八瀧

好朋友生日，見到網上好評如潮嘅八瀧，一於安排喺依度食Omakase同佢慶祝🥳咁啱隔離食客都係同朋友慶生，佢仲係歌星嚟🤭一入到餐廳已經覺得好靚，依度係全港唯一擁有櫻花雪景嘅主題餐廳，我哋坐喺吧枱前面可以近距離欣賞Tony師傅嘅製作過程，佢同團隊仲會詳細介紹每樣食材嘅來源，感覺好有溫度同專業～💫，我哋揀咗夕之御品書 $1388/位🥰🍴菜式重點：先付二點海膽豆腐＆柚子醋水母刺身海膽豆腐好清新，水母刺身好彈牙有咬口，啱晒打開味蕾😍量子料理四品兵庫縣室津夢追星生蠔，依個產地嘅生蠔肥美結實，層次豐富，放入口充滿海洋嘅鮮味，配埋蘋果啫喱同三文魚子，充分帶出生蠔嘅鮮甜香濃😋魚子醬，富山灣白蝦，牡丹蝦，炸蝦頭，依道創意料理結合咗，配埋超濃郁蝦油蝦膏，超濃郁🦐赤鯥，大拖羅，加上洋蔥漬，油份好重，正🥰青森縣鮟鱇魚肝，叫做海中鵝肝真係冇講錯，好creamy棉密。天婦羅海膽拿破崙最出名嘅signature dish終於登場，上面舖滿海膽，中間拖羅蓉，加上天婦羅，廚師灑上淡雪鹽，好夢幻好浪漫🥰 一放入口超濃郁海膽味，天婦羅好脆口，充滿層次🤩蒸物松葉蟹茶碗蒸握壽司十貫北海道帶子深海池魚銀鱈魚甜蝦中拖羅厚岸真蠔星鰻赤海膽左口魚邊玉子燒加左忌廉十貫握壽司款款有誠意，北海道帶子超鮮甜；深海池魚油脂香夠曬突出，魚味濃；中拖羅油花分布勻稱；厚岸真蠔帶海水鮮甜；赤海膽夠creamy；左口魚邊經過火炙，充滿魚油香；玉子燒加咗忌廉，好有蛋香好綿密～ 味噌湯甘物士多啤梨+芝麻雪糕🍓士多啤梨清甜多汁，加埋香濃嘅芝麻雪糕，食落去清新解膩，為呢餐盛宴畫上完美句號🥰～$1388 就食到 20 道菜，呢度嘅 Omakase 真係性價比超高，物超所值🤩師傅花盡心思創作絕不傳統新派創意日本料理，無論視覺定味覺都係享受，客人仲可根據個人要求訂制菜單，師傅會提供意見。除咗吧檯，餐廳仲有全新沉浸式場景加演唱會音響卡拉OK服務，令餐酒區耳目一新，仲有清酒，紅白酒，威士忌提供，將吃喝玩樂真正發揮到淋漓盡致，而且8-10位就可以包場，擁有完全私人嘅空間。～無論係生日慶祝或者係美食打卡都非常適合！記得提前預訂，晚市好快就爆滿～✨評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺八瀧尖沙咀白蘭軒道2號富峰行3樓📍尖沙咀/尖東港鐵站N1出口1分鐘路程#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #日本菜 #TsimShaTsui #TST #seafood #海鮮 #sushi #壽司 #sashimi #刺身 #Omakase推薦 #日本菜精選 #香港食評 #美食打卡 #Omakase #omakasehongkong #omakasehk #廚師發辦 #日本料理 #高級料理 #創意料理 #人氣 #高質 #尖沙咀 #尖沙咀美食 #香港美食 #八瀧…查看更多

估唔到喺香港都食到咁多花臣嘅我媽卡些仲有我最鍾意食嘅日本真蠔同埋其他嘅前菜都好出色入到餐廳就見到好靚，用咗櫻花返做主題你坐低就揀返對自己鍾意嘅筷子先之後就開始嘅前菜呢個海蜇真係好爽口我連啲汁都飲埋咁啱呢個季節就係食日本真豪嘅好時間唔使落多餘嘅醬汁 淨係配啲三文魚子味道就已經足夠呢個蝦可以配蝦膏黎食就連個殼都可以點埋啲蝦油嚟食埋佢魚嘅刺身表面都用火燒過令到佢油香更加出仲有兩嚿鮟鱇魚肝我就比較鍾意冇調味嘅魚竿，點Wasabi一齊食主角出場就係呢個海膽拿破崙用咗日本嘅紫海膽 味道唔會太鹹就算食晒成舊都唔會有太滯嘅感覺睇住我咁耐嘅背景，其實係海底嘅投影畫面成個氣氛都好chill呢個餐呢就有10件嘅手握壽司壽司方面就冇前菜咁多花臣基本上都係用醬油去做調味所以刺身都食得出係幾新鮮估唔到係壽司嘅環節，又可以食多一次海膽反而呢個燒蠔，我又覺得爭左少少調味最後食埋呢個吞拿魚卷就一定飽晒甜品有呢個好似芝士蛋糕嘅蛋用茶壺斟出嚟嘅麵豉湯同埋呢個好清新，可以解除油膩感嘅油子雪糕…查看更多

最近喺尖沙咀搵到一間超值日式餐廳「八瀧」，佢嘅午市套餐只係$388（另加一服務費），包含16道菜，性價比真係高到爆燈！以下同大家分享一下我嘅用餐體驗，並更正菜單細節：2道前菜、10件壽司同1份甜品。餐廳環境八瀧位於尖沙咀，餐廳走典雅日式風，木系裝修同柔和燈光，氣氛舒適又放鬆。座位寬敞，無論係同朋友傾計定一個人靜靜地食飯，都好有feel。餐廳唔算好大，但乾淨整潔，令人感覺好舒服。午市套餐：16道菜嘅驚喜樣樣精緻，味道同擺盤都好有水準。以下係我印象深刻嘅幾道菜：壽司（10件）：10件壽司包括中拖羅同海膽，米飯軟硬適中，魚生同飯團比例啱啱好，入口超滿足。甜品（1份）：芝麻清甜唔膩，加上日本哈密瓜為整餐畫上完美句號。每道菜份量適中，16道菜食完唔會太飽滯，但絕對滿足。廚師嘅用心從擺盤同味道都感受到，質素完全超出預期。服務：侍應哥哥超貼心八瀧嘅服務真是一個大亮點！侍應哥哥態度親切有禮，會主動介紹每道菜嘅特色同食法，仲好細心幫忙補茶水同收拾枱面。我同朋友有啲菜想換序，佢哋都好快幫我哋搞掂，服務貼心到無得彈。總結$388（連加一）有16道菜，包括2道前菜、10件壽司同1份甜品，質素同份量都咁高，八瀧嘅午市套餐真是一個超值選擇。無論係同朋友聚餐定想一個人享受精緻日式料理，呢度都好值得一試。加上侍應哥哥嘅一流服務，絕對令人想再返嚟！推介指數：9/10地址：尖沙咀某商場（建議預約，午市較熱門）人均消費：約$430（連加一）想試高質日式料理又唔想洗大錢？八瀧係你嘅首選！有冇朋友去過？快啲分享你哋嘅體驗啦！…查看更多

當日朋友生日去左食佢一直以來都好想食嘅廚師發辦我哋兩個都係第一次食而我本來係唔食除咗三文魚其他魚類嘅壽司但為咗朋友都豁出去食完之後先發現原來新鮮嘅魚生係咁好食一啲腥味都冇㗎呢一點真係要大大地讚賞佢！而且當日食品上菜嘅流程非常之好唔會太快，我哋可以慢慢享受服務生服務仲要非常之好食到中途仲要喺背景嘅櫻花樹嗰度仲有飄雪睇好特別個畫面超級靚到最後準備切蛋糕仲有甜品芝麻雪糕呢間舖仲好特別有支煙花蠟燭影相打卡超級靚呀#香港美食 …查看更多

櫻花雪景，新派創意Omakase，夠勁啦啩？喺尖沙咀嘅八瀧，本身環境就係好正宗嘅Omakase，不過附近仲有好多特別裝飾，最特別係做到好似櫻花雪景嘅背景，而做緊某啲菜式嘅時候係真係有落雪！今晚食呢個”瀧”晚餐，$1388/位，菜式一啲都唔正宗，而係行新派創意路線，當中包括四道”量子料理”之外，仲有10件手握壽司，先付吸物蒸物物等等。首先一定要講落晒雪嘅”天婦羅海膽拿破崙”。用上赤海膽同拖羅造成嘅拿破崙，加上從天而降嘅淡雪鹽，同落晒雪嘅櫻花背景，形成一個美好嘅景色。其餘三道創意菜各有特色北海道仙鳳趾生蠔 - 帶有柚子酸汁蘋果啫哩，非常大隻肥美蝦刺身 - 罕見嘅富士灣白蝦加上牡丹蝦同魚子醬，鹹香鮮味非常赤睦/大拖羅 - 非常鮮味，而且火炙過嘅赤睦同大拖羅油脂甚多，但同時又有洋蔥漬作平衡，係今晚最令人驚艷嘅菜式至於10件手握壽司，表面上平平無奇，但就算如赤身，都係非常滑身鮮味，一啲都唔似係赤身。其他更高級嘅食材，包括中拖羅、赤海膽、北海道帶子等，表現就更好了。先付嘅海膽豆腐、鮟鱇魚肝、奇特嘅玉子燒 (有芝士蛋糕嘅味道！)、甜甜地有忌廉質感嘅麵豉湯等等，全部都係表面其他地方都有嘅嘢，但佢就喺味道上做得好有特色。除此以外，呢度仲可以8-10位包場，兼且可以同師傅自訂餐單，都係有新派特色同具彈性嘅安排。…查看更多

好喜歡室內裝潢 用心設計 好寧靜舒服的用餐環境筷子都可選專屬的款式滿滿儀式感前菜海膽豆腐 赤水母刺身配柚子酸汁 十分開胃富山灣嘅白蝦牡丹蝦下是蝦膏蝦油伴著同食 蝦味鮮味爆燈蝦頭炸成天婦羅都可以食用點綴採用了紫蘇花 賣相更佳赤鯥魚配大拖羅魚皮滑溜 肉質鮮甜無比師傅自家醃咗嘅洋蔥酸酸甜甜解油膩鮟鱇魚肝 以日本韭菜蘿蔔仔點綴沾上醬油漬或點wasabi細滑柔嫩的質感配搭日本清酒 味道無可挑剔原粒帶子烤焦紫菜帶子新鮮彈牙不用多餘調味已很棒海膽加吞拿魚蓉滿滿的兩層！份量很足再在料理灑上日本淡雪鹽更添滋味北海道帶子超大粒鮮甜 口感爽滑真鯛肉質細膩 味道清甜深海池魚肉質緊實 鮮味濃郁銀鱈魚魚肉滑嫩 油脂豐富中拖羅油脂豐富 入口即化厚岸珍蠔多汁鮮美 啖啖肉左口魚肉質細滑 充滿魚油香整體用餐感覺好正環境 食材 服務都好高水準慶祝生日或紀念日最佳之選…查看更多

因為阿女生日，揀咗呢間食Omakase，先講環境舒適，雖然地方唔大，但勝在好有日本feel！首先一定要讚佢service一流，由入坐開始，由於bar枱櫈高，坐咗上去好難移動椅子，店員會等你坐好幫你推入去，因為我哋冇額外叫嘢飲，店員不時會幫你refill 茶水，絕對唔使等你舉手，上每一道菜都好小心放喺你面前！食物方面都令我難忘，估唔到三百幾蚊嘅價錢食到滿意嘅食物質素，第一道前菜～海膽豆腐好好食，濃濃海膽味又極滑嘅口感👍🏻！最後上甜品，因為阿女生日，我book位時有留言，估唔到好surprise,仲有background 加煙花蠟燭、生日歌襯托，好有氣氛🥰…查看更多

阿媽家姐本身已經很有儀式感，一坐好店員取出筷子盒供客人選擇🥢款式多得令人花多眼亂🤩值得一提的是，想不到身於香港都能體驗仿如身置於櫻花雪景的感覺。師傅十分專業地介紹每道菜的食材及食法，感覺親切。瀧 Taki $1,380/人晚餐 Omakase 包括先付二點、量子料理四品、天婦羅海膽拿破崙、握壽司、蒸物、吸牣及甜品先付二點🪼海膽豆腐配赤水母刺身與酸汁 豆腐如絲般滑嫩，海膽的鮮甜與赤水母的脆爽形成鮮明對比。酸汁恰到好處地提升整體層次，很開胃🐟安康魚乾佐青森醬油漬 魚乾鹹香濃郁，青森醬油味道甘醇，令安康魚味更突出海膽拿破崙灑淡雪鹽 滿滿儀式感的🪄兩層酥皮夾著海膽，入口即化。淡雪鹽提升海膽的鮮味，建議一口兩層同食，口感層次分明富山灣白蝦與北海道牡丹蝦 白蝦清甜，牡丹蝦濃郁，蝦油與蝦膏將蝦的精華濃縮於一口之中。火炙赤鯥佐洋蔥漬 遠遠看著師傅火炙，咬下去香氣撲鼻，魚肉油脂豐厚，酸洋蔥漬平衡油膩，口感清爽。真鯛、深海池魚、銀雪魚 每一貫都展現魚種獨特的脂香與口感，當中銀雪魚口感最細膩，入口即化。赤身醬油漬、中拖羅、甜蝦、赤海膽 醬油漬赤身濃郁，中拖羅油脂分布完美，甜蝦鮮甜如蜜，赤海膽則海水味濃吞拿魚手卷、玉子燒 手卷酥脆，吞拿魚鮮美；玉子燒甜香柔軟松葉蟹茶碗蒸 茶碗蒸滑嫩，松葉蟹的鮮味滲透入蒸蛋之中，每啖充滿濃濃蟹味麵豉湯 充滿儀式感的麵豉湯🪄奶白色的湯頭，濃郁卻不膩口甜品黑芝麻雪糕口感幼滑，份量剛剛好，很滿足✨…查看更多

同老best慶生，唔可以求求其其！今次同佢食呢間隱世高質omakase，無菜單系列佢一向都好like，應該可以俘虜到佢個胃！🥢先付 二品～ wasabi 豆腐及柚子香味赤水母刺身，前菜都已經咁香濃，美味！🥢量子料理四品🦪兵庫縣生蠔～肉質鮮甜，加入魚子更提鮮！🐟青森縣安康魚魚肝，火炙後更突出魚油香味！🦐蝦刺身~用上富山縣白蝦及北海道牡丹蝦，師傅以蝦膏配搭，加上蝦油真係夠滿足感。🐟魚刺身～係赤鮭及大拖羅，經火炙的2款魚真係油膩滿滿，入口夠香！🥢拖羅+海膽拿破崙涼雪鹽 招牌菜式～上菜時會播放音樂，成間餐廳打造出飄雪櫻花🌸效果，師傅仲會係面前用涼雪鹽灑落拿破崙上！入口係雙層口感，拖羅與海膽的完美結合！🥢手握壽司十貫北海道帶子、深海池魚、銀鱈魚、吞拿～赤身、赤蝦、吞拿～中拖、真蠔、北海道赤海膽、星鰻、玉子燒！當中最欣賞係星鰻配搭嘅師傳特製濃縮鰻汁，唔會偏咸仲要用左煮鰻的湯製作！每一款壽司都係咁鮮甜！🥚蒸物～松葉蟹腳茶碗蒸🫖吸物～海鮮味噌湯味道香濃！🍨甘物～芝麻雪糕整體上黎講，無論環境，食物都非常高質，全港唯一擁有櫻花雪景嘅主題餐廳，夠曬打卡📸 全新沉浸式場景加演唱會音響卡拉OK服務，可以約埋朋友去玩。而且私隱度高，8-10位就可以包場擁有完全私人嘅地方無論朋友聚餐，自私食都好合適！仲客人可依據個人要求訂制菜單，另設酒水提供有各式酒類！絕不傳統新派創意日本料理，真係💯！@yataki_hk🍣八瀧#八瀧 #yatakihk #尖沙咀美食 #omakase #櫻花雪景 #主題餐廳 #新派創意 #日式 #日本料理 #美食推薦 #欣賞美食 #我愛美食 #香港美食 #香港美食推介#Japanese #japanesefood #hkfood #hkfoodie #hkig #foodie #foodstagram #foodphotography #eatlove #foodiehkg…查看更多

超唯美櫻花雪景主題無敵櫻花牆+海洋投影·真係夠哂IGable八瀧｜尖沙咀以創意新穎手法·巧妙運用食材特性充滿記憶點的廚師發辦師傅更可以因應個人喜好·設定個人化MENU˶˙ᵕ˙ )ﾉﾞ⁜留港反攻價$1388ꕺ先付兩點·海膽豆腐｜赤水母刺身水母加入柚子酸汁·酸爽彈牙開胃一流ꕺ兵庫縣室津生蠔以三文魚籽點綴·添加蘋果啫喱令整體味道更清新生蠔肥點爽嫩· 蠔味明顯ꕺ富山灣白蝦非常有記憶點的料理·巧微運用蝦每個部位蝦肉鮮嫩·配上蝦蝦膏蝦油·口腔完美充斥蝦香ꕺ赤鯥·大拖羅 兩款魚油都好濃郁· 油香超令人滿足大拖羅厚切輕輕炙燒· 細嫩肥美油香四溢ꕺ鮟鱇魚肝師傅用醬油漬慢煮·入口淡淡醬油香甘香醇厚教人難忘·超愛這道ꕺ天婦羅海膽拿破崙超浮誇的擺盤· 視覺味覺滿分師傅用淡雪鹽提鮮· 海膽+拖羅蓉中間以紫菜分層具有層次的口感一口大滿足啊.ᐟ‪.ᐟ‪.ᐟ‪ꕺ壽司北海道帶子｜深海池魚｜赤身甜蝦｜中拖羅｜星鰻｜三文魚籽｜真蠔帶子鮮甜得過分· 超想encore;星鰻其獨特香氣·輕輕燒一燒·肥美又細嫩；三文魚籽自家醃制過·帶有好香清酒味最後還有油香滿溢嘅左口魚邊手卷同玉子燒ꕺ蒸物｜松葉蟹茶碗蒸ꕺ湯｜味噌湯ꕺ甜點｜黑芝麻雪糕全新沉浸式場景·配上演唱會音響卡拉OK8-10位更可以包場·岩哂一班人一齊慶祝⟡…查看更多

我哋早一個月已經book咗夜晚慶祝anniversary當晚準時到 但隔離位個兩位遲到差唔多成粒鐘 大家全部人一齊等咗佢先開始食一開始係等得好餓，但都滿心期待食落啲嘢食都唔錯 去到其中一幕仲有背景音樂first love背後仲有飄雪雖然上菜好慢 因為得一位師傅 對住我哋差唔多10位以上嘅客人 但我哋都覺得嘢食還好 睇得出都有心思去整點知去到最後 我哋好耐心咁等待佢下一道菜嘅時候發現個師傅好忙 原來去咗整額外既野食比佢嘅相熟朋友 亦即係當晚已經遲到嗰兩位師傅完全冇關心過，其他客人係咪都唔夠飽有其他客人都問發生咩事 點解師傅係咁整嘢食俾嗰兩位 師傅答：熟客係咁我心諗 我地其實都可以追加壽司架喎 點解你唔理大家我哋全部都停晒手 坐喺度 望住你將剩低嘅半桶飯 全部整曬俾你所謂熟客 見到師傅咁嘅無視同差別待遇 真係覺得千幾蚊一個人換來嘅係咁差嘅對待我地甜品都唔食就走了 好唔尊重以後都唔會再嚟…查看更多

喺香港及日本都食過唔同程度嘅廚師發板，但就從未食過咁差嘅 日本廚師發板， 見佢有好多好嘅食評， 畀呢啲好食評吸引咗去試 但試過之後就好後悔。 今日第一次到八瀧食宴佢都應該算係香港廚師發板中嘅天花板之頂級差勁 ！！！ 中午十二點十五分入座 ，當時已經見到啲魚生切好曬，排列在一塊冰墊上面 ，但魚生係外露喺室溫中 冇冚好 ， 魚生就係室溫環境等咗一個小， 到一點十五分 等齊吧檯十一位客人全部入坐廚師從廚房出嚟為客人上菜 ， 成個過程都不好受擔心食完會唔會肚痛肚屙！！！ 真心強烈不建議幫襯！…查看更多

相隔一段時間冇喺香港食Omakase， @yataki_hk 有櫻花落雪浪漫場景襯托，幾特別，食材新鮮啱哂打咭Dinner menu ($1388@)· 先付海膽豆腐赤水母加酸汁· 量子料理長崎縣生蠔質地爽口，配上蘋果啫喱三文魚籽，食落清甜鮮味，與醋啫喱做返平衡富山灣白蝦x北海道牡丹蝦，蝦頭做咗天婦羅，利用埋蝦膏蝦油精華，魚子醬作點輟，外型味道同樣💯，赤鯥配大拖羅，兩款油脂都較重，輕輕火炙過迫出油分更香鮟鰜魚肝用醬油漬慢煮，慕絲效果綿密軟滑口感👍🏻· 天婦羅海膽拿破崙打咭之選，上桌時師傅灑上淡雪鹽點綴看，好似浪漫落雪場景頂層用根室赤海膽，味道濃郁鮮甜，口感幼滑 ，中間夾住拖羅蓉，兩層以天婦羅紫菜相隔，提升口感層次 🆙 · 蒸物蟹肉茶碗蒸，面頭一梳梳新鮮蟹肉絲，撈勻蒸蛋滑溜非常· 握壽司//壽司飯用赤醋，酸味比較特出北海道活帶子甜蝦鰈魚吞拿魚赤身中拖羅星鰻赤海膽三文魚子蠔炙燒左口魚玉子燒…查看更多

☺️想慶祝紀念日或者食一間極有氣氛嘅Omakase，真係唔可以錯過👍🏼🌸今次去尖沙咀八瀧Omakase係為咗同另一半慶祝相識周年紀念，特登揀咗晚市21品套餐，感覺特別有儀式感。坐喺櫻花裝飾下，睇住師傅即場整每一道菜，食材全部新鮮直送日本，款款都好精緻。食咗一半仲有櫻花飄葉睇添，環境寧靜而高尚，靜靜地談情傾計非常適合！▫️▫️▫️▫️▫️▫️▫️▫️▫️▫️▫️▫️▫️▫️▫️🪼海膽豆腐同水母刺身柚子酸汁豆腐滑得滯而正實，有子汁令水母刺身更加開胃🦪牡蠣配蘋果啫喱鮮甜無比，配上蘋果啫喱非常清新，帶出晒牡蠣嘅鮮甜🦐底白釜山灣白蝦、面牡丹蝦、天婦羅蝦頭，再用蝦膏伴碟，層次豐富，連同一齊口感分明而新鮮🐟大拖羅、赤鹿、洋蔥漬師傅將赤鯥少少火槍辣葉逼出魚油，油香撲鼻，連埋大拖羅加埋洋蔥漬非常中和，油而不膩🐟慢煮鮟鱇魚肝Omakase唔少得嘅係鮟鱇魚肝，鍾意食魚肝嘅人就知道鮟鱇魚乾有幾咁香口，而八瀧嘅鮟鱇魚肝乾爽而魚肝香重，非常享受🍣天婦羅海膽拿破原排海膽放面非常吸引，下面係紫菜炸起嘅天婦羅再夾住拖羅蓉做出拿破崙造型，師傅更加食之前灑上雪花鹽，同後邊嘅櫻花布景互相輝映，成個拿破崙一口食先食到口感同味道有幾咁豐富🦀松葉蟹茶碗蒸非常之一讚茶碗蒸，蒸蛋非常濃郁，面頭松葉蟹肉蒸脆嘅精華融入咗落蛋度，非常香又滑溜🍣手握壽司10貫石班、深海池魚、赤身、甜蝦、中拖羅、星鰻、壽司卷、左口魚裙邊、厚岸真蠔、赤海膽，每件都非常新鮮好食，一定唔會失望🍰蛋奶同忌廉入口即溶，剛入口結實慢慢喺口入邊溶化，就食得到忌廉嘅滑溜，非常好食，自己想食多舊🍨芝士味雪糕芝士味極濃，而且口感細膩，雪糕入口即溶好滑，而芝士味仲喺口入邊浪下浪下，市面上完全食唔到，呢種口感同味道，超級加分🥰為整個晚餐畫上完美句號。每一樣食材都食得出新鮮同用心，真係好滿足，而老公都好喜歡安排同美食，佢都好高評價😋…查看更多

最近去咗間全香港唯一一間有櫻花同雪景嘅主題餐廳🌸勁靚囉🤩佢地日本料理絕對唔係傳統嗰種，係新派創意菜式，仲要性價比超高！Omakase Dinner $1388 位真係好有驚喜！一開波先付二點已經好精緻海膽豆腐滑溜鮮甜水母刺身加咗柚子汁好清新仲有德島縣蠔🦪蠔味好濃但唔腥，配埋蘋果啫喱、三文魚籽同青檸，口感超豐富！ 量子料理4品最正係鮟鱇魚肝（即係燈籠魚肝）入口即溶！仲有富山白蝦同牡丹蝦刺身，點埋蝦膏同蝦油，鮮味爆棚！赤鯥同大拖羅，用洋蔥漬煮，味道層次好有驚喜！天婦羅海膽拿破崙，哩個極力推介必食🤩師傅用心製作，灑上淡雪鹽作點缀，襯托背後樱花佈景🌸視覺同味覺享受。紫菜脆口夾住大拖羅蓉，面上海膽creamy到不得了🤤松葉蟹肉茶碗蒸超滑溜，蟹肉鮮甜。手握壽司10貫全部高質，北海道帶子、銀鱈魚、福井甜蝦、拖羅、星鰻……三文魚籽每件都新鮮到震！特別係赤海膽 同 左口魚群邊油脂香濃，入口即化！最後仲有蠔手卷 同 低溫忌廉玉子玉子口感好似布甸咁滑🤤尾聲茶壺湯清甜暖胃甜品柚子雪葩酸甜清爽！整體來講，食材高級、師傅手勢很好，性價比超高，絕對值得encore！🎉🍣如果有慶祝活動🥳🎂想私隱度高啲🎉8-10位就可以包場，成個地方都係你地嘅！快啲約埋朋友嚟啦！ …查看更多