錦麗 (又一城)

營業中

休息中

夏天食越南嘢好似好啱數喎，再嘆個椰青好東南亞feel喎，鬼叫呢幾個天氣又幾似喺東南亞咩。朋友帶領下來到又一城嘅『錦麗』，位於food court隔離的『錦麗』比出邊坐得舒服好多，有卡位，有sofa坐。坐低，朋友叫咗碗『越南咖喱牛腩飯』而我叫嘅就係『胡志明綜合粉』，咖喱味好濃香，牛腩好多又够腍，吸晒咖喱汁，好食。綜合粉就見到粉紅色生牛肉，有牛腩，又有牛丸，試咗啖湯先，够鮮甜，咁就係有好嘅開始，飲咗D湯食咗彈牙牛丸後先至加埋另上的豆芽，辣椒等配菜，又多一層味道。『火炙香茅豬頸肉』係見人點又跟住點，好香，好大舊，勁有口感，而唔少得嘅就係椰青，這是個充滿東南亞風情的午餐。