影片
電話號碼
66559868
開飯介紹
主打海鮮刺身及火鍋的專門店，供應多款特色手工丸類、高質肉類作火鍋配料。餐廳裝潢走中式路線，氣派又典雅，而獨立房間適合和家人聚餐或招待商務客戶。
繼續閱讀
營業時間
今日營業
11:00 - 15:00
17:30 - 00:00
星期一至日
11:00 - 15:00
17:30 - 00:00
*最後落單時間: 22:00
以上資料只供參考, 請與餐廳確認詳情
有關獎賞計劃
好似好耐冇出街打邊爐，見今日天氣突然間又轉返凍，最適合就係打個邊爐暖下身。好耐之前嚟過呢度食印象中幾好食，嗰度嘅環境真係幾舒服，夠晒大，仲好多卡位添。我哋今晚叫咗鴛鴦湯底，一邊係沙嗲湯底。個沙嗲一上嚟就已經超級香，入面仲要包咗啲鴨血，好夠味，連豉油都唔使點。另一個湯底係桃膠椰子雞湯，呢個湯底都好足料。係開始打邊爐之前仲特登試咗佢啖湯，又真係好甜，而且好香椰奶味。因為鴛鴦鍋嘅關係，佢只係跟咗個例牌份量嘅雞。嗰啲雞煮完之後仲好滑添，呢個湯底係幾值得嗌嘅。然後我哋叫咗個封門柳，上到嚟個顏色唔係好靚，比較深色。不過原來佢係成晚嘅MVP，因為好香牛味，而且仲好腍添。另外嗌咗個鴛鴦蚌，但係佢就唔係太新鮮，所以味道好一般。之後我哋叫咗個餃子拼盤，但係佢今晚冇晒辣子雞餃子，就俾咗兩款重複嘅鳳城餃子，賣相一般。但係每一粒咬開都係有好大隻蝦，而且啖啖肉好彈牙，真係搞不可以貌相。另外佢哋嘅黑松露餃子就冇蝦嘅，但係黑松露味就好香，可以一試。飲品方面，我哋兩個人叫咗一支竹蔗茅根，都分到每人兩至三杯，甜度啱啱好，感覺上又可以清熱氣。兩個人食咗千零蚊，打邊爐嘅話算係咁啦，不過兩個女仔嚟講都夠飽嘅。
繼續閱讀
地方環境十分大, 對於火鍋黎講係必需的, 因為火鍋菜式比較多, 需要的位置也多. 大大張台食野體驗都會開心d.醬料方面除左正常的醬油蔥花, 還有沙爹醬, 有好多餐廳沒有.湯底為沙爹湯, 只係個人喜好, 味道偏濃偏香. 花生味有小小重.手切頂級安格斯牛小扒 ($298)黎得火鍋牛一定要叫最頂級. 都無令我地失望既.牛肉本身厚身小小, 所以食落口感十分咬口及彈牙.牛肉味本身很濃不需要配牆料都可以. 肥度適中, 所以有小小油花味, 但又唔會太過容易食厭.黑松露餃子+蛋餃子呢到餃子都係特色之一, 主要入面料夠多, 夠大隻,飽肚感十足. 味道方面蛋餃就比較香小小入面肉就彈牙加埋我地湯汁都唔錯.黑松露方面, 松露香比較重, 加左小小野菌再進一步整香小小. 因為有野菌係入面相對肉會少d, 但口感會彈牙d.千竹輪入面有芝士流出黎, 打邊燼黎講幾好食. 要注意既係入面流出黎芝士剛整熟時十分熱.小心受傷就可以了.整體體驗十分好, 價錢合理, 環境好. 職員都熱情!
繼續閱讀
係朋友口中得知花月宮除左食點心，晚市仲有打邊爐，而且有好多特式湯底，我同豬先生冇湯水人仕最愛周圍飲湯。餐廳在2/F一入門口，窗邊見到不少猫猫陶瓷偶, 很可愛。坐底已經會擺上9宮格既調味盤，自己調味，最推介佢個沙茶醬，超惹味~🔸黑松露野菌鍋成個銅煲上枱超有氣派，目測起碼有6-7款菌類係湯，有杏包菇、秀珍菇、鮮冬菇、白花菇、黑木耳、靈芝菇片等，而黑松露真係帶起哂成個湯頭既香味~🔸珊瑚蚌質感爽脆彈牙，嚼勁十足！不含膽固醇、脂肪、滋陰補腎、營養價值高。🔸美國頂級手切封門柳每隻牛只有一條，肉味濃又有甜味，輕輕燙下好嫩口🔸滑雞片雞肉又薄又嫩，廚師好刀工。 既能縮短燙熟時間，又維持到口感。🔸流沙黃金蝦丸（4粒) 蝦丸鮮味彈牙，新鮮即製，係蝦丸的中間包左一小粒咸蛋王，新穎有創意。🔸野菌黑松露餃餃子真材實料，粒粒都漲卜卜，肉既比例比例高，但係黑松露既香氣好足。🔸田園拼盤有多款唔同得蔬菜，擺盤靚仔。有唐萵、超甜玉米、紅毛生菜、油麥菜、羽衣甘藍、唐生茶、蕃茄仔。全部都處理洗好，乾淨新鮮爽脆～總體而言，打邊爐，食材新鮮，而且湯底好好味，下次會再來試下其他湯底，例如魚頭湯底，冬蔭公湯底等
繼續閱讀
入冬最佳節目當然係打邊爐啦 🤣🤣 每個冬天都要肥幾磅😅😅今日同中學同學敘舊鍾意慢慢坐 唔限時book咗花月宮地方較大 服務好木系宮廷設計 感覺高雅打邊爐為主，還有小菜呢lunch仲可以有茶飲，幾多元化🥰花月宮特色鮑魚雞鍋～～份量超級多 四隻鮑魚兩個人食 確實有點大份量😝😝非常有驚喜，食得出食材高質雞肉嫩滑，有雞味！雞骨還是脆的，非常惹味簡單加上洋蔥芫荽 已經香噴噴，醬汁不多更加突出食材嘅鮮味用上鮮鮑魚，火候控制得剛剛好，爽彈鮮甜，食材新鮮真係加曬分😬配上白飯超級滿足😋門口已經見到佢哋自家魚缸，竟然有最愛嘅鮮甜日本北寄貝/隻 $68一上枱 絕對對得住價錢，手掌般大小日本空運非常厚身鮮甜至極😍😍日本北海道花豚豬腩 $148非常有肉香，入口已經食得出與眾不同🥳雜菌拼盤乜都有簡單直接 吸晒湯底嘅鮮味雞煲份量實在太多🤣🤣 建議三四個人先好叫7:30離座仲有七八折添，星期日食個early dinner 😬
繼續閱讀
作為一名係屯門住了超過20年的吃貨都曾經為了尋找好吃的餐廳來到田景，但今次唔再係買外賣回家一個人獨自享受了曾誤打誤撞在Covid期間經過一次花月宮的大門，心想在一個這般隱蔽的小商場上也有一間裝修得如此精緻的火鍋店。而且價錢都可比得上市區的價格，到底是真的值得嗎？今次終於有機會興家人前來一探究竟，一入店內已感覺到十分寬敞，設有大量中式擺設，設計也十分明亮大方。卡位可坐4人也綽綽有餘，而今次只有兩人的我當然覺得十分舒適。醬料選擇都比較多，承惠 $18 一位。而且沒有茶水，一定要另叫飲品。四川麻辣鍋 $128點了 小辣。中麻平是係一位大辣妹的我覺得可以由中辣開始，因為小辣煮到最後都唔會變辣 但都好香....湯底值得點讚係本身已有不少鴨血和冰豆腐,,,冰豆腐十分吸湯 而鴨血十分嫩滑。流沙黃金蝦丸(4粒) $68第一道一定要介紹全晚最好食的流沙黃金蝦丸好後悔無點到一份 8粒。肉眼可見每一粒都帶有最少一隻完整的鮮蝦，平時食手打蝦丸都未必會有咁 大隻蝦肉內餡包了一小粒鹹蛋黃，先要講一下口感彈牙到真係好爽脆，而且好有鮮味，完全感覺唔到加了麵粉和肥豬肉鹹鮮的碗搭一流，值得encore。台山蠔 $138和蝦丸一樣出色的仲有台山蠔，隻隻都大大隻，超肥美。睇落都係有心洗過 唔會太多黑邊。可見煮完都完全無縮水，重點 真係好鮮甜 好乾淨，一D異味都無 而且無食到有沙愛蠔人士必衝，一人食哂一份都唔會膩白鱔片 $88好少火鍋店會有白鱔片做火鍋料，而且可見刀功都好好除了有少少細骨之外都片得好薄，所以好快就會熟 。食落口感都好有層次，魚肉帶有少少爽，魚皮卻帶有少少軟糯。澳洲羊肉卷 $128偏瘦 ，無騷味。鵝腸 $108份量十分足夠。
繼續閱讀
您可能會有興趣的...