影片
更多
2024-07-19
91 瀏覽
餐廳：Tanuki Innovation (尖沙咀)地址：尖沙咀梳士巴利道3號星光行誠品生活2樓L201-203號舖Tanuki Innovation喺土瓜灣開咗兩年幾之後，喺啱啱5月搬到過嚟尖沙咀星光行誠品生活2樓，依家已經正式開業咗一個幾月🎊，餐廳行簡約韓風，以花灰色同黃色為主，喺度仲可以望到維港靚景🏙️吸收咗過去兩年嘅經驗，193同其他老闆們決心追求革新(所以連名都改咗)，重新打造餐牌，將西日料理輕食、咖啡同甜品Upgrade⬆️，另外請嚟酒店級廚師同甜品師，希望帶比食客新嘅突破同驚喜🎉✝️韓式烤五花腩泡菜溫泉蛋卡邦尼烏冬 $138用卡邦尼整法配上韓式泡菜、蘑菇同巴馬臣芝士🧀，加上半生熟雞蛋整成濃而不膩嘅鹹香醬汁，充滿fusion特色😎，面頭有好幾塊焦香五花腩，秘製加咗果汁去輕醃帶出惹味甜香，配埋烏冬整得幾出色好食😋✝️火焰手切鹿兒島A4和牛配三文魚籽蓋飯 $268喺飯上面鋪滿A4和牛塊🐃，每件都有2-3mm厚，燒至外層輕輕焦脆而內層依舊鮮嫩多汁💦，仲輕輕睇到和牛嘅雲石紋理，每啖咬落去都有濃郁和牛肉香，加埋爆珠三文魚籽同自家製燒汁，完美嘅口感配搭真喺令人食唔停口🤤(雖然感覺有少少貴，但用
地址：尖沙咀梳士巴利道3號星光行誠品生活2樓L201-203號舖
Tanuki Innovation喺土瓜灣開咗兩年幾之後，喺啱啱5月搬到過嚟尖沙咀星光行誠品生活2樓，依家已經正式開業咗一個幾月🎊，餐廳行簡約韓風，以花灰色同黃色為主，
喺度仲可以望到維港靚景🏙️
吸收咗過去兩年嘅經驗，193同其他老闆們決心追求革新(所以連名都改咗)，重新打造餐牌，將西日料理輕食、咖啡同甜品Upgrade⬆️，另外請嚟酒店級廚師同甜品師，希望帶比食客新嘅突破同驚喜🎉
✝️韓式烤五花腩泡菜溫泉蛋卡邦尼烏冬 $138
用卡邦尼整法配上韓式泡菜、蘑菇同巴馬臣芝士🧀，加上半生熟雞蛋整成濃而不膩嘅鹹香醬汁，充滿fusion特色😎，
面頭有好幾塊焦香五花腩，秘製加咗果汁去輕醃帶出惹味甜香，配埋烏冬整得幾出色好食😋
✝️火焰手切鹿兒島A4和牛配三文魚籽蓋飯 $268
喺飯上面鋪滿A4和牛塊🐃，
每件都有2-3mm厚，燒至外層輕輕焦脆而內層依舊鮮嫩多汁💦，仲輕輕睇到和牛嘅雲石紋理，
每啖咬落去都有濃郁和牛肉香，加埋爆珠三文魚籽同自家製燒汁，完美嘅口感配搭真喺令人食唔停口🤤(雖然感覺有少少貴，但用料確實上乘❗️)
✝️香濃咖啡提拉米蘇配雲呢拿雪糕 $118
呢個打卡一流嘅甜品喺酒店級作品📸，喺一隻裝滿咖啡豆嘅托盤上面分別放咗一Shot espresso同Tiramisu，Tiramisu底層喺手指餅同Mascarpone cheese，中間有一球雲呢拿雪糕，面頭再加上朱古力醬、棉花糖同士多啤梨🍓，
最後按個人喜好倒入適量espresso，相當有層次感👍
飲品叫咗杯Latte($38)同髒髒咖啡($43)，
自家烘焙嘅咖啡豆喺用咗本地豆mix埃塞俄比亞豆而成，比你飲到獨特嘅咖啡風味，依家外賣$48以下嘅任何飲品仲一律$25添😍張貼
