鮨燐

營業中

休息中

輕鬆隨意嘅omakase分享今次試咗一間比較高級嘅日式餐廳，佢哋嘅生炸蟹炸得唔錯，外皮香脆，充滿蟹膏，配埋啲水果蕃茄，酸酸甜甜幾開胃。刺身方面，鮫鰈魚都幾新鮮，四國蠔肥美而且加埋柚子啫喱喺上面更顯得清新另外比較突出嘅係銀鱈魚 配醋麵豉同紫蘇花嘅味道比較特別中拖羅同吞拿魚都幾滑，油脂感十足，紫菜可以減輕油膩感和食嘅吉列太刀魚炸得幾香脆，但魚肉夠晒滑。壽司方面，富山白蝦同北寄貝都新鮮，赤海膽味道濃郁，最後一個刺身係赤身 蒜香味幾特別。最後嘅綠茶奶凍甜度適中，口感滑滑哋，係一個唔錯嘅甜品。