八瀧

營業中

休息中

成日喺Social Media度見到好多人介紹呢一間Omakase，一直都好想試吓，趁住情人節終於book到位啦。一入到去就見到環境好靚，背後係櫻花，好適合影相同埋慶祝節日。而且呢度嘅職員服務態度好好，每一樣嘢都會好細心咁介紹，令人好有滿足感。因為佢有非常多道菜，每道都好出色，我認為咗呢幾道菜最值得讚賞。真蠔非常Creamy，食落感覺好飽滿，加左三文魚子增加口感，食落好有層次。大拖羅 廚師話係黎自靜岡，拖羅切得好厚，而且完全無筋，加咗洋蔥漬味道好夾。海膽拿破崙呢度菜好特別，除左海膽好新鮮，好有海水嘅鮮味之外，估唔到襯埋拿破崙嘅脆口會咁特別，食落層次感好足。貢蝦廚師介紹原來係野生既蝦，蝦肉質非常彈牙而且鮮味十足。左口魚手卷平時唔太鍾意食左口魚，呢度令我完全改觀。薄切既左口魚入口即溶，魚油香味好重。最特別嘅係，某幾道菜上嘅時候，後面嘅櫻花背景竟然會落櫻花，大家都影相拍片影得好開心。呢間Omakase又靚又抵食，而且廚師嘅服務態度好好，配埋佢櫻花嘅背景真係好適合打卡，非常推薦大家約會或者慶祝節日嚟食呀。