影片
更多
2025-03-19
126 瀏覽
店員上每道菜式都會勁細心講解，可以感受到廚師對烹調的用心～而且Restaurant week都有得book！性價比勁高！炸芋片由餐廳自家烘乾，香脆而又不油膩酸橘汁醃魚開胃小菜脆餅、醃製酸青瓜、蕃茄同酸橘汁醃魚，再加咗洋蔥做點綴 ，幾特別無重忌廉牛油果龍蝦湯呢個真係勁驚艷！龍蝦湯超濃，呈橙紅色，而且龍改用椰子奶代替忌廉，再加入牛油果解膩！真係勁好飲！港式黑椒汁紅酒燴牛膝手工意粉手工意粉用日本蘭王蛋黃整，咬落煙韌彈牙，仲要掛汁力MAX～ 牛膝慢煮，用叉輕輕一剔就散開～油封鴨髀煨飯呢個真係慢工出細貨！塊皮脆到似食緊薯片，肉質嫩到呢🥹輕輕一叉就散開，仲要啖啖肉香無油膉味～個意大利飯仲癲，吸晒鴨油精華，撈埋個魚露檸檬汁，酸酸甜甜帶鹹香，加埋脆米紙一齊食，「嗦嗦聲」撞「綿滑飯」口感玩晒！ 香蕉飛餅師傅即場整🤣拎住塊粉團喺你面前表演飛黎飛去！飛餅烘到金黃微焦，一咬開熱辣辣嘅香蕉蓉湧出嚟，配埋杯泰奶雪糕簡直係冰火二重奏！
店員上每道菜式都會勁細心講解，可以感受到廚師對烹調的用心～而且Restaurant week都有得book！性價比勁高！
炸芋片
由餐廳自家烘乾，香脆而又不油膩
酸橘汁醃魚開胃小菜
脆餅、醃製酸青瓜、蕃茄同酸橘汁醃魚，再加咗洋蔥做點綴 ，幾特別
無重忌廉牛油果龍蝦湯
呢個真係勁驚艷！龍蝦湯超濃，呈橙紅色，而且龍改用椰子奶代替忌廉，再加入牛油果解膩！真係勁好飲！
港式黑椒汁紅酒燴牛膝手工意粉
手工意粉用日本蘭王蛋黃整，咬落煙韌彈牙，仲要掛汁力MAX～ 牛膝慢煮，用叉輕輕一剔就散開～
油封鴨髀煨飯
呢個真係慢工出細貨！塊皮脆到似食緊薯片，肉質嫩到呢🥹輕輕一叉就散開，仲要啖啖肉香無油膉味～個意大利飯仲癲，吸晒鴨油精華，撈埋個魚露檸檬汁，酸酸甜甜帶鹹香，加埋脆米紙一齊食，「嗦嗦聲」撞「綿滑飯」口感玩晒！
香蕉飛餅
師傅即場整🤣拎住塊粉團喺你面前表演飛黎飛去！飛餅烘到金黃微焦，一咬開熱辣辣嘅香蕉蓉湧出嚟，配埋杯泰奶雪糕簡直係冰火二重奏！
張貼
