花月宮

營業中

休息中

剛同謙謙遊完泰國返來， 由短袖變長袖的天氣即時想打邊爐暖一暖身， 就來到花月宮。之前曾經食過呢到特色的4格火鍋，今次同謙謙簡單一點食個蕃茄濃湯海鮮鍋， 送來時已經見到滿滿的蕃茄， 滾起時我即睇下有咩海鮮材料啦！ 估唔到又幾正喎，有蝦有蟶子有墨魚仔，仲有大件的薯仔😍，湯底酸甜開胃。🔯 美國頂級手切封門柳 ～ 一大盤質素幾好， 輕燙幾下肉質鬆軟，牛肉味極為濃郁。🔯 新鮮豬頸肉 ～ 擺盤一流成朵花咁， 新鮮的豬頸肉肥瘦均勻，肌肉有光澤食落爽口。🔯 流沙黃金蝦丸(4粒) ～ 一眼已見用左好多蝦，咬落去中間有咸蛋黃，呢個超彈牙好正。🔯 自家製脆炸響鈴 ～ 炸起要即食先係最好，佢附加一個甜酸汁可以沾來食，謙謙就咁都食左兩條， 我就一條沾汁食， 一條沾湯，各有風味。🔯 鮮腐竹 ～ 不嬲都鍾意鮮腐竹，掛滿蕃茄湯好夾。🔯 皇帝菜 ～ 新鮮皇帝菜夠清甜。🔯 出前一丁 ～ 謙謙話要煮蕃茄牛肉麵作結尾先滿足。🧃 津路烏龍茶 ～ 解油膩必點。