然好味道！印象中有海膽嘅丼好出色可能今日無海膽咁就試下其他野啦今次嗌咗火炙三色丼同埋鵝肝牛扒丼仲加咗一份套餐小食梅水晶同餃子餃子皮夠薄🥟唔會食落成口粉既感覺第一次食梅水晶原來係鯊魚軟骨🤯好脆口好重梅味所以唔會腥套餐個麵豉湯好足料暖笠笠唔會太咸足料到飲完飽左三成😆火炙三色丼分別係三文魚、帆立貝同左口魚全部都好大片😍平時會覺得唔新鮮嘅海鮮先會攞去燒但係呢度完全冇呢種感覺燒完都食到鮮味！牛扒丼🥩其實餐廳好細心唔同嘅餸都會襯返唔同嘅醬汁牛扒唔會un我個人鍾意用鵝肝撈飯食同撈海膽差唔多feel😆建議大家trytry!

難得約到妹妹食飯佢想食乜就食乜啦～佢同左我去位於銅鑼灣駱克道嘅Superdon經過就經過過好多次但又一次都無試過喎我妹妹本身好想食海膽丼可惜貨源不穩當晚就無海膽供應我提議改食火炙三色丼三款刺身我都鐘意食！刺身鮮美火炙過後魚油更突出入口豐腴🤤🤤🤤配上甜味醬油下飯一流！餐牌有款個名好靚嘅前菜叫梅水晶原來係係梅漬鯊魚軟骨入口酸味足爽爽脆脆好特別！日式煎餃子外皮煎得超香脆皮薄肉饀仲有肉汁唔錯！另一款就要熟食丼飯香煎鵝肝薄切牛扒丼跟餐跟餐會有經典麵豉湯同胡麻沙律麵豉湯足料唔鹹Wow個飯勁邪惡勁誘人牛扒粉嫩～將牛扒蘸蛋黃感覺滑溜軟淋煎鵝肝入口好香好肥嫩配上特製牛肉汁白飯瞬間清碗食物高質環境整潔舒適唔怪得妹妹會推薦呢間Superdon！

銅鑼灣 Superdon 晚飯時間都幾多人排隊，今次坐係bar 枱。火炙三色丼，三文魚、帆立貝、左口魚邊，魚生份量好多，擺盤好精緻，入口即融好好味，日本珍珠米粒粒分明，唔覺唔覺好快食完，好味。和風豆腐沙律，幾乎好多枱都叫呢個沙律，滑滑厚厚既日式豆腐，有好多種類既沙律菜，又有昆布同蕃茄，真係好清新又飽肚。配有胡麻醬，非常開胃。巨峰Calpis 乳酸梳打，超爽，又香甜，夏天解渴一流。餐廳好有日式感覺，每個位都有小富士山筷子座，非常可愛。價錢合理，食物高質。除左招牌魚生飯，亦有串燒。

今日同朋友傾完一啲合作上面嘅關係諗住喺附近度食下嘢，突然之間佢提出咗話想食日本野，咁啱呢度有近地鐵站我哋就坐咗喺呢一間餐廳度食！一間餐廳裝修都幾豪華！都好有日本和風風格、日頭行入去嘅時候都覺得餐廳光線非常足夠！再加上週邊嘅環境都好華麗！今次我同朋友想食多啲海鮮刺身，我哋就叫咗個超級海鮮丼！入面除咗有帶子，三文魚，三文魚子，海膽估唔到仲有拖羅，同埋吞拿魚，油甘魚！唔怪得知叫超級海鮮丼啦真係好齊啲刺身款式！仲有件件刺身都非常新鮮同鮮甜，配上丼飯真係好滿足！估唔到原來呢間餐廳加廿蚊仲可以多個湯，同埋沙律真係非常抵食！之後我自己再叫咗個香煎鵝肝薄切牛扒丼飯！鵝肝食落去非常鮮或入口即溶唔需要醬汁都可以好好食！牛扒亦都非常薄身食落去口感非常舒適！再加上原隻日本蛋放落去丼飯混合埋一齊更加香濃先畫香甜！最後我哋再叫咗個和風豆腐沙律，呢個沙律配上芝麻醬汁食落去非常鮮香！唔同嘅蔬菜配襯出唔同嘅味道！呢一餐真係非常滿足亦都夠飽！真係幾抵食同埋分量都幾大件！

銅鑼灣本身都已經係一個美食天堂，但係今日我哋就會去食一間原來都經營咗七年！好好食嘅日本刺身廚師牌發板，呢一間日本餐廳仲有好多嘅丼飯畀我哋去選擇！成間餐廳嘅裝修顯露出真正日本街頭嗰種風格，充滿著和風設計，再配上透明玻璃光線充足，俾到人一種心曠神怡嘅感覺！餐廳座位亦都相當闊落亦都有l型嘅位置專門食廚師發板！今次我同朋友選擇咗唔同嘅拼盤，超級海鮮丼刺身拼盤有、拖羅、吞拿魚、油甘魚、北海道帶子、刺身大蝦！刺身全部都非常之新鮮，鮮甜！再加上每一片刺身口感都非常好夠嫩滑！中間仲有三文魚子同埋新鮮海膽，亦都非常鮮甜！之後我哋再叫咗個香煎鵝肝薄切牛扒丼、每個餐再加多20蚊就可以多一個沙律同埋日本湯！性價比高非常抵食！鵝肝入口即溶鮮滑無比！牛扒更加是高cp！好睇又好食塊塊都好嫩滑！非常高質素！再配上原隻日本生蛋！配上丼飯滋味無比！再配上和風豆腐沙律，除咗豆腐非常滑溜之外，配上芝麻醬沙律亦都好開胃！海帶亦非常好食帶有營養！銅鑼灣駱克道501號SUPERDON

晚市時間係🚇銅鑼灣放工，一個人隨意走走🧐睇有咩好食，行經過駱克道👀見到一間開左好耐既🗾日本餐廳，以前都食過好🤤幾次，印象中好好食☺️，今次隔左咁耐再來👍質素依然非常好！餐廳店名使用🇯🇵日文字スーパー丼🐟，當然就試試餐廳招牌🔪刺身丼！呢個超級🤩海鮮丼 Super DON 💰$268 十分豐富，入面有多款高級🔪刺身食材：海膽、三文魚籽、🐟三文魚、🐟油甘魚、🐟赤身、🐟拖羅同埋🦐赤蝦，每款刺身😍都非常新鮮，每塊都🔪切得一式一樣咁厚身😋，對得起佢嘅價錢👍。當中我最鍾意❤️嘅係佢嘅海膽，厚身大塊🥰非常新鮮，食落偏甜帶回甘🤤，十分之出色！另外拖羅🐟魚油香味非常突出，😋食落非常肥美嫩滑。加💰$20可以升級套餐，會有齊🥗沙律菜、麵豉湯🥣同埋開胃小菜，特別一讚👍麵豉湯非常濃郁又足料，入面有🧅洋蔥、🥕蘿蔔、🐂牛肉、 蒟蒻等等，多種食材帶黎唔同口感既🤩衝擊，尤其蒟蒻好QQ彈牙🦷口感特別好。呢度食物質素👍非常唔錯，店員服務💁🏻‍♂️細心有禮，喺度🥢用餐有如置身🏯日本嘅感覺。

スーパー丼 Superdon Kuro今日嚟到銅鑼灣區一間日式丼飯專門店，喺佐敦同大埔都有分店，挺多款唔同款式嘅日式丼飯，有刺身丼、熱食嘅丼飯，最近仲翻新咗，感覺非常舒適。Yukhoe油甘魚丼 $138分量非常多嘅油甘魚，油甘魚厚度適中，啖啖肉，魚油豐富，配上蘭王蛋，日本醬油加上蛋汁拌飯！加$20可以升級套餐，有麵豉湯、前菜同漬物，麵豉湯非常足料，有紅蘿蔔、白蘿蔔、豚肉、洋蔥！Kuro黑唐揚炸雞 $68黑色炸粉嘅炸雞，熱辣辣，皮脆肉嫩，肉汁超多。日式炸豆腐 $48經典嘅地道小食，香脆嘅外層加上滑溜嘅豆腐，配上蘿蔔蓉、醬油、蔥花同埋木魚碎。

經過咗好多次唔知發咩癲入咗去食接近$200嘅一個飯肉好有彈性 咬勁多下先吞到鰻魚得一嚿我真係驚訝咗洗唔洗咁小氣😅伏 超伏性價比勁低肉唔好食份量又勁少又貴去其他食丼飯嘅地方應該會無咁嬲

一上菜我真係嚇親，會唔會太少魚生，睇相唔知仲以為我食咗一半！以前d質素都冇咁差，而家係又貴又唔好食！三文魚唔新鮮食落有腥味，仲要已經落咗wasabi,連個味噌湯都有水喉味！點解而家可以差到咁？唯一好處就係侍應服務態度好

好多人話CWB呢間丼飯幾好食，老公都話以前喺呢頭返工都會落去食飯，所以就帶我去試吓，不過今次就真係mama地🙁老公叫咗個和牛鵝肝丼，我就叫咗個和牛海膽丼，套餐跟咗一款前菜同埋一碗麵豉湯，份量剛剛好，我都只係勉強飽，男仔肯定就唔會夠架啦我個丼啲和牛都幾靚仔，可以自己揀生熟程度，我就揀咗五成熟，不過其實店員落單嘅時候都唔會問，如果有呢個需要記得要自己講，如果唔係就會好似我老公嗰個咁前菜係中華沙律，同麵豉湯一樣普通正常發揮。舊海膽真係唔掂，賣相係幾靚仔，又夠企身，可惜係腥既，仲要有臭味，得個樣老公個丼啲和牛好肥下，而且啲牛肉都幾韌，最搞唔掂係舊鵝肝，估唔到係炸既☹️成舊油淋淋仲要一啲鵝肝味都冇，好似食咗嚿油淋淋嘅粉團當時已經係夜晚10點幾，仲有好多人去食🙁聽老公講平時係要排隊嘅，唔會再考慮囉