Le Viet

今日發現鬧市商場裏有間越南餐廳，見到餐牌入邊有越式小火鍋，從來都未食過就入去試吓，呢度嘅餐牌都幾多選擇，仲有好多優惠菜式，今日就試咗 1. 越式牛柳沙律 goi vo tai $88原價103特價88先嚟一個開胃菜，類似平時成日食嘅木瓜沙律，加埋越式牛柳，側邊仲有啲蝦片可以俾你自製沙律杯 2. 牛油雞翼 Ganh Ga Chien Bo $78原價$88特價$78 一上枱即刻聞到勁大浸牛油香，炸得酥脆嘅雞翼鋪滿炸蒜，香味十分濃郁，外脆內嫩，夠晒惹味 3. 扎肉蒸粉包 banh cuon cha lua $82 這個建議蒸完要即刻食，因為下面墊住蝦片，如果放漏咗下面蝦皮就會腍，感覺有啲似客家客家蘿蔔粄，配上獨特嘅越式醬汁，已經可以當一個主食 4. 海鮮帽子酸辣鍋 Lau Hai San $380 我最期待嘅小火鍋出嚟啦，可以有牛或者海鮮選擇，不過我已經揀咗最鍾意食嘅牛肉pho,所以呢個就揀海鮮，蝦都好多膏，魷魚估唔到咁好食，最特別嘅係呢個湯底真係好少響出邊食到，值得一試 5. 越式吊龍湯粉 pho with rib eye $82係我最鍾意嘅越南美食，必須要點，越南小黃牛肉粉系列，濃郁牛肉香味，匙柄雪花同吊龍，最鍾意pho 既湯底，牛味濃郁 6. 精選甜品拼盆 $118 好靚靚既擺盤，估唔到有cream brûlée, yummy,全部都係我鍾意既甜品，糕點煙韌好味，芒果糯米飯啲芒果都好甜好好味 另外有新出既特飲，揀左百香果綠茶特飲$36 椰青水椰果特飲 $45,東南亞嘅必點飲品…查看更多

每次行開尖沙咀，都鍾意去The One揾食🤤因裡面有好多高回頭率嘅餐廳！就好似新派越菜 🌸 Le Viet 🌸 咁～餐廳環境開揚，簡約舒適，提供多款創意、精緻越菜，而且價錢貼地，抵食足料，上星期同家人又食到好嘢，當中新出嘅「#海鮮酸辣鍋」同「#越式雪花牛湯粉」好得👍🏻🥘 【新】海鮮帽子酸辣鍋 $298嘩！呢個海鮮鍋好有視覺震撼👀包括：越南大頭蝦🦐、大扇貝、魷魚🦑、大蜆等圍繞著極具越南特色香料嘅酸辣濃湯🔥開胃、酸爽、惹味！🍜 【新】越式雪花牛湯粉 $92呢款創新小黃牛越南Pho，牛味比一般牛肉濃郁，緊實富口感，細滑河粉配埋清澈湯底，好有質素‼️🥗 青木瓜大蝦雞絲沙律 $88沙律好清新，配上醬汁，份外開胃！🌯 香茅豬頸肉米紙卷 $58外皮薄身煙韌，豬頸肉彈牙，沾上醬汁，好有嚼勁～🌮 扎肉蒸粉包 $82口感軟糯又多餡，札肉夠彈牙，加埋表面配料及秘製汁，好有風味～🐔 越式牛油雞翼 $78雞翼炸得金黃香脆，大量炸蒜舖面，牛油味濃，肉質仍能保持嫩滑多汁！🍮 焦糖燉蛋 $40心心造型好精緻，焦糖脆卜卜，燉蛋香濃嫩滑。🍘 香芒糯米飯 $68糯米及紫糯米口感軟糯，芒果香甜多汁，配埋濃稠椰醬，滿滿泰風！🍹 百香果綠茶特飲 $36百香果香氣濃郁，果肉有咬口，酸甜可口。🍹 鮮椰青椰果特飲 $45椰青水透口涼，椰果煙韌，越飲越爽！…查看更多

Le Viet位於The One, 座位闊落舒適. 好岩gathering 青木瓜大蝦雞絲沙律下面係滿滿青木瓜絲, 入口清爽. 再有對半切開大蝦係頂, 淋上酸甜泰式醬汁好開胃越式牛油雞翼外皮炸得金黃香脆, 而且牛油味香濃, 而中間肉質好嫩帶肉汁越式雪花牛肉湯河個湯頭幾香,牛肉雖然上黎已經差唔多全熟, 但夠軟嫩, 河粉順滑, 可按喜好擠檸汁減膩蒜蓉炒椰菜苗呢款椰菜苗好嫩, 簡單用蒜炒都好食精選拚盆十分推薦, 必食！有4款小食每款都高質. 蝦餅炸得金黃外脆而彈牙, 豬頸肉燒得香而肉嫩. 仲有炸到脆卜卜嘅越南春卷同皮薄肉餡香嘅越南蒸粉包. 咖哩牛腩配法包咖哩味道較港式, 帶椰奶味略偏甜完住唔辣. 所以怕辣嘅都食得, 牛腩份量都多. 法包焗熱過, 外層脆幾索汁.椰青海鮮飯上層用左椰奶, 都幾甜. 下面飯配左唔同海鮮, 仲有d 提子乾. 金不換粉絲虎蝦煲有2隻大虎蝦, 肉質都結實. 下面粉絲同唔同香料炒埋, 以肥肉爆香左蒜、香茅、薑、大量打拋葉, 再加左醬油, 岩哂重口味人士越式甜品拼盤甜品拼盤有香芒配黑白糯米飯、焦糖燉蛋同拉椰糕. 芒果酸甜配左香軟帶口感糯米, 特別係黑糯米好香, 加埋唔椰漿甜度恰到好處 另外焦糖燉蛋面層香脆, 蛋滑嫩帶蛋香, 相對芒果糯米甜d 但都好食椰青清甜好飲~ 椰汁紅綠豆都唔錯, 幾香又唔會太甜. 香港尖沙咀彌敦道100號The ONE 4樓L402號舖…查看更多

今次同朋友行The One見到呢間越南餐廳，環境開揚光猛，岩晒慢慢食傾吓偈。火車頭鍋湯底鮮甜濃郁，配料有齊生牛肉 (雪花 吊龍 匙柄 牛肉片)、牛丸、牛柏葉，仲有芽菜同蘿蔔，份量十足。追加左通菜同粟米旬索盡湯汁，更加入味。牛油雞翼炸得金黃香脆，外皮酥脆內裡肉嫩多汁。燒烏頭外皮金焦但魚肉保持嫩滑鹹香，味道清新。豬頸肉撈檬豬頸肉爽口彈牙，檬粉幼滑，撈埋魚露、青檸汁同香草，酸辣開胃。椰青海鮮飯用原個椰青上枱，飯粒吸盡椰香同大蝦鮮味。鮮椰青椰果清甜解渴，椰肉爽滑；百香果綠茶酸甜清新，果香同茶香平衡得唔錯。甜品拼盤有齊芒果糯米飯、椰汁糕同焦糖布甸，芒果非常香甜，糯米飯軟糯，焦糖布甸蛋香濃郁，為晚餐畫上完美句號。食到超飽都只係$300一個人，尖沙咀黎講好抵食…查看更多

間中經過THE ONE 都見到呢間越南餐廳，最近同朋友食晚飯，估唔到Menu 都幾多菜式，意外地呢度可以係度食牛肉火鍋❤️。呢個火車頭酸辣鍋好大個餐廳會提供各款牛肉部位，例如匙柄、吊龍、雪花牛、牛柏葉、丸和蔬菜🥬。牛肉顏色都幾靚，食落滑口。湯底係用左牛骨湯，用嚟淥牛肉，食落更香甜。熱焫焫既酸辣鍋岩哂依家涼涼地既天氣。木瓜沙律🥗食落好爽口，上面仲佈滿厚厚既蟹肉同雞肉，口感豐富，份量十足，仲可以倒D魚露醬汁，食落會酸甜帶少許辣，惹味D。菠蘿🍍炒飯就見得多，椰青焗飯第一次食。上面D仲多到滿瀉，少少誇張😂。上面加左椰奶去焗，整體食落味道偏甜。椰菜苗食落幾爽脆，用埋蒜蓉幾惹味。呢個拼盤有齊芒果🥭糯米飯、焦糖燉蛋、綠豆拉椰糕。燉蛋落左唔少雲尼拿籽，食落好香。糯米飯煮開，食落軟糯，加埋椰汁幾香甜。綠豆拉椰糕都好食，口感煙煙韌韌，帶有淡淡綠豆香，唔會好甜，唔錯👍🏻！百香果綠茶特飲清新開胃又解渴，椰青水落左椰果，好有咬口，味道會偏甜一點。火車頭酸辣鍋 同 甜品拼盤都幾有驚喜，除非牛肉河粉，大家都可以試下呢D菜式～…查看更多