錦麗 (又一城)

諗唔到晚餐食咩～就去左又一城頂層睇下，見到錦麗就去左食了。叫左錦麗牛丸配金邊粉、金絲網蝦春卷、越式蒜蓉牛油雞翼以及越式椰子沙冰。錦麗牛丸搭配金邊粉係麻麻地，可能係我偏愛食河粉，但因為冇哂河粉，就唯有硬食金邊粉。牛丸口感彈牙，肉質鮮嫩～不過不失啦金絲網蝦春卷，外皮酥脆，內餡有蝦，搭配粉麵確實唔錯～越式蒜蓉牛油雞翼則是蒜香四溢，加上牛油的香濃，唔錯。雞翼外層金黃酥脆，內裡卻保持著多汁的口感。由於天氣好熱～叫左越式椰子沙冰解渴。椰子味道清新怡人，冰沙的口感輕盈，能夠消暑！…查看更多

食過一次錦麗就比佢圈粉，佢既牛丸實在係太出色，夠Q彈而且牛肉味很重，暫時係食過最好食既牛丸之一，今次就試下佢既午市套餐。胡志明綜合粉，有3款配料包括生牛肉、熟牛肉、牛丸，越式河粉嚟講佢都做得很好，味道很美味，生牛肉都是大大塊，熟牛肉都好厚身。法式蒜蓉牛油雞翼，呢個雞翼我每次去都會單點一碟，佢既整法真係特別好味道，又夠脆。越南滴滴咖啡，來杯醒神啡，有點像是在喝Americano，但是咖啡豆的味道不一樣，有種獨特香味。…查看更多

放咗工，又去行下，逛下，去到又一城多嘢行嘛，醒起有間「錦麗」點咗碗胡志明綜合粉，乜都有一兩嚿唔使諗，這碗粉沒有讓我失望，湯量和河粉配料比例配合得幾好，一定是有心機之作。不愧為華爾街日報No1的牛肉粉。先說說河粉吧，滑又有彈性，每一啖同湯嘅融合就算只吃河粉都十分好味。裡面放了幾片牛肉和牛腩，肉質嫩滑，稍微帶點油脂，咬一咬還有點彈牙感，整個感覺像是被溫柔包裹著。湯底清淡但不失風味，魚露的香氣若隱若現，就好似喝了一口淡淡的海洋味，又唔會太鹹。再黎杯話梅青檸蜜，冰冰涼涼的，酸酸甜甜的，像我平時心情一樣。話梅的鹹香偷偷跑出來，配上青檸的清新，喝完整個人都精神咗少少。至於家鄉魚餅，魚肉鮮美，咬一口再點點酸甜醬，再咬一口雖然煎炸嘢都比較肥，食一兩舊嚟講都唔算太過分，覺得很滿足。整體來說，食完呢餐，沒有太多驚喜，但卻讓人心情輕鬆。下次或者我又試試其他，即管睇吓呢間店會唔會藏有什麼秘密等著我去發掘。…查看更多

凍冰冰最岩食火鍋，意想不到呢間有得打邊爐，最令我難忘係火鍋湯底好濃陏，我地個個飲清湯底，小食併盤頗多，價錢尚可接受，但服務態度就一般，叫侍應加湯底時，侍應太忙，睇到都扮睇唔到，呢方面要改善…查看更多

今天下午去又一城見客，見完客之後有少少肚餓咁就去醫下肚啦！又一城最抵食嘅餐廳都係在L2層的，咁我就選擇左錦麗，坐低就自己QR code落單，點左個錦麗生熟牛肉小粉，春卷及咸檸檬水。首先到嘅係咸檸檬水，有半個咸檸，都幾夠味。之後就係炸春卷，我估唔到係得1小條，其實我覺得餐廳選擇1條長一點的春卷再開2會比較好看，味道沒有甚麼特別。之後就到牛肉河了，份量比較少一點，熟牛肉用牛腩，生牛肉用肥牛片，味道是可以的，湯底都好香牛味，河粉都滑的，只是份量少了一點，不過可能是下午茶吧，看完便回公司了。…查看更多

琴晚去左又一城，見好耐冇食，睇到有新出火鍋，就去左錦麗點知，叫左兩個火鍋好耐都未到。問了侍應話廚房壞左機？沒有單？追問了兩次才到。好彩不是趕時間睇戲！！火鍋雞煲的湯好清甜，雞肉也唔老。火鍋牛肉鍋湯也很濃味，味道也是不錯的，有粉或者飯可配，仲有飲品包埋，七十多蚊，很抵食。相比之下火鍋雞煲比較優勝！另外雖則服務都幾好但好似未及上幾次。正值晚餐食時間，但眼見成場得好似得兩個侍應，不知道係咪因為人手不足？…查看更多

行過，諗住整個下午茶，見到店外宣傳圖片頗靚，就行入去整返碗「生熟牛河」。店員招呼嘛嘛地，要杯清水等咗好耐，仲要問咗三次先有回應。叫咗下午茶餐，牛河上台時冇跟任何配菜。須知，豆芽、九層塔、鱼露……係越式牛河之「左右手」。問店員，回答：下午茶冇跟。唉！坐低等食時，睇「大衆默評」，見到又一城錦麗已「關門停業」。雖然相信係信息有誤，但，牛河唔跟配菜，離執笠不遠矣！…查看更多

最近同朋友又去九龍塘，突然想食越南粉，之前試過牛肉粉覺得唔錯，今次再嚟睇下係咪依然保持水準。🍜✨今次點咗生牛肉河粉同香茅豬扒飯。生牛肉河粉嘅湯底一如既往清甜，帶有淡淡嘅牛骨香，味道穩定；河粉口感滑溜，但生牛肉片嘅新鮮度感覺一般，無咩特別鮮味，稍微有啲失望。至於香茅豬扒飯，豬扒煎得香口，調味有啲甜甜地，但略嫌肉質偏硬，食落口感唔夠嫩滑。仲試咗佢哋嘅炸春卷，外皮夠香脆，內餡調味不錯，配埋魚露醬汁食更加惹味。不過份量偏少，如果人多會唔夠分。飲品方面點咗越式冰咖啡，咖啡香濃但偏甜，對鍾意清新啲飲品嘅人嚟講可能有啲膩。一如以往佢既價錢偏中高，不過味道各樣的真係唔錯，間唔中食下當俾自己享受下。如果想食碗清甜嘅越南粉解解饞，呢度算係穩陣選擇，而越南朋友都有講過嚟間既越南粉都算正宗。😊🍜✨…查看更多

今日去九龍塘做嘢，啱啱撞正食飯時間好多人排隊。聖誕食得太多，想清清地去咗錦麗食檬粉。我叫嘅大蝦扎肉撈檬清清地，幾好味，份量略嫌少左D。朋友嘅香茅豬扒雞湯同雞絲扎肉雞湯金邊粉則味道一般。至於法式蕃茄牛脥肉撈檬汁就略嫌多汁；同個檬粉吾係太夾。佢午餐跟玫瑰龍眼茶都幾好飲；有幾粒龍眼肉都鲜甜。至於鹹檸水就略咸，三色冰就OK；預期水準。埋單每人七十多，今時今日喺香港都要呢個價錢；勝在吾駛等太耐；服務亦算專業有禮。…查看更多

越式蟹•肉餅蕃茄湯檬粉 $82叫咗個越式蟹•肉餅蕃茄湯檬粉外賣。打開外賣盒本身期待會有個餅嘅形狀嘅蟹•肉餅，但現實只有肉碎。個菜名其實都少fake。另外配料有札肉兩片、四粒開半豆卜、蕃茄粒。不過要讚嘅係佢外賣包裝有將檬粉同湯分開，唔怕會淋，同埋湯底都好熱辣辣。肉碎粒粒雖然見到拌了蟹肉碎，但食落沒有蟹味❌有少少失望湯底嘅蕃茄味唔係好濃郁，食落其實都冇乜茄味，唔知正宗嘅蕃茄湯係咪就係咁嘅味🤔札肉入面有胡椒粒，少辣。豆卜正常，因為湯底其實冇乜味所以發揮唔到佢嘅長處。不過我幾鍾意呢度嘅檬粉，幾滑。不過呢個價錢其實都唔平🤔下次都係食返牛骨湯底好啲。…查看更多

自己一個人去咗又一城睇吓有咩早餐食呢間錦麗好似好吸引⋯⋯🔸 #扎肉金不換辣椒肉碎湯金邊粉 賣相好好，睇落好似好好食但夾一啖粉咬入去金邊粉比較硬，冇咗金邊粉嘅 「滑 」有米香，但係好實，但感覺係雪咗好耐唔新鮮嘅粉🥲 肉碎同湯就正常其實只要新鮮嘅金邊粉，校啱時間，應該唔難整唉😮‍💨🔸 #太陽蛋 應該唔會出問題啦🔸 #牛角包 睇個樣都唔想食牛角包應該好鬆軟，唔明點解點咁樣都可以出街佢扁晒咁。。。當然唔好食🔸 #凍檸茶少冰 #唔好食嘅食物會令人心情不爽…查看更多

昨天在這間餐廳進食午餐，本身進門有點困惑，因為這餐廳跟亞參雞飯餐廳共享餐桌，因此一開始不知道哪裡排隊。餐廳沒有取票服務，所以會叫你去門口樓梯排隊。我們等了5分鐘就可以入座，不過安排入座的侍應態度非常差，會呼喝我們「進去」然後指着一張餐桌示意我們坐下。我們點了餐後，例如我點了香茅豬扒煎蛋白飯，朋友點了香茅豬扒撈檬，大家都是點香茅豬扒，但朋友的餐點比我早30分鐘到，小吃都已經全到了，但唯獨我的餐點仍然未到。中途我有追問侍應餐點狀況，侍應則指出正在炸香茅豬扒。由於我看到出餐口，我後來看到我的香茅豬扒飯一直放置在出餐口沒人提取給我，但明明同一個出餐口有其他餐點則被侍應不斷拿走取給客人。最後我在點餐後30分鐘才有餐點吃，其餘的朋友則全都吃完等我吃，體驗非常之差。小吃的味道是正常的，但是我的香茅豬扒煎蛋飯都全冷掉了。體驗很差，大概以後都不會再來。…查看更多

午餐繁忙時間food court搵唔到位，於是選擇排隊食呢間，等左10分鐘左右入座。我地兩個人，職員俾左四人枱，本身以為會被搭枱，但最後都坐足全程，而且冇催趕。小小挑剔係張木椅都幾重，要用D力搬。另外，職員有抹枱係好事，不過塊布可以唔洗咁濕，張枱濕得太誇張。食物方面，叫左一個越式蟹肉餅蕃茄湯檬粉+玫瑰龍眼茶 & 一個胡志明綜合粉+鹹檸檬青檸水：越式蟹肉餅蕃茄湯檬粉蟹肉餅唔係肉餅而係肉碎，亦冇乜蟹味；蕃茄湯個味幾假；扎肉既胡椒味都幾辣，未必人人接受到，豆卜有陣唔知咩味。胡志明綜合粉牛肉冇牛味，湯底淡，係牛丸有多少少味。飲品普通，龍眼茶叫左少甜，黎到我覺得直頭冇落糖。整體黎講唔會encore。…查看更多

星期日排隊都唔算排好耐，大概等咗15分鐘就有位坐越南粉 霸氣總裁粉安格斯牛小排、牛尾、牛筋及牛湯底，配油炸鬼安格斯牛小排香濃牛肉味，唔韌牛筋好淋，牛骨好出味而且好容易咬開湯底本身已經好濃郁，可以再自己落啲辣椒同青檸汁調節味道配油炸鬼可以吸晒湯底，脆脆地河粉唔碎，可以夾得起蔥同洋蔥份量都幾多整體嚟講呢個新嘅產品都幾特別，可以試吓有果蠅飛來飛去，食食下就會飛過黎，要自己撥走錦麗 (九龍塘)九龍塘達之路80號又一城L2樓L2-28號舖…查看更多

錦麗 ～ 最好食越式牛肉粉😋夏日炎炎🌞無咩胃口～來一碗清甜湯底Pho @pholehk 最近推出左～總裁霸氣粉～😎真材實料👏🏻推介大家一定要試試☝🏼足料配制💯每日鮮熬 23 小時牛骨湯底用料上乘👍🏻No.1 安格斯牛小排、強筋骨牛尾配充滿骨膠原入口又Q彈牛筋 ～加上即炸香脆油炸鬼 ～ 口感層次豐富濃郁牛骨牛肉湯～入口清甜～真系好味道👏🏻食總裁霸氣粉 ～ 記得以下四部曲💕推薦食法～更能品嘗到總裁霸氣粉精粹第一步 湯頭～先飲一口湯，細味品嘗錦麗每天新鮮熬制 23 小時濃郁牛骨牛肉湯。第二步 調味～根據個人口味加入青檸辣椒增加風味。 第三步 食材～ 依次品嘗總裁霸氣粉食材🐃口感更豐富。享受 No.1 鮮嫩🥩安格斯牛小排 ～富活力又補氣強筋骨的牛尾 ～再享用骨膠原滿滿的牛筋。最後，將香脆可口的油炸鬼點湯吸收牛肉湯與粉同食，嘗盡牛肉湯精華仲叫左2款最近新出特飲～富有越南風味😁。香芒生椰乳 🥭用上芒果混和生椰乳🥥飲椰香味重更加入奶油及芒果乾～口感豐富。越式椰子冰咖啡☕️越南咖啡～飲落回甘～配上清甜椰子🥥醒神又清新👍🏻叫左幾款小食♥️😎好滿足。特色小食拼盤 一次過食到多款特色越式小食😃有法式蒜蓉牛油雞翼、金絲乾蝦春捲、越式蔗蝦、香茅豬扒小食份量足而且即叫即炸～美味。錦麗脆皮牛腩 簡左2件輕量版～酥脆外皮包里牛腩～好香口。大蝦扎肉米紙配上酸辣汁～開胃又清新📍九龍塘達之路80號又一城L2樓L2-28號鋪#錦麗 #總裁霸氣粉 #越南美食 #過江龍越式牛肉粉專門店#胡志明市 #人氣過江龍 #pho #胡志明市最好吃的牛肉粉 #一種味道半世紀的堅持 #hkfoodie #hkfood …查看更多