影片
更多
2024-03-22
132 瀏覽
{二人豪華晚餐 - $960}餐桌有時就係廚師的舞台，將一碟碟作品呈現於食客的眼前！去呢間Chef's Stage Kitchen 令本麻甩收工後好似去左一個美食show 咁，2人晚餐有好多嘢食，勁滿足！♦️頭盤沙律湯一開始送上一盤麵包，勁香小麥味！南瓜湯香濃，紅菜頭青蘋果沙律好清新，為我們的味蕾做足準備！♦️ 香煎珍寶帶子及釀煙三文魚酥皮餡餅前菜兩樣食物，先講釀煙三文魚酥皮餡餅，外皮超酥脆，牛油香味爆發，配合高質的煙三文魚，咸香同唔同層次嘅口感真係好正！香煎帶子，成功將面頭煎得焦香，而且帶子好新鮮同先甜！實在係我近期最喜歡的帶子，好正！♦️墨魚汁鮮帶子海蝦扁意粉黑色食物往往帶著神秘的吸引力，同樣有前菜入面好新鮮嘅帶子，今次仲有濃濃蝦味嘅海蝦！成個意粉帶著香濃海鮮風味，真係好滿意，不過記得要抹咀😋♦️炭燒美國極黑豬鞍扒拼香草牛油焗波士頓龍蝦尾成件事一上碟就覺得好豪華，大大去豬鞍扒，用了12小時慢煮嘅手法，再用炭火烤香！一邊切肉汁不斷流出，成個煮法做到封鎖全部肉汁，令豬鞍鮮嫩多汁！龍蝦非常新鮮，焗嘅時間準備剛剛好，表層香草牛油香噴噴，龍蝦肉仍然鮮嫩爽彈！成碟都真係豪華級的享受
餐桌有時就係廚師的舞台，將一碟碟作品呈現於食客的眼前！去呢間Chef's Stage Kitchen 令本麻甩收工後好似去左一個美食show 咁，2人晚餐有好多嘢食，勁滿足！
♦️頭盤沙律湯
一開始送上一盤麵包，勁香小麥味！南瓜湯香濃，紅菜頭青蘋果沙律好清新，為我們的味蕾做足準備！
♦️ 香煎珍寶帶子及釀煙三文魚酥皮餡餅
前菜兩樣食物，先講釀煙三文魚酥皮餡餅，外皮超酥脆，牛油香味爆發，配合高質的煙三文魚，咸香同唔同層次嘅口感真係好正！香煎帶子，成功將面頭煎得焦香，而且帶子好新鮮同先甜！實在係我近期最喜歡的帶子，好正！
♦️墨魚汁鮮帶子海蝦扁意粉
黑色食物往往帶著神秘的吸引力，同樣有前菜入面好新鮮嘅帶子，今次仲有濃濃蝦味嘅海蝦！成個意粉帶著香濃海鮮風味，真係好滿意，不過記得要抹咀😋
♦️炭燒美國極黑豬鞍扒拼香草牛油焗波士頓龍蝦尾
成件事一上碟就覺得好豪華，大大去豬鞍扒，用了12小時慢煮嘅手法，再用炭火烤香！一邊切肉汁不斷流出，成個煮法做到封鎖全部肉汁，令豬鞍鮮嫩多汁！龍蝦非常新鮮，焗嘅時間準備剛剛好，表層香草牛油香噴噴，龍蝦肉仍然鮮嫩爽彈！成碟都真係豪華級的享受！
♦️啤酒
麻甩佬食好嘢，梗係飲番杯冰凍啤酒最啱key! 叫左Stella 同埋Suntory嘅Premium Malt's 真係一大享受！
美味程度：😋😋😋😋😋
環境指數：🎇🎇🎇🎇🎇
番食機會：🦍🦍🦍🦍🦍
📍 #Chef'sStageKitchen (將軍澳)
將軍澳唐俊街12號天晉匯地下G03號舖
張貼
