影片
更多
2015-05-12
1155 瀏覽
朋友搞局，話食私房菜，懶神秘話仲要晌觀塘廠廈裡邊，哈哈，原來喺御膳，即時話佢知小弟曾經到訪過，不過，依然有興趣再訪，因為，佢哋嘅私房菜實在有質素，似乎做出啲成績，有種載譽歸來之勢。今次重臨，門面無晒啲雜誌專訪嘅報導，更有私竇感。因為有朋友打點，所以，唔使其他人操心，亦一早收到菜單，多款菜式都喺未試過。而去到餐廳，仲一早坐滿客人，真喺唔訂位就無得食。麻辣鹵水大拼盆唔使多講，就知喺麻辣夾鹵水嘅組合，拼盤有牛肚，雞絲，豬腸，惹味還惹味，但真喺辣得刺激，而牛肚好爽口，雞絲好綿滑，豬腸唔肥又無乜豬臊味。蒜蓉粉絲蒸大蟶子皇第二道上場喺熱辣辣嘅蟶子皇，隻隻都好大隻，斤兩十足， 蟶子既彈牙，又鮮甜，而且蒜味香濃得恰到好處，唔會冚晒啲蟶子鮮味。底下沾滿蒜香及豉油味嘅粉絲，亦唔好錯過。避風塘炒大肉蟹依度整肉蟹有好多做法，四川香辣炒、豆豉涼瓜焗、薑蔥上湯炒、麻辣水煮……等等，避風塘炒算得上店家嘅招牌。睇見對蟹鉗，就知隻蟹斤両十足，一整碟鋪滿炸蒜粒，香氣四溢，我哋選上小辣，微辣醒神，蒜香惹味，肉厚味鮮，所以，大家都讚，食到吮晒手指。花彫雞油蛋白蒸大肉蟹食完個避風塘炒，再嚟個花彫雞油蛋白蒸，實在滿足晒鍾意食蟹，
因為有朋友打點，所以，唔使其他人操心，亦一早收到菜單，多款菜式都喺未試過。而去到餐廳，仲一早坐滿客人，真喺唔訂位就無得食。
麻辣鹵水大拼盆唔使多講，就知喺麻辣夾鹵水嘅組合，拼盤有牛肚，雞絲，豬腸，惹味還惹味，但真喺辣得刺激，而牛肚好爽口，雞絲好綿滑，豬腸唔肥又無乜豬臊味。
麻辣鹵水大拼盆
37 瀏覽
0 讚好
0 留言
蒜蓉粉絲蒸大蟶子皇第二道上場喺熱辣辣嘅蟶子皇，隻隻都好大隻，斤兩十足， 蟶子既彈牙，又鮮甜，而且蒜味香濃得恰到好處，唔會冚晒啲蟶子鮮味。底下沾滿蒜香及豉油味嘅粉絲，亦唔好錯過。
蒜蓉粉絲蒸大蟶子皇
44 瀏覽
0 讚好
0 留言
避風塘炒大肉蟹依度整肉蟹有好多做法，四川香辣炒、豆豉涼瓜焗、薑蔥上湯炒、麻辣水煮……等等，避風塘炒算得上店家嘅招牌。睇見對蟹鉗，就知隻蟹斤両十足，一整碟鋪滿炸蒜粒，香氣四溢，我哋選上小辣，微辣醒神，蒜香惹味，肉厚味鮮，所以，大家都讚，食到吮晒手指。
避風塘炒大肉蟹
46 瀏覽
0 讚好
0 留言
食完個避風塘炒，再嚟個花彫雞油蛋白蒸，實在滿足晒鍾意食蟹，又想多花款嘅朋友。花彫味唔太重，只喺隱若有微微酒香，可以加重多少少都得，但蟹肉嘅鮮味實在喺度菜嘅亮點，蛋白亦十分滑溜。個人覺得先食個花彫蒸，後食個 避風塘炒，先淡後濃，可能整體效果好啲。
花彫雞油蛋白蒸大肉蟹
41 瀏覽
0 讚好
0 留言
江南百花雞百花即喺蝦膠，依道菜即喺蝦膠釀雞，雖然我哋被安排享用半隻，但已好夠皮，因為每件雞釀有大大嚿蝦膠，入口爽彈，而且雞件已經去晒骨，入口啖啖肉，淋上個琉璃茨，好美味嘅一道升級版家禽菜式。
江南百花雞
103 瀏覽
0 讚好
0 留言
富貴金龍個名就晒貴氣，金龍仲以為喺蟮之類，原來喺原條沙巴龍，起肉之後一邊鹹蛋黄炒，另一邊酥炸，再砌番魚形，賣相一啲都唔「求其」。前者味道鹹鹹香香，後者酥炸配蛋黃醬，外脆內嫩。不過，要挑剔喺鹹蛋黄部份有少少過鹹，而酥炸部份亦未見驚喜，算喺特別得嚟平穩嘅菜式。
富貴金龍
57 瀏覽
0 讚好
0 留言
白胡椒爆炒南非鮑魚之前都曾經食過，好欣賞佢個做法，今次再遇，自不然鍾意啦。南非鮑魚個個有近檸檬咁大，哎落爽得嚟帶點咬口，肉質軟腍而煙韌，白胡椒香而不辣，水準無差到。
白胡椒爆炒南非鮑魚
58 瀏覽
1 讚好
0 留言
比起斬成細細粒嘅腓排或肉排，以大條嘅豬肋骨做，當然感覺有份豪氣；肋排炸過，所以一咬會有種焦脆感，而個士多啤梨汁甜而不膩，淡淡甜味，又有少少酸香，頗醒胃嘅菜式。
士多啤梨骨
27 瀏覽
0 讚好
0 留言
上湯浸時菜雖然平凡，但菜心的確清甜好食，濃郁嘅上湯讓菜心更好味，面面再放啲蒜子，炸香，浸透，同樣好味。
上湯浸時菜
51 瀏覽
0 讚好
0 留言
叫得「招牌」當然喺耍家之作，材料豐富，包括蝦仁、帶子、牛柳粒，鹹蛋蓉、冬菇、蔥花。上次食記得好好味，唔知喺咪今次改用咗珍珠米，雖然食落唔油，但喺口感無咁爽身，仲有點濕潤嘅黏糯感，之不過，始終喺好多料嘅製作，豐富嘅口感，而且飯粒好入味。
招牌御膳炒飯
36 瀏覽
0 讚好
0 留言
菠蘿鳥最後嘅生果盤，上次嘅「岩石西瓜」之後，今回個菠蘿鳥一樣有驚喜，有好多生果，果盤做得有心思，砌成一隻鸚鵡咁。生果有香甜嘅新鮮菠蘿、士多啤梨、藍莓、奇異果（未熟，有啲酸）、爽脆清甜嘅蜜桃片，實在叫人食得開心。友人打趣問個菠蘿殼會唔會翻用，我諗就唔會喇，因為做下一個都要再切啲新鮮菠蘿，所以都無需要循環再用。
菠蘿鳥
73 瀏覽
1 讚好
0 留言
張貼
