The Oyster House

營業中

休息中

聖誕節最適合食西餐，呢間之前已經試過好出色，今日朋友聚會就提議嚟呢度，好彩大家都讚成。一嚟到朋友就話冇介紹錯，因為呢度嘅氣氛非常好，燈光比較暗，而且仲有好多聖誕裝飾，好適合約會或者慶祝節日。一坐低就梗係叫生蠔先啦，呢度嘅生蠔好大隻而且好新鮮，食落有啖啖嘅海水味，好嘅口感非常好，朋友都忍唔住再叫多幾隻嚟食。呢一轉我哋就叫多咗鮑魚，估唔到佢嘅鮑魚都係咁大隻，而且又係好新鮮，食落唔會太硬，而且價錢都好平，真係好抵食。呢度嘅蘑菇湯好出色，飲落好濃郁，好香嘅蘑菇味之餘，仲有淡淡嘅黑松露味，飲落唔會太滯，反而好開胃。另外我覺得最抵讚嘅就係呢度嘅肉眼扒，因為佢除咗份量好足夠之餘，佢嘅牛味好濃，而且肉質好好，我哋叫咗個五成熟，食落啱啱好，完全唔會有筋或者咬唔開，而且牛味非常濃郁，一食就知道係新鮮嘅肉眼。呢間餐廳氣氛又好，而且食物質素好高，價錢又唔會太貴，非常適合慶祝節日或者約會呀。