影片
開飯介紹
於旺角起家的人氣cafe，以簡約的文青風格及花飾為設計主軸，提供舒適的環境讓你享用融合日、台、意、法式的多元化美食。
繼續閱讀
以上資料只供參考, 請與餐廳確認詳情
有關獎賞計劃
去杏花邨買完運動用品又到晚餐時間搵野食見到一間裝修好精緻嘅西餐廳餐廳名幾特別叫走過十萬八千里找到你👍🏻睇過menu 又啱食就入去試吓啦✨忌廉南瓜湯🎃🍵湯嘅隔離有塊蒜蓉包🥣香脆可口，仲有濃濃蒜味同埋牛油香🧈點一下個湯食，兩者好夾🤟🏻飲落會食到南瓜嘅粿粒同埋椰奶香🥥證明係真南瓜整成👍🏻誠意滿分💯✨軟殼蟹蟹膏醬意粉🦀🍝上菜時意粉好大碟而意粉上真係有原隻軟殼蟹🦀🦀跟menu 嘅描述一樣，好均真👍🏻👍🏻蟹膏醬完全跟意粉混合每啖都會感受到蟹膏加海鮮味喺個口度開緊party 🎊🎉意粉煮得剛剛好軟殼蟹炸得好脆口🔥食落仲到濃濃嘅蟹膏同埋海鮮味🤟🏻鐘意食海鮮個種味道嘅人真係要試下👍🏻✨凍咖啡咖啡好香，又唔多冰☕️🧊飲完都一肚水又可以沖淡一下殘留口裡嘅海鮮味餐廳內部唔算大但都坐得舒服👍🏻餐廳枱面上會長點住一枝蠟燭🕯️儀式感滿分，又有feel🥳枱面亦有消毒濕紙巾俾食客使用🧻亦有各式各樣調味料餐廳仲會keep 住播我個年代嘅廣東話歌用餐時會因為咁樣產生共鳴有機會都想試埋佢個午餐同埋下午茶😋
繼續閱讀
今晚order咗外賣，都知食外賣係會冇咁好食，預咗，但冇諗過係難食到嘔叫咗4樣嘢 1)墨西哥牛油果大蝦沙律，2)美國安格斯肉眼扒伴薯菜配燒汁，3)大啡菇黑松露燉飯，4)炸著條（芝士醬/黑松露醬），塊聲稱安格斯肉眼扒好似冇煎過白烚咁，黑松露燴飯一啲味都冇個大菇仲要苦嘅，黑松露薯條仲衰過麥當勞嗰啲，個沙律叫做勉強可食落口，我成日覺得貴唔緊要好食就甘願比，但真係癡線完全冇諗過收咁嘅價錢難食到接受唔到，我從未試過食完覺得難食到要去寫負評，今次真係第一次！！
繼續閱讀
黎outlet諗住食個lunch叫左兩份意粉餐卡邦尼 意粉十分乾 好似冇煮過咁 冇汁冇乜味道 好似求其煮熟就上碟 三文魚貓耳朵 得一塊三文魚 好細塊 仲要78元 耳朵意粉極少其實兩份嘅份量都十分少 食完好似冇食過野加28元薯條 份量極少 仲要千年油炸好勁益味 十分難食 冇食過薯條可以咁難食同佢投訴先系咁二比多幾條 黑口黑面三份食物 等左超過30mins 人又唔系多 仲要收加一 完全唔可以接受埋單一共200離能哂普點解可以生存到今時今日
繼續閱讀
本身諗住lunch time 時間短入去食個輕食。本身諗住食甜品，Menu上面有waffle，去到同個Staff講，佢竟然話冇，諗住嗌奶昔，又話冇奶昔。餐牌上面天花龍鳳，到乜嘢都沒有，如果啲嘢冇點解要寫出嚟？點解唔搵塊白紙遮住佢？最後迫於無奈叫咗沙律，諗住實冇死啦，應該5分鐘會上到菜啦。點知個沙律整咗20分鐘先出嚟，佢啲菜係啱啱喺街市買返嚟？ 但係又唔見好新鮮喎。忽然見到某位店員提着嘉頓方包進店，原來沙律就是在等待呢塊面包，如果冇估計錯誤，呢袋麵包應該喺樓上超市買的。點知道，佢買返嚟嘅麵包沒有任何加熱/煎香/烘過，只係搽咗少少牛油上面，就出碟俾我哋，腍啤啤勁難食。啲菜都唔知道有冇洗乾淨，份量仲要勁少。塊煙三文魚得手指尾咁細塊，仲要得一塊。呢個質素嘅沙律，居然要收$78，沒有任何服務，餐牌要咩無咩，居然仲要收加一。希望唔好再有人中伏🙏🏻
繼續閱讀
有時要出街做嘢，想試下非連鎖餐廳。今日去開柴灣，又就黎tea time要醫下肚，就上網搵左呢間靚靚餐廳🥰入座時只得一枱，但侍應不停傾計，入到去一陣先招呼我。當時2點，我問男侍應有冇下午茶餐，佢答我有。之後佢再向Senior同事求證，原來2點半先開始。。。我叫左午餐-香草忌廉三文魚貓耳朵$78, 連飲品，叫左Latte，以為只係加$8-$10，後尾見到張單先知係$21，個男侍應完全冇提過要加錢講返味道，其實粉同咖啡都好一般，冇食評所講咁好味，令我有少少失望
繼續閱讀