Le Viet

呢間越南嘢都幾full，都要等一等先入到去架~我地一行三人，安排咗四人枱比我哋，坐落都算幾闊落既~叫咗越式拼盤、牛油雞翼、海鮮炒矇粉、咖哩牛腩配法包、印度薄餅...個拼盤幾好，春卷皮薄香脆，蒸粉卷足料粉皮唔會過厚，豬頸肉燒得好香口，炸蝦餅味道正常。個牛油雞翼喺幾香脆，牛油味同蒜粒都好香，食落有少少漏，但想特別講啲肉質滑之餘keep到肉汁~個炒矇炒啲海鮮幾新鮮爽口，有蜆肉、桶魷魚仔、鮮蝦等等，食落覺得幾有鑊氣幾唔錯。咖哩味道幾好，喺甜咖喱嚟嘅，不過就唔喺好夠稠身，同埋牛腩件數唔多~薄餅口感同味道比法包優勝，薄餅夠鬆軟，同咖喱好夾~