維港灣餃子坊 (已結業)

🔸招牌四拼湯餃四拼包括大白菜、韭菜、香芹、芫茜。大白菜好鮮甜，而且水餃幾多肉汁💦係當中最好味嘅水餃😳香芹同芫茜香味濃郁，韭菜比較淡就顯得有啲遜色啦🥲🔸鹹蛋黃芥菜鮮肉湯餃呢款水餃都係餐廳嘅得意之作👍🏻芥菜鹹蛋湯就聽得多，但將佢哋變成餃子嘅餡料就第一次見啦😳八隻水餃隻隻都唔同味😂有啲芥菜味濃郁啲，有啲就鹹蛋黃味重啲。我覺得如果芥菜味重過鹹蛋黃就perfect啦，因為鹹蛋黃味太勁就蓋過咗芥菜嘅香味啦🥲可惜成碗水餃得兩三隻係芥菜味濃郁啲🥲由最好味嘅湯餃開始排嘅話：大白菜➡️芫茜➡️芹菜➡️鹹蛋黃芥菜➡️韭菜🔸椒鹽豆腐上枱嗰時熱辣辣！小心唔好辣親嘴🥵豆腐好嫩滑，好似百福豆腐咁😂配上椒鹽同炸蒜，味道唔錯。餐牌上面有餃子湯麵、湯餃、煎餃同小食可以選擇，湯餃同煎餃都會配一碗無添加味精嘅靚湯，今日係粉葛豬骨湯，飲完唔會覺得口渴呀。