八寶清湯腩

第二間去左天后話說東區都算係牛腩麵王國先係天后有兩間米芝蓮級既八寶同華姐係北角又有間出晒名既道生咁今次去既呢間係八寶清湯腩係電氣道近永興街既位置都係前年紅日去食既兩點幾鐘去到無人排係門口等左兩分鐘左右入得八寶清湯腩係一間少有既米芝蓮級黃店所以都幾出名下我當時去都仲係米芝蓮舖頭不過到左24年就無左呢個名號了都有寫話係用新鮮牛抗腩一樣係門口有寫邊part牛賣晒但係五點會有第二批重新恢復供應餐廳四人檯比較多環境望落都算係企理既不過顧客都係支那話既人比較多可能排唔到華姐都會過黎食掛餐牌係成本書咁有教咩部份同個樣係點算係幾有心咁雖然門口話坑腩賣晒但佢都應該有留起部份比牛寶麵用所以我係食得到既而牛寶麵就有齊晒崩沙腩爽腩同坑腩所以亦都係最貴既要過百蚊先食到不過雖然係三拼但都叫做每樣有三件亦都仲有三大件蘿蔔個湯唔清有藥材味唔苦而且甜甜地但未算話特別好飲既河粉就有d碎最可惜牛雖然大塊但真係比較韌成件比較實咬落去仲會痴牙感覺係比較差既都唔好話同傳承去比直頭係好難稱得上好食呢碗麵要123蚊未食牟樂之前應該都算係香港既頂價咁當然係失望啦仲要係米芝蓮加黃店呢個價位性價比同味道都低下服務就正常既唔係粗魯果類粉麵舖但都真係覺得食番傳承就夠或者係可以比多次機會試多次既…查看更多

今次係專程嚟試一試牛腩麵，因為朋友話呢間牛腩麵好特別。同老公一齊嚟試咗一個坑腩麵同埋一個淨牛丸，不過夜晚已經賣晒坑腩同埋崩沙腩，所以就叫咗切腩。牛肉份量都好多而且牛腩切到好厚，份量十足首先，真係要讚一讚個湯底，係有藥材香味。非常好飲，食之前我已經係咁飲湯，跟住再食佢嘅蘿蔔，無論係牛腩麵定係淨牛丸都會附送蘿蔔，我想講個蘿蔔真係唔係一般配菜嘅貨色，係好好味！好腍好甜 。牛肉嘅份量亦都好多，然後牛丸牛味好重，亦都好多汁，我覺得朋友真係冇介紹錯呢一間牛腩麵真係非常出色，下次一定會再嚟食。…查看更多

去維園睇波之前，特登走咗去八寶清湯腩食個快飯，位置方便，出名清湯腩，唔使諗太多就入去坐低叫咗兩碗麵——牛腩麵同豬手麵。佢個清湯真係有水準，雖然叫做「清湯」，但味道唔淡，反而幾濃郁，飲落有牛骨香但唔會太油膩。最欣賞係就算唔係食牛腩，個湯都唔會變成梘水味，豬手麵都一樣夠香，證明佢個湯底真係有功夫。牛腩煮得腍身入味，唔會嚡口，豬手就啱晒鍾意啲啫喱感重啲嘅人，皮同筋都煮得好，夠黏又唔膩。不過當日手癮叫咗加腩汁，反而鹹咗少少，有啲搶味，下次可能唔加會更啱。整體嚟講，八寶清湯腩係一間食得快又有質素嘅老字號，睇波前醫肚一流，湯底真係值得一讚！下次想試埋佢啲其他配料，睇下仲有冇新發現。…查看更多

聽過好鐘意食嘢嘅朋友講過嚟間，不過因為食開華姐，就冇試過嚟間。不過之前喺網上面見到華姐爆左有膠布e 攤野，我朋友就唔係好想再返去，所以想搵一間一樣咁好食嘅試吓。終於嚟八寶試吓佢哋牛腩。一入到去覺得環境都幾乾淨，枱面唔會黐立立。仲有位置比較寬鬆，冇華姐嗰度咁窄。所以我哋嘅第一印象都幾好。 我食咗個坑腩（靠近牛肉嘅隔膜區域，所以係一半肥一半瘦）牛筋河。本身諗住要爽腩㗎，不過好似太肥。幾鍾意佢本Menu，因為有好多圖畫同介紹。個湯突別係在於有藥膳，如果你唔鍾意藥膳e隻味道，噉就唔好嚟呢度啦。我不嬲到鍾意藥膳味，覺得個湯同甜蘿蔔味好夾。肉質好正，嫩滑同連d牛筋都好入味。 份量唔錯但貴過離呢度唔遠嘅華姐大約 $ 10 。其實呢兩間比較，品質方面差唔多。之前我食過另外一間人哋話好食嘅牛腩河，個湯好靚，但係啲牛一啲牛肉味都冇，我諗應該佢係冰鮮牛腩，所以煲完湯就已經冇晒味。八寶同埋華姐一樣牛有牛味，湯又煲得靚。不要過如果唔鍾意藥膳味嘅話咁就梗係華姐會啱你口味多啲，真係好睇個人口味。我自己嘅話就真係比較鍾意八寶，我諗以後都會再返嚟食。另一方面，我覺得最緊要係間舖頭乾淨啲，d檯凳冇咁黐立立同埋冇咁狹窄。查實我最鍾意嘅地方喺大埔群記，師傅退休閂咗門先變咗去華姐。而我諗呢度而家變咗做我嘅最愛，又唔洗排隊。如果佢係九龍就跟好將來一定會再嚟！…查看更多

以往八寶一定係我心中頭幾名的清湯腩，以湯底清甜，有藥材味，牛肉腩肉質細緻深深吸引我。 今日番工經過附近就立即再去食。 本往期待的心飲第一啖湯，比以往小左藥材味。 再食牛，第一下係雪藏味，叫的是崩砂腩但卻是牛腩的質感，除左有脂肪，其他沒大分別。 細問店員之下，店員亦坦白話，急凍包和現食無分別。之前知道八寶出急凍包仲好開心，覺得間唔中可以係屋企過下口隱，但e家萬分失望，估唔到堂食都係食急凍包。 最後決定買多包之後就唔再食了。 唔係唔好食，只不過淪為普通。…查看更多

～八寶清湯腩～ .清湯蘿蔔牛寶河 $118 9/10(坑腩，爽腩，崩沙腩)除左群記清湯腩，八寶清湯腩就係食家們頭3甲最愛清湯腩之一！ 佢最特係係用左自家整嘅藥材湯底，用咗當歸等八種材料熬成嘅藥膳清湯，藥材味重，非常濃郁👍食左一半再落辣椒油，又有另一種感覺👍飲完湯底都唔會口渴👍牛腩方面，坑腩，爽腩，崩沙腩三個部位最愛崩沙腩😍超級淋👍肥瘦岩岩好👍，有根有肉有肥膏，淋得黎又有咬口👍好好味😋爽腩都好味，爽脆煙靭有牛味👍 坑腩牛味就最濃👍仲有不得不提嘅蘿蔔，炆得好林好入味👍值得推介👍😊.😋食物質素：8/10😍打卡指數：6/10👍環境服務：7/10💰性價比：7/10👏🏻回頭率：7.5/10.地址📍八寶清湯腩 (天后)天后電氣道124號榮華大廈地鋪(天后站A2出口，步行約4分鐘)Mon-Sun 11:00-21:00.…查看更多

我在維多利亞公園遊泳池去到這裏吃午餐，大概下午十二點至一點，十分方便。職員服務不錯，十分友善，我和我四個朋友一起吃，他們也安排一張大一些的枱，我們提出分單他們也幫我們安排。食物在我們下單後15分鐘陸續到來，在20分鐘內所有餐碟到齊！湯底很鮮甜，只是麵條有少少硬，蘿蔔十分爽脆，牛肉的香味很重(牛肉喜好者會愛的）。我的朋友只是帶了50元也可以享受到一碗麵，價錢十分合理，值得嘗試！建議堂食，熱辣辣先好食！…查看更多

呢間好多明星都去過幫襯，亦係朋友介紹嘅餐廳~香港有好多間清湯腩，而呢間嘅特別之處就係佢嘅湯底啦😋呢間餐廳menu又介紹咗牛腩唔同嘅部位有唔同嘅口感，小熊貓好豪爽咁叫咗最貴嘅崩沙腩麵～ 餐廳形容崩沙腩係肥瘦適中，有爽脆嘅筋位，亦有軟腍腍嘅腩肉～ 食落崩沙腩，我就覺得還好啦，但係佢嘅湯底就真係成個面嘅靈魂所在！湯底特別係因為有藥材成份，飲落有當歸味道，唔係濃烈難入口嗰種，而係感覺好補同滋潤咁樣～所以忍唔住飲晒成個湯😛…查看更多

最近晚市路過就諗住試吓第一次試，本身頗高期望，就叫咗碗$93（連盒$95）崩沙腩麵外賣當時堂食好多人，但係冇乜人叫外賣，得我一個買等咗10分鐘左右就拎到買完返去一打開，放咗個麵入去個湯之後份量咁少嘅？點知再撈下底，大佬唔係呀化變咗魚皮餃麵？😨即刻沖返落去同佢講比錯要換過另一碗，個阿姐仲要好唔情願咁樣😓 過咗唔夠2分鐘已經煮好塞返俾我喂大佬，滿心歡喜諗住試吓你嘅招牌菜，當時亦都冇乜人等緊外賣，$93崩沙腩麵同$48魚皮餃麵差咁遠都會搞得錯？？定係當我生客+外賣搏我唔會返轉頭同你換？ 崩沙腩亦只係一般水平，極度失望，下次一定唔會再嚟。…查看更多

因為藥膳湯底 加上都鍾意食崩沙腩 又勁多廣告宣傳 所以貴都想嚟試下但係無想像中咁好食藥膳湯底聞落好有藥膳味但係食落係得10%藥膳 其餘普通湯底食完勁口渴崩沙腩清湯嚿肉係幾大嚿嘅唔會話勁鞋 但係又未到好淋不過我都係鍾意細細嚿食蘿蔔大嚿都好甜無乜渣牛腩清湯呢個反而麻麻地牛腩唔夠淋 同埋無乜味 只係知道自己食緊嚿肉囉朋友話嚿蘿蔔有啲渣可以試一次嘅 不過我都係食返平價就夠發現其實屋企樓下間麵舖都幾好食🤣…查看更多

幼麵麵質爽口，食落清爽，無鹼水味。崩沙腩夠軟腍，肥瘦適中。坑腩肉味濃郁，無膩感。多种草藥熬制的上汤底，帶牛骨湯的香甜，最終一滴都無淨。店家和衆服務員都很親和！我一定會再訪，現在這樣的食店不多了。…查看更多

小弟見識少，呢間係我人生暫時食過最好食嘅清湯腩麵。平日七點幾去到唔洗排隊直入，啲枱唔算好迫，都坐得幾舒服。坐低嗌左個清湯蘿蔔牛腩麵$63，另外仲有崩沙腩，坑腩等唔同腩位選擇。同朋友吹左幾句水，等左兩，三分鐘就有野食。先講湯底，本身唔知佢係藥饍湯底，一入口好清甜，帶少少當歸味，驚喜地好飲。牛腩煮到好淋好軟同時又唔會散，而且有好多片唔孤寒，不過同行友人話略嫌無牛味。蘿蔔無渣又入味。成碗麵份量足夠，正常成年人唔會唔夠食。不過侍應哥哥態度有少少差，餐牌餐具就咁放（掉）落枱面唔講嘢就走左去，我覺得可以溫柔少少。今時今日香港$63食碗麵已經唔算好貴，唔洗餐餐洗幾百幾千蚊食好嘢，簡簡單單一餐呢個價錢食到呢個質素真係已經好滿足。…查看更多

好重藥材味嘅「清湯」腩我知好多人鍾意食呢間但我自己自己就一般純粹我自己個人唔太好呢種藥材味🙂‍↔️我心目中既清湯就是好清既湯 而不是呢種藥膳濃湯-而且個腩亦不是特別出色我自己鍾意天后另一間多d🙂‍↕️可能因為我暴曬情況下排咗陣隊先入到去🥵我期望高左啦-另外 檸檬茶要$16🙂‍↕️如果唔係因為排完隊太熱我應該都唔會加錢叫但朋友話呢間檸檬茶是高質的我自己就唔識分了-同埋佢1點前都超多人 要拎籌排隊的🙂‍↕️我地入左去後 大概2點就終於開始少人了…查看更多

八寶清湯腩嘅招牌當然係佢既清湯蘿蔔崩沙腩麵，我專登揀一款普通腩試吓佢定嘅分別。清湯蘿蔔牛腩麵：湯清味美，蘿蔔爽脆，牛腩燉得腍腍入味，滿足食客對濃郁湯底嘅渴望。清湯蘿蔔崩沙腩麵：湯清味鮮，腩肉腍腍軟嫩，蘿蔔煮得入味，整體搭配和諧，令人回味無窮，好明顯同普通嘅牛腩有分別。八寶清湯腩以清淡鮮美嘅湯底同細緻烹調聞名。不過有啲食客可能會覺得湯底味道稍嫌清淡，但我正正就鐘意佢呢個味。下次一定會返嚟再食，掂呀。…查看更多

朋友推介，當然要試吓啦一入舖頭就聞到陣陣嘅藥膳味，一問之下，原來呢度係用藥膳做湯底嘅，有趣！我最鍾意食崩沙腩，朋友就點了牛三寶， $93一碗嘅價錢令我好期待賣相係靚嘅，試一啖湯先，清甜嘅藥膳味，我就略嫌太甜啦，再食一口牛，Hmm… 竟然係鞋嘅，飲一啖湯之後，再食一口牛，發現冇乜牛味，或者藥膳味已經蓋過本身嘅牛味，如果抱住食牛腩嘅心態過嚟就會有啲失望整體OK啦，冇想像中咁勁蘿蔔有少少渣，正常，牛肚好味，牛筋就太腍啦，老人家啱晒藥膳湯配牛腩呢個組合係幾得意嘅，未試過都可以試吓#牛腩麵 #崩沙腩…查看更多