GYU TOWN 牛舌專門店

營業中

休息中

知唔知呢排深水埗最火熱係乜🔥我話你知一定係桂林街呢間牛舌專門店 之前行街經過見到佢新開無幾耐 門口已經有人排隊等食 特登過去望吓佢嘅menu 有好多款唔同嘅牛舌套餐🐮而且價錢仲好抵 就同朋友講下次行完街一定要過嚟呢度食特登平日收工過嚟 大概6點半左右 已經開始排緊隊啦🥹我哋排第4組 20分鐘左右就入得店舖唔算好大 不過座位安排得宜 唔會坐到好迫 裝修偏向日系 有居酒屋嘅感覺🏮我哋一人叫咗一款套餐💁🏻‍♀️▪️鐵板系列-二重牛舌第一重係牛舌尖 第二重係牛舌芯👅喺度可以切切實實試到尖同芯兩種唔同嘅分別 牛舌尖肉質好軟稔 而牛舌芯就更香 有咬口又juicy 燒到出嚟香噴噴 用鐵板上個可以保持温度☺️我仲加咗錢轉套餐 有埋湯/沙律/飲品 仲有升級嘅滿溢牛舌筋温泉蛋丼 勁豐富❤️我哋揀咗燒肉汁 另外仲有英式芥茉同埋日式牛扒汁▫️御•重盒-三重牛舌朋友揀嘅三重牛舌同樣有齊牛舌尖/芯/筋 份量比鐵板系列更重量 更厚切😍當中牛舌芯係特別出色 店舖處理得好好 熟度啱啱好 中間依然呈粉紅色 好靚!而牛舌筋就好重牛味 好軟嫩另外千祈唔好忽視跟餐嘅湯 係牛舌洋蔥湯嚟架 夠晒濃郁入味🍲整體嚟講 份量好大 我哋最後都食淨咗