走過十萬八千里找到你

營業中

休息中

午餐時間又嚟到杏花邨商場搵食，見呢間cafe個名—走過十萬八千里找到你，幾得意就入嚟試吓。食物類型係西餐，價錢唔算太貴，午餐食到三點，跟餐飲品就凍熱都一樣要加錢。加咗一杯熱奶茶，飲品先到。 係英式嘅奶茶，要自己加奶同加糖，味道淡淡地，不過可以接受。海鮮龍蝦汁燉飯，熱辣辣上枱。份量都算幾多，裝到個大碟滿滿。整體質地都比較濕，但係龍蝦汁好香，鹹淡適中，而且海鮮份量都唔少㗎。比較晏入嚟，冇咩人，所以食飽仲可以慢慢坐多陣。

食品《三文魚子炙燒蟹棒明太子猫耳朵》一上枱就Wow! Wow! Wow! 你冇睇錯，三文魚子真係有一大堆放上炙燒蟹棒上。蟹棒軟腍。仲有很多明太子混在猫耳朵中。猫耳朵味道類似通粉，掛汁能力高。飲品飲品方面除了有主打嘅咖啡外，還有多款嘅花茶、特式茶 和 Smoothie。我就選左smoothie，而smoothie, 都 有三款不同嘅口味，分別有香蕉朱古力、什莓 和 菠蘿芒果。今次我就選左一杯《菠蘿芒果》Smoothie，內有d芒果蓉、菠蘿碎粒和冰粒。飲落酸酸甜甜好好味！旁邊有朵花放係杯盤上做裝飾，十分美觀。

因為探完個親戚諗住夠奇食小小醫吐，哇點知好難食，未食過咁難食既野，睇到貴店食評真係眼都突埋出嚟，請槍手都咪咁明顯，意粉creamy？乾到乜咁叫creamy 😂😂咁難食既意粉自己屋企整都好食過佢，收八九十蚊一碟。咖啡難飲到呢，一杯latte都咁難飲，最好飲係杯梳打。梳化污糟，有垃圾無執。杏花邨雖然冇西餐冇競爭，不過咁既質素難怪冇乜人入黎食，睇怕都捱唔長。

去杏花新城行完outlet 行得攰，想搵個舒舒服服嘅地方食飯見到呢間餐廳有乾花同埋絲花裝飾好靚， 門口仲有個月亮打卡位添！晚餐八十幾蚊起，跟餐包餐湯及飲品不過我哋就散叫，我哋點咗:🌟 三文魚子炙燒蟹棒明太子貓耳朵 $128貓耳朵意粉軟硬適中，有咬口，索晒明太汁，味道不錯！🌟 鰻魚滑蛋燉飯原條鰻魚上、飯上面有嫩滑炒蛋，飯本身用醬汁燉製，份量好大！🌟 玫瑰洛神花茶$36用壺上，份量好多，茶有洛神花味道，杯入面有玫瑰花瓣，兩者溝埋好夾，酸酸地，有解膩作用🌟 Latte $44鮮奶咖啡，適合唔想飲太濃咖啡嘅人，咖啡好滑除咗正餐之外，仲可以食靚cake餐廳仲有乾花，蠟燭，同餐廳精品售賣

呢度個 menu 都幾豐富，好多嘢揀肉，意粉同飯類都算幾多選擇揀咗我一陣晚市去，主要照明係靠商場嘅燈同枱面嘅香薰爉燭，食食吓會有啲好清新嘅香味飄入腳，感覺不錯周圍又有好多花做裝飾氛圍有格調友人仲話啲歌好啱聽🤣客服加分，幾細心個 staff 見到我哋用完最後一張紙巾就主動比多兩張我哋，我哋完全冇比任何眼色海鮮燉飯個汁真係勁有海鮮味，每粒飯都有鮮味裏面有青口，蜆同魷魚，數量都唔少貓耳朵個汁好 creamy，整體質感豐富，三文魚籽同飛魚籽脆卜卜，貓耳仔有咬口，滿足的口感個人覺得紅寶石巧克力草莓鮮奶好靚，好啱打咭味道方面特濃巧克力正好多，幾濃的!原來旺角都有間分店的走過十萬八千里找到你海鮮燉飯 $98三文魚籽炙燒蟹棒明太子貓耳朵 $128紅寶石巧克力草莓鮮奶 $52特濃巧克力 $40📍杏花邨

黎開呢頭探朋友，無意中望到有間cafe就叫埋老友嚟食，嘩。點知好差成肚氣又難食無味的意粉 水稀稀。。叫杯latte唔熱又冇咖啡味。侍應呀姐黑面又冇反應，問句嘢都慢幾拍😓搞不掂最差係收銀啊叔，問小小積分問題冇耐性 態度差到冇朋友！

有日同男朋友喺旺角唔知食咩好，見呢間咁多正評諗住黎試下，點知中大伏😢叫咗一個意粉同半隻燒雞，加錢轉咗一個做餐，見到佢個湯我真係呆咗，佢用咗隻好可愛嘅貓貓杯嚟裝，但係佢只係裝咗1/4杯左右（可能都冇）嘅湯俾我😅之後嗰半隻烤雞黎到，我哋呆咗😧佢嗰兩嚿雞仲細過KFC嗰啲雞，然後再加一pat仔薯蓉同少少蘆筍粟米仔就上碟，個汁又唔好食，食完又唔飽，完全唔值咁嘅值錢。（近鏡影可能唔覺佢咁細，實物係真心細。我好鍾意食燒雞，佢真係我食過最迷你嘅烤雞)至於個意粉，係味道正常份量偏細嘅意粉，而個洛神花茶嘅味道就好似加咗花瓣嘅熱水咁🤯 但係我見到其他枱嘅嘢食，例如佢個豬肋骨同薯條，離遠睇個份量好似正常少少🥲 如果大家都真係想試呢間餐廳個人建議千祈唔好嗌佢個燒雞，真係幾啖就食完。環境方面，我哋嗰日由六點鬆啲坐到七點幾，間餐廳長期好似冇開冷氣咁，可能因為佢係開放式廚房又長期打開咗去後樓梯嗰度門，就算唔食嘢淨係坐喺度真係好熱🫠另外佢燈光亦非常之昏暗，如果我為咗影靚靚打卡相黎一定會好失望。當晚我哋兩個都食唔飽，只係想快啲食完快啲走，去第二度食嘢🫠完全唔理解啲好評喺邊度嚟

I have been buying the same dish from them for several times and i am having their pumpkin orecchiette right now and found a fragment of aluminum foil 😵😵‍💫🤮🤢 luckily i spit it out who knows if i had already swallowed some! Never gonna patronize this restaurant again!For the price of $68 for such small portions i expect something better!😵‍💫🤬🤯😤

唔好食到要寫負評價錢就都唔平其實附近仲有好多仲平嘅連鎖店小食嚟到枱面係凍嘅意粉難食到買包煮好既意粉醬自己係屋企煮總好食服務差連最基本禮貌都冇當你唔係到咁唔理你睇路各位

呢度嘅環境好啱打卡，嘢飲係以乾花為主題數，好精緻。帆立貝龍蝦汁貓耳朵主食套餐（$146）龍蝦汁嘅味道濃郁參，配埋掛汁嘅貓耳朵粉，龍蝦味好出。配埋煎香咗嘅帆立貝然。，好有鮮味。呢款主食可以加配成套餐，包埋餐飲、餐湯。日式原條鰻魚意大利飯果然有大大條原條鰻魚放係碟中間，鰻魚熱辣辣，食落帶豐富鰻魚汁，味道唔錯，口感都彈牙，伴有少少新鮮菜苗平衡下更好味。下底意大利飯撈埋菇片，菇仔同洋蔥絲，口感唔錯，味道唔會太鹹，非常濕潤

上星期趁有些優惠券快到期去了杏花新城逛街，這間店開張時很多人未曾試過，個女愛吃西餐排了一陣好快有位。見到有晚餐套餐和散點價錢也合理。點了辣肉腸意粉餐，包湯面包和飲品，看似平平無奇但竟然辣肉腸的味道真的有點辣，意粉不會太淋。散點叫了黑松露軟殼蟹意粉，軟殼蟹炸得夠脆，配上黑松露意粉夠香，再加叫甜品朱古力香蕉窩夫竟然好大份，配有雪糕一球，焗至香脆味道可口，鄰枱見到也加叫了一份，證明好吸引。餐廳在商場的一隅，不算好多坐位但員工都禮貌勤快，不錯。

帶子蟹膏蟹肉意大利飯 味道幾好食💕🙆🏻‍♀️🙆🏻‍♀️帶子都幾多鮮甜多汁，不過如果飯再多啲汁同埋軟身少少就更好食💕😆😆蟹膏都唔錯！溫泉蛋海膽汁意大利麵 海膽汁都好creamy，比較濃稠，每一啖都食到龍蝦汁嘅香味💛💛不過當然啦係有少少膩，但係再加埋蛋同埋啲醬汁，其實非常好食！！😎❤️‍🔥套餐價錢其實都唔算好貴，而且賣相同食物質素都唔錯，另外仲有唔少特飲同甜品❤️‍🔥環境乾淨企理，如果行街經過都可以試吓😎✨✨

早兩日食咗間之前有朋友仔介紹嘅打卡餐廳 ，覺得真係好社交媒體網站able想推介俾大家！我今次去咗杏花邨嘅分店，分店位於地下嗰層一出地鐵落一層就到都好易搵。佢哋嘅裝修用花做主題，超有少女心，而且價錢都好大眾化，一啲都唔貴。菜式方面以西餐為主，今次我哋都食咗幾款，有意外驚喜！首先嗌咗個墨西哥牛油果煙鴨胸沙律清腸胃，佢嘅份量都唔少，而且沙律菜同牛油果都好新鮮，開胃菜絕對一流。跟住我哋嗌咗個晚餐套餐，裏面有湯頭盤同埋可以加錢叫特飲。是日餐湯吃蘑菇湯，顆粒感好重，而且都好creamy都不錯吃。主菜係香煎比目魚配檸檬牛油汁。比目魚外皮脆卜卜，肉質好滑溜，每一啖都充滿魚油香，配合返檸檬牛油汁可以平衡返油膩感，絕對係驚喜之作。佢嘅配菜都好高質，薯蓉質地好滑，冇顆粒感，而且入口清爽，絕對值得一試。我同朋友仔超級大推介佢嘅飲品系列，我哋分別擺咗佢嘅手工黑芝麻特飲同埋紅寶石巧克力草莓鮮奶。手工黑芝麻特飲超級香濃，未入口已經聞到一股濃濃嘅芝麻香味，而且咖啡師拉花勁靚，打卡一流！紅寶石巧克力草莓鮮奶好香甜，而且都好足料，都係唔錯嘅選擇，呢間舖頭真係好適合朋友過嚟傾偈打卡，大家如果經過都可以試吓！

今日忽然間想食牛扒，搵食之際見到呢間走過十萬八千里找到你🤣🤣🤣又幾好食🤭🤭⭐️蘑菇湯⭐️好香嘅新鮮蘑菇湯味，creamy 得嚟帶又少少蘑菇碎，新鮮好味👍⭐️美國安格斯肉眼扒⭐️最鐘意食安格斯肉眼扒，貪佢滿滿雪花紋，烤煮過後，質地柔軟，簡直係食牛扒嘅首選。五成熟剛剛好，味道軟腍香濃。⭐️卡邦尼意粉配溫泉蛋⭐️香濃嘅卡邦尼意粉掛汁，煙肉鹹鹹香香，低溫慢煮嘅溫泉蛋，蛋黃鮮嫩，配上意粉同醬汁，層次感更加豐富。⭐️巨峰提子梳打、凍咖啡⭐️巨峰提子梳打賣相好靚，伴碟嘅花好襯，感覺好少女心🤭🤭

位於杏花邨好味又可以打卡嘅餐廳，一出地鐵站行2分鐘就到，座位同環境都好舒適。蒜香白酒蜆肉意大利粉 $106上枱已經聞到好香，食落有好香嘅牛油同蒜嘅味道，意大利粉軟硬適中，蜆肉亦都唔錯。咖哩吉列豬扒配珍珠米 $106賣相唔錯，豬扒夠大塊食落唔厚粉啖啖肉，配菜有爽脆嘅薯仔同豆，咖哩係日式甜咖哩，味道香濃同珍珠米夾。芝士薯條 跟餐+28外脆內軟，配埋個芝士醬一齊食得好過癮。蜜糖雞翼 跟餐+28係單骨雞翼，有好香好濃嘅蜜糖味，食落甜到入心。香蕉朱古力奶昔 跟餐+28整得個外形好靚，上面仲有幾片香蕉，飲落香蕉味同朱古力味平均，甜度適中。柚香菠蘿檸檬梳打記得將底下嘅柚子菠蘿檸檬攪拌後再飲，有香甜嘅果香，帶微酸，幾開胃。