山喬居酒屋

營業中

休息中

跑馬地聽落好似好隔涉 其實要過嚟都好方便🚃之前朋友介紹過呢間山喬居酒屋 我就特登揾一晚同厚切過嚟食個晚餐 又係我至愛嘅日本野啊😛餐廳裝修以木系為主 簡潔得嚟有格調 仲有種溫馨嘅感覺🏮ꕥ 左口魚薄切肉質柔軟細膩 咬落又爽又甜🐟配搭嘅醬汁帶點微酸 令鮮味更突出 可以夾埋蔥同蘿蔔蓉一齊食 會更加有層次ꕥ 銀鱈魚西京燒我至愛嘅銀鱈魚😍魚油充足 肉質嫩滑 魚皮燒到脆脆地 一流ꕥ 串燒叫咗幾款🍡厚燒牛舌大推 厚身得嚟好軟稔 經過鹽燒 味道都好突出🐂荔枝豚肉串呢個配搭好新鮮 荔枝可以減去豚肉嘅膩感 幾清新🐷鹽燒雞翼幾大隻 外脆內嫩夠juicy🐔而燒菠蘿賣相都好靚 面頭加咗焦糖一齊燒 食落清甜 啱晒食完飯之後當甜品🍍ꕥ 牛肉湯烏冬好大碗啊🍜鐘意上枱時牛肉仲係半生熟狀態 所以入口時都仲係好軟嫩