走過十萬八千里找到你

營業中

休息中

輕鬆又舒適嘅cafe 店🌟軟殼蟹黑松露雜菇忌廉意粉🌟軟殼蟹好大隻，炸得好鬆脆，而且蟹肉鮮甜。醬汁未食入口已經聞到好香嘅黑松露味，而且好Creamy。🌟帶子蟹膏蟹肉意大利粉🌟帶子用了海鹽黒椒煎，有小小鹹味，令帶子鮮味而突出。醬汁有蟹膏味，同樣都好creamy。兩碟意粉也煮得好爽口，軟硬適中。🌟鮮奶焙茶🌟呢度啲熱茶旁邊放咗一小束乾花，非常有心思。令人未飲前已經好開心。焙茶茶味十足，加埋啲鮮奶，帶出焙茶香味。🌟玫瑰抹茶🌟茶面鋪滿一啲好靚嘅玫瑰花片，賣相非常吸引。未飲入口之前已經聞到好香嘅玫瑰花香味，感覺好放鬆。抹茶味同玫瑰味混合得剛剛好。