影片
更多
2021-05-04
4087 瀏覽
早喺佢入米芝蓮推介前我叫過一次外賣，佢嘅藥膳湯底真係令人一試難忘👀 記得第一次去嗰時條人龍長到嚇人，等外賣都等咗45分鐘以上。今次下午1:00過嚟條人龍無咗，亦唔見有等外賣嘅人！究竟點解嘅呢？🧐 難道入選米芝蓮推介會令人氣下降？ 定係我今日好彩撞啱無咩人嘅時段呢？👀呢度最出名就係佢哋嘅坑腩同崩沙腩，多數2點前呢兩樣嘢就已經賣晒！今日都唔例外，1:00已經賣晒坑腩！！知道之後真係晴天霹靂😭 (我內心嘅情緒就好似鄭嘉穎咁：AHHHHHHHHHHHH！) 次次都食唔到！！唯有下次再早啲過嚟食啦😢❤️ 清湯蘿蔔牛腩河 $58湯底有別於平時食到嘅清湯，係偏濃味嘅藥膳湯底，充滿藥材香味，味道接近肉骨茶！店主用咗當歸、淮山、龍眼等藥材去熬製，湯底藥材味無肉骨茶咁濃，甘香鮮甜而唔苦，飲多幾啖都唔覺膩😋 我見好多食客都飲晒啲湯㗎，飲完成身暖晒😆牛腩肉質軟腍唔韌，聽聞要煮到3個鐘先煮到咁腍，口感比崩沙腩實淨！好食度：⭐️⭐️⭐️⭐️ (4/5)❤️ 清湯蘿蔔崩沙腩粗麵 $88崩沙腩肉質較牛腩更軟腍，有筋膜及少少肥膏，肥瘦均稱！比起普通牛腩我個人更喜歡崩沙腩嘅油香，牛味更濃，滋味盡在不言中🤤 好滿足！雖然比牛腩貴$30
呢度最出名就係佢哋嘅坑腩同崩沙腩，多數2點前呢兩樣嘢就已經賣晒！今日都唔例外，1:00已經賣晒坑腩！！知道之後真係晴天霹靂😭 (我內心嘅情緒就好似鄭嘉穎咁：AHHHHHHHHHHHH！) 次次都食唔到！！唯有下次再早啲過嚟食啦😢
❤️ 清湯蘿蔔牛腩河 $58
清湯蘿蔔牛腩河
$58
33 瀏覽
0 讚好
0 留言
湯底有別於平時食到嘅清湯，係偏濃味嘅藥膳湯底，充滿藥材香味，味道接近肉骨茶！店主用咗當歸、淮山、龍眼等藥材去熬製，湯底藥材味無肉骨茶咁濃，甘香鮮甜而唔苦，飲多幾啖都唔覺膩😋 我見好多食客都飲晒啲湯㗎，飲完成身暖晒😆牛腩肉質軟腍唔韌，聽聞要煮到3個鐘先煮到咁腍，口感比崩沙腩實淨！
好食度：⭐️⭐️⭐️⭐️ (4/5)
❤️ 清湯蘿蔔崩沙腩粗麵 $88
清湯蘿蔔崩沙腩粗麵
$88
47 瀏覽
1 讚好
0 留言
崩沙腩肉質較牛腩更軟腍，有筋膜及少少肥膏，肥瘦均稱！比起普通牛腩我個人更喜歡崩沙腩嘅油香，牛味更濃，滋味盡在不言中🤤 好滿足！雖然比牛腩貴$30，但呢$30係值得加💁🏻♀️ 粗麵同幼麵我就比較偏愛粗麵，粗麵較有質感，幼麵梘水味較重😁好食度：⭐️⭐️⭐️⭐️✨ (4.5/5)
❤️ 清湯蘿蔔潮州牛丸 $55
清湯蘿蔔潮州牛丸
$55
45 瀏覽
0 讚好
0 留言
好食度：⭐️⭐️⭐️⭐️ (4/5)
餐廳推薦度：⭐️⭐️⭐️⭐️ (4/5)
食過就知點解會拎到米芝蓮推介😂 真係食過返尋味！今次嘅湯底無第一次食咁濃，今次嘅濃度反而啱啱好👌🏻 如果你係鐘意食真係清湯嘅清湯腩，呢間可能未必啱你啦～
張貼
