唐坊火鍋私房菜

營業中

休息中

喺現時點附近行完街，就睇吓附近有咩好西，於是我同朋友就嚟到樓上打邊爐，店員都幾熱情唐泰北蝦冬陰公湯鍋個湯底酸辣度啱啱好，冇落辣油同埋椰奶，飲落好開胃又健康啲，蝦至少有六隻，肉質爽口手切封門柳牛肉切得夠薄，輕輕一灼就熟，入口好嫩滑，牛味濃郁稻庭烏冬烏冬幼滑有咬口，索晒冬陰公湯嘅味道，食落煙靭有咬口 三寶丸花枝丸彈牙，蝦丸鮮味足，牛丸飽滿，啱晒丸類愛好者韭菜餃拼蟹肉餃韭菜餃香口，蟹肉餃味道偏淡，皮薄白豬仔午餐肉午餐肉切得厚身，仲索埋湯汁特別好食 油麥菜菜夠新鮮，浸完湯之後吸晒酸辣味，食落爽脆又解膩。 估唔到打完邊爐仲有糖水飲，糖水用咗3.6牛乳，奶香濃郁，甜度適中，食完火鍋飲返碗，好滿足！