花月宮

營業中

休息中

好似好耐冇出街打邊爐，見今日天氣突然間又轉返凍，最適合就係打個邊爐暖下身。好耐之前嚟過呢度食印象中幾好食，嗰度嘅環境真係幾舒服，夠晒大，仲好多卡位添。我哋今晚叫咗鴛鴦湯底，一邊係沙嗲湯底。個沙嗲一上嚟就已經超級香，入面仲要包咗啲鴨血，好夠味，連豉油都唔使點。另一個湯底係桃膠椰子雞湯，呢個湯底都好足料。係開始打邊爐之前仲特登試咗佢啖湯，又真係好甜，而且好香椰奶味。因為鴛鴦鍋嘅關係，佢只係跟咗個例牌份量嘅雞。嗰啲雞煮完之後仲好滑添，呢個湯底係幾值得嗌嘅。然後我哋叫咗個封門柳，上到嚟個顏色唔係好靚，比較深色。不過原來佢係成晚嘅MVP，因為好香牛味，而且仲好腍添。另外嗌咗個鴛鴦蚌，但係佢就唔係太新鮮，所以味道好一般。之後我哋叫咗個餃子拼盤，但係佢今晚冇晒辣子雞餃子，就俾咗兩款重複嘅鳳城餃子，賣相一般。但係每一粒咬開都係有好大隻蝦，而且啖啖肉好彈牙，真係搞不可以貌相。另外佢哋嘅黑松露餃子就冇蝦嘅，但係黑松露味就好香，可以一試。飲品方面，我哋兩個人叫咗一支竹蔗茅根，都分到每人兩至三杯，甜度啱啱好，感覺上又可以清熱氣。兩個人食咗千零蚊，打邊爐嘅話算係咁啦，不過兩個女仔嚟講都夠飽嘅。

地方環境十分大, 對於火鍋黎講係必需的, 因為火鍋菜式比較多, 需要的位置也多. 大大張台食野體驗都會開心d.醬料方面除左正常的醬油蔥花, 還有沙爹醬, 有好多餐廳沒有.湯底為沙爹湯, 只係個人喜好, 味道偏濃偏香. 花生味有小小重.手切頂級安格斯牛小扒 ($298)黎得火鍋牛一定要叫最頂級. 都無令我地失望既.牛肉本身厚身小小, 所以食落口感十分咬口及彈牙.牛肉味本身很濃不需要配牆料都可以. 肥度適中, 所以有小小油花味, 但又唔會太過容易食厭.黑松露餃子+蛋餃子呢到餃子都係特色之一, 主要入面料夠多, 夠大隻,飽肚感十足. 味道方面蛋餃就比較香小小入面肉就彈牙加埋我地湯汁都唔錯.黑松露方面, 松露香比較重, 加左小小野菌再進一步整香小小. 因為有野菌係入面相對肉會少d, 但口感會彈牙d.千竹輪入面有芝士流出黎, 打邊燼黎講幾好食. 要注意既係入面流出黎芝士剛整熟時十分熱.小心受傷就可以了.整體體驗十分好, 價錢合理, 環境好. 職員都熱情!

係朋友口中得知花月宮除左食點心，晚市仲有打邊爐，而且有好多特式湯底，我同豬先生冇湯水人仕最愛周圍飲湯。餐廳在2/F一入門口，窗邊見到不少猫猫陶瓷偶, 很可愛。坐底已經會擺上9宮格既調味盤，自己調味，最推介佢個沙茶醬，超惹味~🔸黑松露野菌鍋成個銅煲上枱超有氣派，目測起碼有6-7款菌類係湯，有杏包菇、秀珍菇、鮮冬菇、白花菇、黑木耳、靈芝菇片等，而黑松露真係帶起哂成個湯頭既香味~🔸珊瑚蚌質感爽脆彈牙，嚼勁十足！不含膽固醇、脂肪、滋陰補腎、營養價值高。🔸美國頂級手切封門柳每隻牛只有一條，肉味濃又有甜味，輕輕燙下好嫩口🔸滑雞片雞肉又薄又嫩，廚師好刀工。 既能縮短燙熟時間，又維持到口感。🔸流沙黃金蝦丸（4粒) 蝦丸鮮味彈牙，新鮮即製，係蝦丸的中間包左一小粒咸蛋王，新穎有創意。🔸野菌黑松露餃餃子真材實料，粒粒都漲卜卜，肉既比例比例高，但係黑松露既香氣好足。🔸田園拼盤有多款唔同得蔬菜，擺盤靚仔。有唐萵、超甜玉米、紅毛生菜、油麥菜、羽衣甘藍、唐生茶、蕃茄仔。全部都處理洗好，乾淨新鮮爽脆～總體而言，打邊爐，食材新鮮，而且湯底好好味，下次會再來試下其他湯底，例如魚頭湯底，冬蔭公湯底等

入冬最佳節目當然係打邊爐啦 🤣🤣 每個冬天都要肥幾磅😅😅今日同中學同學敘舊鍾意慢慢坐 唔限時book咗花月宮地方較大 服務好木系宮廷設計 感覺高雅打邊爐為主，還有小菜呢lunch仲可以有茶飲，幾多元化🥰花月宮特色鮑魚雞鍋～～份量超級多 四隻鮑魚兩個人食 確實有點大份量😝😝非常有驚喜，食得出食材高質雞肉嫩滑，有雞味！雞骨還是脆的，非常惹味簡單加上洋蔥芫荽 已經香噴噴，醬汁不多更加突出食材嘅鮮味用上鮮鮑魚，火候控制得剛剛好，爽彈鮮甜，食材新鮮真係加曬分😬配上白飯超級滿足😋門口已經見到佢哋自家魚缸，竟然有最愛嘅鮮甜日本北寄貝/隻 $68一上枱 絕對對得住價錢，手掌般大小日本空運非常厚身鮮甜至極😍😍日本北海道花豚豬腩 $148非常有肉香，入口已經食得出與眾不同🥳雜菌拼盤乜都有簡單直接 吸晒湯底嘅鮮味雞煲份量實在太多🤣🤣 建議三四個人先好叫7:30離座仲有七八折添，星期日食個early dinner 😬

屯門呢間打邊爐開係呢個新商場入面，裝修同門面都好新淨，最近佢轉左係任食打邊爐，見佢價錢都唔貴幾多野食就黎試下！晚市時間$328/1位，頭盤會有時令刺身拼盤一客，自選湯底都有好多款，當天揀選咗番茄拼椰子雞，湯底的配料都好足煮到後面個湯非常濃郁時令環球海鮮拼盤美國頂級牛板腱美國黑豚豬梅肉響玲手打墨魚滑、蝦滑、梅菜豬肉丸食完第一輪既食物其實都好飽，但職員會比個QR CODE你落第二輪既食物，自選款式都好多，基本上打邊爐既材料都齊全！

朋友屋企樓下火鍋店有放題，應該係岩岩開始做放題，我哋即約。一坐低送左碟拍青瓜同炸雞軟骨比我哋～味道好ok，開胃🤤揀左個特色沙嗲鍋，重口味人士必叫。湯底本身已經有好多滑溜鴨血，滾到最後都仲係滑嘅，超級入味。凍豆腐吸飽沙嗲湯都好好食。除左刺身同海鮮拼盤係限一碟，其他火鍋食材都係任食～👀下有咩食：精選刺身拼盤（估唔到質素好高，每樣都鮮甜，帶子好厚切😋）時令海鮮拼盤（鮑魚同大蝦👍🏻）美國頂級牛板腱美國黑豚豬梅肉（超推～大塊又有肉味，個人中意豬多過牛）薄切牛舌心手工丸餃拼盤自家製脆炸響鈴田園拼盤

難得經開屯門，就去返之前去過幾好食嘅火鍋店，發現佢哋轉咗做任食，價錢同質素都唔錯。晚市任食套餐 $328前菜小食涼拌青瓜+炸雞軟骨青瓜酸酸哋辣辣哋咁食落十分開胃，炸雞軟骨就好香脆。精選時令刺身拼盤有帆立貝、甜蝦、北寄貝、赤貝等等十分之豐富，新鮮度十足，最好味就係帆立貝，夠晒大粒肥美。湯底揀咗番茄濃湯湯底時令環球海鮮拼盤有各種貝類、大蝦同大大隻鮑魚，食材非常新鮮，最正係原隻鮑魚，口感煙韌彈牙，大蝦亦都唔錯。美國頂級牛板腱雪花分佈均勻而且夠晒大塊，夠鍋滾一滾就可以食得，本身肉味都幾足夠，唔晒點醬油都已經好好味。美國黑豚豬梅肉另一款肉係同樣大大塊嘅黑豚肉，估唔到拎嚟打邊爐都好適合，湯底同黑豚肉非常之夾，好入味。其餘仲有3色丸、3款餃子、響鈴及娃娃菜，新鮮程度有返咁上下水準，當中豬肉丸同墨魚丸最正，彈牙有口感好唔錯👍🏻。各類汽水或指定啤酒任飲呢間任食套餐仲包埋指定啤酒任飲，同一班朋友嚟咗啱晒。花月宮 (屯門)屯門良德街8號珀御1樓101號舖

屯門田景 一個環節清幽既地區花月宮火鍋店裝修很用心，設計燈飾擺設都用盡心思，座位非常寬敞坐得十分舒適，光線充足，乾淨整潔，侍應們照呼有禮貌，服務一流，高級餐廳感覺！先看看飲任飲品櫃，多款選擇啤酒 汽水 茶一應俱全這三款日本果汁汽水，絕對超值，平時二三十元一枝！另一樣絕對值得一讚飲品，自家製涼茶，羅漢果五花茶足料味夠 不會似糖水，甜度剛剛好！晚時任食任飲套餐十分多元化 多款選擇先上了刺身 併盤（只有一次）另有兩款小食供應 可再點 鮑汁雞腳，即炸雞軟骨 送酒一流小食選了麻辣乾鍋雞煲 ，味道濃香，值得一讚雞夠嫩滑！雞煲後即進入火牛鍋環節，先送環球海鮮併盤，多款配了 正常發揮 跟手送上 頂級牛板腱 黑豚豬腩片 兩樣都新鮮好食 有牛味 豬夠嫩滑幾款不同手打丸 都是自家製 新鮮足料 爽滑，餃子 雲吞都有三款選擇兩個人 食到呢度都差不飽了 只點了 醉雞 同雞煲一樣 十分嫩滑新鮮 絕對要試！整餐完 整體十分滿意 c/p值很高無論環境，質數應該都是同區首選，時間充裕可慢慢傾計飲野

其實好少嚟屯門呢一邊，不過今日行完山體力透支，決定食返餐好嘅，發現呢度新商場，有間任食火鍋嘅餐廳，晚餐時段$328，仲要包埋刺身（雖然冇得再order）同埋海鮮時令拼盤。一開始上過海鮮拼盤嘅時候都已經眼前一亮，有鮑魚、蝦同大蜆。打卡影相真係一流。蜆都喺隻隻肥嘟嘟，真喺好好味。叫咗個花膠雞湯底，再有半隻醉雞，一嚟到落咗先，煲好湯底慢慢打邊爐。另外，最值得一讚嘅喺個雞軟骨同個醬，超級脆口同埋送啤酒一流，講起啤酒，喱到喺啤酒任飲，仲有黑啤都喺。想飲生啤放題都好似喺$48。任食menu 包括黑豚豬梅肉、豬頸肉、牛舌心、牛板腱，丸類有：墨魚丸、鮮蝦丸、豬肉丸。雲吞餃子都有好幾款，仲有好多蔬菜任你揀。

咁岩黎開屯門探朋友仔，就諗住係附近食埋夜晚先返去。見到有個新商場，門面幾靚。門口有個牌，花月宮，七點半前288,又有刺身拼盤，又有雞煲，又有海鮮拼盤，又有啤酒汽水任飲，又係任食，wow😱😱見抵到咁誇張就去打邊爐試下。一開頭黎咗個刺身拼盤，勁多野食，有兩種蝦，有赤貝，北寄貝，帆立貝，重有我最鐘意既芥末魷魚。個芥末魷魚記得係Donki買少少都已經三四十蚊。估唔到呢度有，開心😆跟住我哋揀咗花膠雞煲。d雞係用花雕浸住出黎一碗生既俾你自己煮。可以自己控制返慢慢煮幾好，煮五分鐘啱啱熟即時攞返出黎食，d雞勁滑，同埋有d中藥材個d入咗味。好正👍個海鮮拼盤超大份，每人有一隻鮑魚，兩隻蝦，幾種貝殼。多到。。。。跟住重有d生丸，餃子，牛肉，豬肉。。剩係食呢度d野都飽哂🤣完全試唔到佢任食d野🤣🤣🤣間餐廳又新裝修坐得舒服，出面重有個露天位，坐出面chill又得，入面嘆冷氣又得。黎開呢度既話都會想再食，性價比極高！👍👍👍

✨ 屯門少數高CP值火鍋放題，合理價錢x中上食材x海鮮有驚喜~ ✨好耐無打邊爐又唔想出市區，於是上網搵下屯門有無高質火鍋，搵到依間坐落喺輕鐵站旁交通十分方便，主打宮廷風嘅放題火鍋店，上到去環境非常闊落，最重要係用餐空間夠大，唔會好似旺角果啲咁食得好逼夾唔舒服。睇左menu後就揀左椰子雞火鍋，一開頭會送一個刺身拼盤，雖然無得追加，但份量兩個人食黎講已非常足夠，分別有帶子、赤貝、北寄貝、刺身蝦，帶子尤其出色，係珍寶size。跟住到海鮮拼盤，例牌嘅都係有野生鮑魚、白蜆、花甲、生蠔同埋蝦，依個驚喜在所有食材都非常新鮮，食落爽口彈牙，配搭椰子雞煲嘅鮮甜湯底更加係恰到好處。然後到主角椰子雞，食落嫩滑唔柴口，只需簡單淥熟，豉油都唔需要點，雞肉味+椰子清甜味已十分突出，值得一讚。至於其他食材，美國頂級牛板腱+美國黑豚豬屬中上水平，口感嫩滑有肉味，雪花比例適中～🔹🔹🔹🔹🔹🔹🔹🔹🔹🔹#花月宮 (屯門)屯門良德街8號珀御1樓101號舖🔸🔸🔸🔸🔸🔸🔸🔸🔸🔸#屯門好食 #屯門食好西

好耐無打邊爐，就約埋老公試下新嘢。入到去，環境舒適及寬敞，唔會好似一般食肆咁擠迫，感覺喜出望外。坐低之後，隨即有職員捧上一盤調味料，調較自己喜歡的醬料。我同老公揀椰子雞湯底，味道好鮮甜。刺身拼盤，用料新鮮，帶子超大隻。海鮮拼盤包含4款海鮮，鮑魚肥大肉厚。我同老公都係‘牛魔王’，美國牛板腱，肉味濃厚，食完一碟又一碟。打邊爐我好少食豬肉，怕‘鞋口’。但花月宮提供嘅黑豚豬梅肉，層次分明，肉質鬆化。至於飲品，我哋揀左羅漢果菊花茶，同打邊爐最夾。三百幾蚊，有呢個質素，性價比高。👍🏻

作為一個香港人，真係勸大家留港消費，支持番本地既餐廳。經朋友介紹，屯門建生邨附近開咗一間好闊落既火鍋店，唔係坐到背對背咁辛苦既酒樓，一於去會一會佢當日5:10已經去到火鍋店門口，原來5:30先開口，可能係我太心急了到了5:20有職員開門了，比我地先入座，咁就唔使係門口呆等啦。為咗唔使諗叫咩，於是就叫套餐，每樣都有d，啱晒我喱d眼闊肚窄既港女套餐由5:30-7:30，$288另加一，除咗刺身頭盤唔可以加單之外，其他食品可以另外加單，包你食到飽如果想自選時段，就$328另加一，兩個小時。枱的空間感相當大，未試過兩人枱都咁闊落。除咗飲品要自己出去攞之外，其他全程有職員招呼。醬料都係由職員放上枱自選，唔使出去同其他人迫。先揀火鍋湯底，可以揀鴛鴦鍋，揀咗沙爹同埋椰子雞鍋，淨係個湯底都好足夠，椰子雞湯底有一大碟雞、桃膠及紅棗等材料，沙爹鍋有鴨血之後再上頭盤，好新鮮既刺身，真係比日式放題更加出式，可惜唔可以加單跟住上咗兩款前菜，酥炸魷魚酥同埋花雕雞腳，魷魚酥攞上枱已經係陣陣香味，食落口係香脆而不油膩，真係食下一條，食下又一條而花雕雞腳就充滿花雕味道，雞腳有咬口。再嚟上主菜，海鮮拼盤、美國黑豚豬肉、美

好多朋友都知我雖然住喺屯門2x年👭🏻但甚少係屯門搵食😋但花月宮已經係第2次encore了😝誤打誤撞到店先發現‘屯門店’做緊任食套餐🤤🤤🤤🤤真係好好彩用任食嘅價錢食到單點嘅質素🥰🥰🥰環境闊落真係香港地好難得一見的👍🏻👍🏻2人座都唔會迫到無位放野食🙌🏻一坐底當然要去飲品櫃睇睇先啦😻除咗一般汽水飲品🥤啤酒任飲都未算誇張🍻竟然有日本梳打飲品出現😱問咗職員竟然發現真係可以任飲🤩🤩🤩三款日式果汁梳打..分別有柑橘🍊水蜜桃🍑蜜瓜🍈本人同同行友人一致覺得柑橘味最佳🙌🏻飲落有少少似鹹柑桔😝而且係好淡好天然嘅味道..😋水蜜桃入口都唔會過甜👍🏻但係蜜瓜口味相對就比較似糖水😵‍💫係一般任食火鍋店店點會出現呢類型嘅飲品😆建議如果人多嘅話都可以試晒三款口味☺️入座幾分鐘後..第一款送上的竟然係小食🤤熱食係炸魷魚鬚🦑估唔到喺火鍋店食到咁好食嘅魷魚鬚😱新鮮炸起熱辣辣·食落好似薯片超級香脆..而且上面嘅炸蒜超級惹味😋避風塘style🫶🏻凍嘅小食係雞腳..口感超級彈牙😝而最重要嘅係呢兩款小食都可以追加😻如果唔係怕熱氣..見到隔籬枱嘅小食係炸雞軟骨🐣我都好想加多一份🙊然後就係超大盤刺身拼盤🦐唔太好魚生嘅我🧏🏻‍♀️呢幾款款刺身

一次比一次差，上年年底已經好差，過年後和朋友再去，諗住畀多一次機會佢，點知都係中伏收場！牛肉拼盤 售價588另加一服務費，六百幾蚊一盤牛肉，居然冇一塊可以食得到，食一嚿吐一舊，送到嚟的時候已經知道奶嘢，有一半牛肉係深紅色嘅！火鍋湯底還可以，白鱔片都ok，其他菜都可以的，如果唔叫牛肉不妨試試！埋單同收銀嗰個男服務員講，今晚的牛肉非常韌，點知佢回我一句， 你灼水灼得耐係咪呀？我話食剩一大半你攞一塊去試下，跟住佢就話咁我同師傅講啦！之後收錢多謝都冇一句！絕對冇下次！絕對冇下次！絕對冇下次！如果未試過的街坊，最好唔好去試，因為和之前已經唔一樣了，再加上而家全部大部分人都北上消費，他們備貨都應該是一個問題，我覺得佢會越來越差！