Tanuki Innovation

環境與氣氛Tanuki Coffee位於尖沙咀誠品裡面，精緻而現代的環境中，窗外有海景與城市天際線成為左完美的背景。室內裝潢以灰色調為主，簡約而時尚，搭配黃灰色的椅子，讓整個空間顯得既舒服又不失活潑。大型窗戶提供了充足自然光，為用餐體驗增添了不少愉悅感。飲品我朋友嗌一杯Sugarcane Cold Brew Coffee，呢杯咖啡帶來清新的口感，冰涼的設計使其成為夏天的理想選擇咖啡的風味沒有過於濃烈，反而展現出天然甘蔗的甜味，相當順口。另外，我都試左Dirty，咖啡夠濃，牛奶的奶香恰到好處，呢杯飲品的層次感更加豐富。甜點方面，我地選擇了巧克力蛋糕和香蕉蛋糕。巧克力蛋糕濃郁而不甜膩，口感綿密，搭配咖啡相得益彰。而香蕉蛋糕則帶有淡淡香甜的果香，鬆軟的質地讓人一口接一口，非常好吃。整體來看，Tanuki Coffee不僅提供了優質的咖啡與甜食，環境也讓人倍感放鬆。無論是與朋友聚會還是獨自享受個人時光，都非常適合。這裡的視野也是一大亮點，可以一邊品味咖啡，一邊欣賞香港的美麗景色，十分推薦！…查看更多

個風景係幾靚嘅 不過啲嘢食可以再改進吓其實真係好耐冇試過食嘢 食到咁嬲 嬲到要擺上網出下氣🙂‍↕️我等左45分鐘嘅意粉🤡 如果好食嘅話都叫做冇咁嬲 但係真係唔係咁好食😹收埋加一都唔知俾咗啲乜嘢好服務😆Order嘅時候 話要等4-5個字 好啦 我等跟住等咗半個鐘覺得唔對路佢叫我再等多15分鐘👹我話 我等咗成半個鐘啦喎…（我已經好忍住道火😇）佢地嘅員工： 「你再等吓啦！」嗰日着到勁hea出去買野諗住求其搵間野食個lunch 肚餓到不得了👹然後等個意粉等到我頭都痛埋個意粉ok 個雞扒我真係食唔出蒜蓉同埋蜂蜜嘅味道🤡！！加插兩句，題外話！同埋你哋啲員工講人哋八卦可以細聲啲😹坐喺度等緊個意粉嘅時候聽到真係好尷尬👹以前喺紅磡食嘅時候都覺得ok但係呢塊雞扒同埋要我等45分鐘我覺得好唔OK貴唔貴我唔想評論了但係一定唔值🤡🙏如果真係煮唔切 人手不足嘅話一係請多個人開多個爐頭一係就唔好開咁多張枱🙏而唔係一路煮一路話呢個着成點 嗰個又着成點🙏…查看更多

行完書室， 搵個地方歇一歇。亂打亂行， 去了一間咖啡室。我地叫了一個小食併盤， 2杯咖啡。併盤有4款美食， 2條香腸， 薯條好大條， 好有薯仔味 , 雞亦 好大隻， 我最欣賞是雞皮包魚肉， 雞皮好薄， 真係好好味， 唔覺得自已食緊雞皮咁皮， 食左咁多炸件， 中間再配沙律菜， 比我地中和返d 口感。我地叫了2杯藍梅咖啡， 嘆下。藍梅中和了咖啡的苦澀昧。好岩我這些新手飲。…查看更多

叫左個焦糖香蕉朱古力french toast ，睇其他食評話ok又見啲相賣相唔差，所以試下。呢間餐廳可以話冇服務可言，點餐係自己出去叫，又冇水，點解要加一？女侍應送餐嗰時一手拎住個電話，一手拎住碟食物，放低食物時對眼仲離唔開部電話。之後見佢自己霸左一張枱休息，做下又抖下咁，成個老闆咁款。碟french toast 係完全冇味，連蛋味都冇，好似食緊pat粉漿咁，呢碟野真係甜品黎？唯一可取係嗰半條香蕉同雪糕，成碟野得呢兩舊野有甜味。defence tea 不錯，但五十幾蚊得一個茶包，仲以為會見到啲茶葉同果乾。…查看更多

呢間由開業以來已經幫襯過起碼五六次，環境舒服，有靚海景，最鍾意食佢嘅all day breakfast！可惜⋯⋯最近再去食個體驗好差，失望！今次嗌個雞扒意粉食，足足等咗我36分鐘！落單等咗半個鐘已經忍唔住走去問係咪漏咗單，佢話做緊出嚟喎～我心諗Lunch hour客人得10個以內，又唔係多人，唔明點解咁都manage唔倒⋯⋯我話我要趕住返工⋯⋯落單嗰陣如果預早話我知要等耐啲，我都可以考慮食唔食⋯⋯然後，送咗呢碟意粉過嚟，如果你話舊雞扒要花時間雕花我都原諒你🙂‍↕️🙂‍↕️🙂‍↕️送嚟嗰陣，仲要一句唔好意思都冇，一啲都唔識做，咁嘅服務質素仲要收我加一服務費，都唔知加咗去邊⋯⋯…查看更多